Home

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် မုံရွာခရိုင်အတွင်း စိုက်ပျိုးကဏ္ဍဖွံ့ဖြိုးတိုးတက်ရေး လုပ်ငန်းများကြည့်ရှုစစ်ဆေး

မုံရွာ စက်တင်ဘာ ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုး၊ တိုင်းဒေသကြီး လူမူရေးရာဝန်ကြီး ဦးအေးလိူင်၊ တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျှက် စက်တင်ဘာလ(၁၁)ရက်၊ နံနက် ပိုင်းတွင် မုံရွာခရိုင်၊ ဘုတလင်မြို့နယ်၊ အင်းတောကျေးရွာ၊ အင်းတောလျှပ်စစ်မြစ်ရေတင်လုပ်ငန်း ရှင်းလင်းဆောင်သို့ ရောက်ရှိရာ တိုင်းဒေသကြီး ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန (ရေအရင်းအမြစ်)မှ ဒုတိယညွှန်ကြားရေးမှူး ဦးချိုလတ် က အင်းတောလျှပ်စစ်မြစ်ရေတင်လုပ်ငန်းသည် ချင်းတွင်းမြစ်မှ ရေပေါ်ရေတင်စနစ်ဖြင့် ပင်မမြောင်းအရှည် - ၄.၁၇၆ မိုင်၊ လက်တံမြောင်းအရှည်- ၉.၁၂၈ မိုင်ဖြင့် ဆောင်ရွက်လျက်ရှိပြီး စီမံကိန်းဧရိယာဧက- ၁၅၀၀ တွင် နွေ၊မိုး၊ဆောင်းသီးနှံများကို စိုက်ပျိုးရေပေးဝေနေမှုလုပ်ငန်းများနှင့် ပတ်သက်၍ ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော် က အင်းတောလျှပ်စစ်မြစ်ရေတင်လုပ်ငန်းမှ တစ်နှစ်ပတ်လုံး ရေတင်စိုက်ပျိုးနိုင်ခြင်း ကြောင့် နွေ၊ မိုး၊ ဆောင်း - ၃ ရာသီတွင် အောင်မြင်စွာစိုက်ပျိုးလျက်ရှိသဖြင့် ဒေသဝမ်းစာဖူလုံပြီး လယ်ယာကဏ္ဍ စိုက်ပျိုးထုတ်လုပ်မှုစွမ်းအား ဖွံ့ဖြိုးတိုးတက်စေခြင်းကြောင့် တောင်သူများ၏ လူမူစီးပွား ဘဝများမြင့်မားလာပြီး ဒေသအတွင်း အလုပ်အကိုင်အခွင့်အလမ်းများ တိုးတက်များပြားလာစေရန်၊ ရာသီဥတုမျှတအောင်ထိန်းညှိပေးမှုကြောင့် ဒေသစိမ်းလန်းစိုပြေလာစေခြင်းစသည့် အကျိုးကျေးဇူး များရရှိခံစားစေရန်နှင့် တိုင်းဒေသကြီးအတွင်း မိုးစပါး - ၁၈၂၅၀၀၀ စိုက်ပျိုးရန်လျာထားရာ ယနေ့ အချိန်အထိ - ၁၆ သိန်းဧက စိုက်ပျိုးပြီးစီးပြီဖြစ်၍ စိုက်ပျိုးရာသီ စက်တင်ဘာလကုန်တွင် အပြီး စိုက်ပျိုးနိုင်ရေးအတွက် တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ချင်းတွင်းမြစ် အတွင်းမှ စိုက်ပျိူးရေတင်နေမှုနှင့် လျှပ်စစ်စက်ရုံတို့အား ကြည့်ရှုစစ်ဆေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဘုတလင်မြို့၊ ပြည်သူ့ဝန်ဆောင်မှုရုံးခန်းမတွင် ကျင်းပသော ဘုတလင်မြို့နယ်အတွင်းရှိ ဒေသခံတောင်သူများထံ စိုက်ပျိုးရေးသွင်းအားစုများ ပေးအပ်ပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် က အမှာစကားပြောကြားပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးနှင့် တိုင်းဒေသကြီး လူမူရေးရာဝန်ကြီး ဦးအေးလိူင် တို့က သီးနှံအထွက်တိုးရေးလုပ်ငန်းများနှင့် ပတ်သက်၍ အကြံပြုဆွေးနွေးပြောကြားကာ တိုင်းဒေသကြီး စိုက်ပျိုးရေးဦးစီးဌာနမှ တိုင်းဒေသကြီးဦးစီးမှူး ဦးဝင်းလိူင်ဦး က စိုက်ပျိုးရေးသွင်းအားစုများ ပေးအပ်ရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ဒေသခံတောင်သူ များထံ စိုက်ပျိုးရေးသွင်းအားစုများအား အသီးသီးပေးအပ်ကာ ဒေသခံတောင်သူများကိုယ်စား တောင်သူတစ်ဦးမှ ကျေးဇူးတင်စကား ပြန်လည်ပြောကြားပြီး အခမ်းအနားကို ရုပ်သိမ်းကာ တိုင်းဒေ သကြီး ဝန်ကြီးချုပ် ဦးမြတ်ကျော်က ဒေသခံတောင်သူများအား ရင်းရင်းနှီးနှီးလိုက်လံနှုတ်ဆက်အားပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာခရိုင်၊ အရာတော်မြို့နယ်၊ မန်ကျည်းဇောက်ကျေးရွာ၊ အရာတော်(၂)လျှပ်စစ်မြစ်ရေတင်စီမံကိန်း ရှင်းလင်း ဆောင်သို့ရောက်ရှိရာ တိုင်းဒေသကြီး ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန (ရေအရင်းအမြစ်)မှ ဒုတိယညွှန်ကြားရေးမှူး ဦးချိုလတ် က အရာတော်(၂)လျှပ်စစ်မြစ်ရေတင်စီမံကိန်း သည် မူးမြစ်မှ ရေပေါ်ရေတင်စနစ်ဖြင့် ပင်မမြောင်းအရှည် - ၁၂.၀၄ မိုင်၊ လက်တံမြောင်းအရှည်မိုင်- ၈၃.၇၇ မိုင်ဖြင့် ဆောင်ရွက်လျက်ရှိပြီး စီမံကိန်းဧရိယာဧက- ၁၀၀၀၀ တွင် မိုးစပါးဧက - ၂၃၀၀ ဧကနှင့် အခြားသီးနှံဧက - ၇၇၀၀ ဧက စိုက်ပျိုးရေပေးဝေနေမှုများကို ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က အရာတော်(၂) လျှပ်စစ်မြစ်ရေတင်စီမံက်ိန်းလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက် ပေးကာ မူးမြစ်အတွင်းမှ စိုက်ပျိူးရေတင်နေမှုတို့အား ကြည့်ရှုစစ်ဆေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အရာတော်မြို့၊ မြို့နယ်စီမံ အုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပသော အရာတော်မြို့နယ်အတွင်းရှိ ဒေသခံ တောင်သူများအား စိုက်ပျိုးရေးသွင်းအားစုများ ပေးအပ်ပွဲအခမ်းအနားသို့ တက်ရောက်ရာတိုင်းဒေသကြီး ဝန်ကြီးချုပ်က အမှာစကားပြောကြားပြီး တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီးဝင်းတင်စိုးနှင့် တိုင်းဒေသကြီး လူမူရေးရာဝန်ကြီး ဦးအေးလိူင် တို့က သီးနှံအထွက် တိုးရေးလုပ်ငန်းများနှင့် ပတ်သက်၍ အကြံပြုဆွေးနွေးပြောကြားကာ တိုင်းဒေသကြီး စိုက်ပျိုးရေး ဦးစီးဌာနမှ တိုင်းဒေသကြီးဦးစီးမှူး ဦးဝင်းလိူင်ဦးက စိုက်ပျိုးရေးသွင်းအားစုများ ပေးအပ်ရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ဒေသခံတောင်သူ များထံ စိုက်ပျိုးရေးသွင်းအားစုများအား အသီးသီးပေးအပ်ကာ ဒေသခံတောင်သူများကိုယ်စား တောင်သူတစ်ဦးမှ ကျေးဇူးတင်စကား ပြန်လည်ပြောကြားပြီး အခမ်းအနားကို ရုပ်သိမ်းကာ တိုင်းဒေသကြီး ဝန်ကြီးချုပ် ဦးမြတ်ကျော် က ဒေသခံတောင်သူများအား ရင်းရင်းနှီးနှီးလိုက်လံနှုတ်ဆက် အားပေးခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အရာတော် မြို့နယ်၊ ဝါးတန်းကျေးရွာရှိ စိုက်ပျိုးရေးနည်းပညာပြန့်ပွားရေးစင်တာတွင် တိုင်းဒေသကြီးစိုက်ပျိုးရေး ဦးစီးဌာနမှ ရှားစောင်းမျိုးနွယ်များ စိုက်ပျိုးထားသောသုတေသနခြံသို့ ရောက်ရှိရာ တာဝန်ခံဦးစီးအရာရှိ ဒေါက်တာတင်မာမာဦး က ဒေသမျိုးရှားစောင်းမျိုးနွယ်များ စိုက်ပျိုးထားရှိမှုအား ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ ဒေသမျိုးရှားစောင်းမျိုးနွယ်များ စိုက်ပျိုးထားမှုအား ကြည့်ရှု့ စစ်ဆေးခဲ့သည်။

အဆိုပါ ဘုတလင်မြို့နယ်နှင့့် အရာတော်မြို့နယ်များရှိ ဒေသခံတောင်သူများထံ စိုက်ပျိုးရေး သွင်းအားစုပစ္စည်းများဖြစ်သည့် ဇာမဏီကွန်ပေါင်းဓာတ်မြေသြဇာ- ၁၀၀ အိတ်၊ ရွက်ဖြန်းအား ဆေး -၂၀၀ အိတ်၊ ကောမတ်ဂျစ်ပ်ဆမ်မြေသြဇာ- ၁၀၀ အိတ်၊ EM - ၁ လီတာ ၂၀၀ ဗူး၊ ရွှေတောင် ၈ မျိုးသန့် ချည်မျှင်ရှည်ဝါမျိုးစေ့ - ၃ ပ်ိသာဝင်အိတ်- ၁၄၀ အိတ်၊ ဆေးဖြန်းပုံး - ၆ ပုံးတို့အားပေးအပ်ခဲ့သည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် တိုင်းဒေသကြီးအစိုးရအဖွဲ့နှင့် လူမူရေးအသင်း အဖွဲ့များတွေ့ဆုံပွဲ အခမ်းအနားတက်ရောက်

မုံရွာ စက်တင်ဘာ ၁၁

စစ်ကိုင်းတိုင်းဒေသကြီးအစိုးရအဖွဲ့နှင့် လူမူရေးအသင်းအဖွဲ့များတွေ့ဆုံပွဲ အခမ်းအနားကို စက်တင်ဘာလ (၁၀)ရက်၊ နံနက်(၁၀) နာရီအချိန်တွင် တိုင်းဒေသကြီးအစိုးရအဖွဲ့ရုံး ချင်းတွင်း ခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရ အဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ မုံရွာမြို့မှ ဆရာဝန်များအသင်း၊ စာရေးဆရာများအသင်း၊ ဇာတ်သဘင်အစည်းအရုံး၊ စစ်မှုထမ်းဟောင်းအဖွဲ့၊ မီးသတ်တပ်ဖွဲ့နှင့် ကြက်ခြေနီတပ်ဖွဲ့များမှ ကိုယ်စားလှယ် အသင်းဝင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်ဦးမြတ်ကျော်က နှုတ်ခွန်းဆက်စကား ပြောကြားရာတွင် “ ယခုအချိန်အခါတွင် ကမ္ဘာနှင့်တစ်ဝှမ်း တွေ့ကြုံနေရတဲ့ ကိုဗစ်-၁၉ ကပ်ရောဂါဆိုးကြီး ဖြစ်ပေါ်နေသည့်အတွက် ပြည်သူများအနေဖြင့် စီးပွားရေး၊ လူမူရေးအခက်အခဲများ တွေ့ကြုံနေရသည်ကို သိရှိနားလည်ပါကြောင်း၊ တိုင်းဒေသကြီးအတွင်း ဒေသအသီးသီးမှာရှိတဲ့ လူမူရေးရာလုပ်ငန်းများကို ကိုယ်ရောစိတ်ပါနှစ်မြုတ်ပြီး စေတနာ၊ဝါသနာ၊အနစ်နာစတဲ့ နာသုံးနာကို အခြေခံပြီး လူမူရေးလုပ်ငန်းများကို မိမိကိုယ်ကျိုးကို မငဲ့ကွက်ဘဲ ကြိုးပမ်းဆောင်ရွက်နေကြတာကိုတွေ့ရလို့ ဝမ်းသာပီတိဖြစ်ပါကြောင်း၊ မိမိတို့အုပ်ချုပ်ရေး အဖွဲ့အစည်းများအနေဖြင့် ဌာနဆိုင်ရာတာဝန်ရှိသူ များ၊ အခမ်းအနားသို့ တက်ရောက်လာကြတဲ့ ယခုအဖွဲ့အစည်းများနှင့် ပူးပေါင်းပြီး တိုင်းဒေသကြီရဲ့ လုံခြုံတည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးကို အစွမ်းကုန် ဆောင်ရွက်သွားမည်ဖြစ်ပါကြောင်း၊ ” ပြောကြားကာ တိုင်းဒေသကြီး လူမူရေးရာဝန်ကြီး ဦးအေးလှိုင်နှင့် တိုင်းဒေသကြီး သယံဇာတရေးရာ ဝန်ကြီး ဦးတင်သန်းဝင်း တို့က နှုတ်ခွန်းဆက်စကား ပြောကြားကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ဆရာဝန်များအသင်း၊ ဇာတ်သဘင်အစည်းရုံးနှင့် စာရေးဆရာများအသင်းတို့မှ တာဝန်ရှိသူများထံ ဆန်နှင့်ဆီများပေးအပ်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက စစ်မှုထမ်းဟောင်းအဖွဲ့သို့လည်းကောင်း၊ တိုင်းဒေသကြီး လူမူရေးရာဝန်ကြီး ဦးအေးလိူင်က မီးသတ်တပ်ဖွဲ့သို့လည်းကောင်း၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက ကြက်ခြေနီတပ်ဖွဲ့တို့မှ တာဝန်ရှိသူများထံ ဆန်နှင့်ဆီများ အသီးသီးပေးအပ်ကြသည်။

ဆက်လက်၍ ဆရာဝန်များအသင်း၊ စာရေးဆရာများအသင်းနှင့် ဇာတ်သဘင်အစည်းအရုံးမှ တာဝန်ရှိသူများက ကျေးဇူးတင်စကားပြန်လည် ပြောကြာကာ တိုင်ဒေသကြီးဝန်ကြီးချုပ် ဦးမြတ်ကျော်က တိုင်းဒေသကြီး အစိုးရအဖွဲ့ဝင်များနှင့် ပြန်လည်မိတ်ဆက်ပေးကာ အခမ်းအနားသို့ တက်ရောက်လာကြသော လူမူရေးအသင်းအဖွဲ့ဝင်များအား နှာခေါင်းစည်း Mask များ ပေးအပ်ကာ အခမ်းအနားကို ရုပ်သိမ်းခဲ့သည်။

အဆိုပါ စစ်ကိုင်းတိုင်းဒေသကြီးအစိုးရအဖွဲ့နှင့် လူမူရေးအသင်းအဖွဲ့များ တွေ့ဆုံပွဲအခမ်းအနားတွင် ဆရာဝန်များအသင်း၊ စာရေးဆရာများအသင်း၊ ဇာတ်သဘင်အစည်းအရုံး၊ စစ်မှုထမ်းဟောင်းအဖွဲ့၊ မီးသတ်တပ်ဖွဲ့နှင့် ကြက်ခြေနီတပ်ဖွဲ့များသို့ ဆန် - ၃၁၀ အိတ်၊ ဆီ - ၃၁၀ ပုလင်းနှင့် နှာခေါင်းစည်း Mask - ၃၀၀၀ ခု ကာလတန်ဘိုးငွေကျပ်သိန်း - ၅၁၅၀၀၀ဝိ (ငါးဆယ့် တစ်သိန်းငါးသောင်း)အား ပေးအပ်ခဲ့ကြောင်း သတင်းရရှိသည်။

You can visit us at facebook

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် တိုင်းဒေသကြီး ကိုဗစ်-၁၉ ရောဂါ ကာကွယ်၊ ထိန်းချုပ်၊ကုသရေး လုပ်ငန်းညှိနှိုင်းအစည်းအဝေး(၂၈/၂၀၂၁) တက်ရောက်

မုံရွာ စက်တင်ဘာ ၁၀ စစ်ကိုင်းတိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးလုပ်ငန်းညှိနှိုင်း အစည်းအဝေး(၂၈/၂၀၂၁)ကို စက်တင်ဘာလ(၉)ရက်၊ မွန်းလွဲပိုင်း(၁) နာရီအချိန်တွင် တိုင်းဒေသ ကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ်ဖြိုးသန့်နှင့် တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့်အရေးပေါ်တုံ့ပြန်ရေး ကော်မတီအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများ တက်ရောက် တိုင်းဒေသကြီး ဝန်ကြီးချုပ် ဦးမြတ်ကျော် က အမှာစကား ပြောကြားရာတွင် “စစ်ကိုင်းတိုင်းဒေသကြီးအတွင်းရှိ မြို့နယ်များတွင် ကိုဗစ်-၁၉ ရောဂါပိုးကို များများစစ်ဆေးခြင်း၊ ပိုးတွေ့ရှိမှု လျော့နည်းအောင်ပညာပေးခြင်းလုပ်ငန်းများ စစ်ဆေးကြပ်မတ်ခြင်းများ ဆောင်ရွက်လျက် ရှိပါကြောင်း၊ စစ်ဆေးတွေ့ရှိသော လူနာများထားရှိမည့် Center များကိုလည်း လူနာများအတွက် ဆောင်ရွက်ပေးရမည့် လုပ်ငန်းများကို အထူးအလေးထား ဆောင်ရွက်ကြရန်နှင့် ဆေးရုံများတွင် ကုသ နေသည့်လူနာများကို ဆေးကုသမှု၊ အောက်ဆီဂျင်လိုအပ်မှု မရှိအောင်နှင့် သေဆုံးမှု မရှိအောင် ကြိုးပမ်းဆောင်ရွက်လျက်ရှိပါကြောင်း၊ ကိုဗစ်-၁၉ ရောဂါ ကာကွယ်ရေးလုပ်ငန်းများကို အရှိန် အဟုန်မြင့် ဆောင်ရွက်နေသည့်အတွက် စစ်ကိုင်းတိုင်းဒေသကြီးအနေဖြင့် စစ်ဆေး၍ပိုးတွေ့ရှိမှု ၁၀% အောက်သို့ရောက်ရှိလာပြီဖြစ်ပါကြောင်း၊ ယခုအစည်းအဝေးသို့ တက်ရောက်လာကြသော တာဝန်ရှိသူအားလုံးရဲ့ ဝိုင်းဝန်းကြိုးပမ်းဆောင်ရွက်မှုကြောင့် တိုင်းဒေသကြီးအတွင်းရှိပြည်သူများ ကိုဗစ်-၁၉ ရောဂါပိုးတွေ့ရှိမှု၊ သေဆုံးမှုလျော့နည်းလာတာကို တွေ့ရှိရပါကြောင်း ” ပြောကြားခဲ့သည်။ ယင်းနောက် အနောက်မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ်ဖြိုးသန့်က ကာကွယ်ဆေးထိုးနှံရေးလုပ်ငန်းများတွင် မိမိတို့အနေဖြင့် တာဝန်ရှိသူများနှင့် ပေါင်းစပ်ဆောင်ရွက်ပေးသွားမည်ဖြစ်ပါကြောင်း၊ အောက်ဆီဂျင်များ ပြည့်မီစွာရရှိရေးလုပ်ငန်းများကိုလည်း ပူးပေါင်း ဆောင်ရွက်ပေးသွားမည်ဖြစ်ပါကြောင်း ပြောကြားကာ အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက ကိုဗစ်၁၉ ရောဂါကာကွယ်၊ ထိန်းချုပ်၊ ကုသခြင်းဆိုင်ရာလုပ်ငန်းများ၊ ကာကွယ်ဆေးထိုးနှံခြင်းဆိုင်ရာ လုပ်ငန်းများ၊ ကိုဗစ်-၁၉ ရောဂါ ထိန်းချုပ်ရေးနှင့်အရေးပေါ်တုံ့ပြန်ရေး ကော်မတီများမှ ပညာပေးလုပ်ငန်းများ ဆောင်ရွက်နေမှုနှင့် မြို့ဝင်မြို့ထွက်စစ်ဆေးရေး ဂိတ်များဆောင်ရွက်နေမှုလုပ်ငန်းများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။ ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က ကိုဗစ်-၁၉ ရောဂါ၊ ကာကွယ်၊ ထိန်းချုပ်၊ကုသခြင်း ဆိုင်ရာလုပ်ငန်းများ၊ ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီများမှ ပညာပေးလုပ်ငန်းများ ဆောင်ရွက်နေမှုလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ အစည်းအဝေးကိုရုပ်သိမ်းခဲ့သည်။ ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ပြည်သူ့ဆေးရုံကြီး တိုးချဲ့(၅)ထပ် လူနာကုသဆောင် တည်ဆောက်ရေး ရှင်းလင်းဆောင်သို့ ရောက်ရှိရာ အဆောက်အဦအထူးအဖွဲ့(၁၀)မှ လက်ထောက်ညွှန်ကြားရေးမှူး - မြို့ပြ ဦးဂိုခန့်မာန် က တိုးချဲ့(၅)ထပ် လူနာကုသဆောင် ဆောက်လုပ်နေမှုလုပ်ငန်းများနှင့်ပတ်သက်၍ ရှင်းလင်းတင်ပြသည်။ ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်က တိုးချဲ့(၅)ထပ် လူနာ ကုသဆောင် ဆောက်လုပ်နေမှုလုပ်ငန်းများ စံချိန်စံညွှန်းမီ အရည်အသွေးပြည့်မီစွာ ဆောက်လုပ်ပြီးစီးရေး၊ လုပ်ငန်းခွင်အန္တရာယ်ကင်းရှင်းရေးတို့အား အလေးထားဆောင်ရွက်သွားကြရန် မှာကြားကာ တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ တိုးချဲ့(၅)ထပ် လူနာကုသဆောင် အဆောက်အဦတည်ဆောက်နေမှု လုပ်ငန်းများအား လှည့်လည်ကြည့်ရှု စစ်ဆေးခဲ့သည်။ အဆိုပါ မုံရွာမြို့၊ ပြည်သူ့ဆေးရုံကြီး တိုးချဲ့(၅)ထပ် လူနာကုသဆောင် အဆောက်အဦသည် (အလျား ၁၈၀’ ပေx အနံ ၁၆၀’ပေx အမြင့် ၇၉’ပေ) တိုးချဲ့(၅)ထပ် သံကူကွန်ကရစ် အဆောက်အဦ အမျိုးအစားဖြစ်ပြီး ၂၀၁၉-၂၀၂၀ ဘဏ္ဍာနှစ်မှ စတင်၍ အဆောက်အဦအထူး အဖွဲ့(၁၀)မှတာဝန်ယူတည်ဆောက်ရာ စီမံကိန်းတန်ဖိုးစုစုပေါင်းငွေကျပ်- ၉၁၈၀.၄၃၉ သန်း ဖြစ်ပြီး ၂၀၂၂ - ခုနှစ်၊ မတ်လတွင် တည်ဆောက်ရေးလုပ်ငန်းများအားလုံး ၁၀၀% ပြီးစီးမည်ဖြစ်ကြောင်း သတင်းရရှိသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ရွှေတောင်ဦး တိပိဋကဓမ္မပါရ မဟာဝိဟာရ ကျောင်းနှင့် ရွှေတောင်ဦးလယ်တီ ဝိပဿနာဓမ္မရိပ်သာကျောင်းတို့အား ဝါဆိုသင်္ကန်းနှင့် ဆွမ်းဆန်စိမ်း များ ဆက်ကပ်လှူဒါန်းပွဲနှင့် စစ်ကိုင်းတိုင်းဒေသကြီး အစိုးရအဖွဲ့သို့ Oxygen Plan

စစ်ကိုင်းတိုင်းဒေသကြီး၊ ယင်းမာပင်ခရိုင်၊ ယင်းမာပင်မြို့နယ်၊ ရွှေတောင်ဦး တိပိဋကဓမ္မပါရ မဟာဝိဟာရကျောင်းနှင့် ရွှေတောင်ဦးလယ်တီဝိပဿနာ ဓမ္မရိပ်သာကျောင်းတို့အား သီတင်းသုံးတော် မူကြသော ဆရာတော်၊ သံဃာတော် အရှင်သူမြတ်တို့အား စစ်ကိုင်းတိုင်းဒေသကြီး အစိုးရအဖွဲ့မှ ဝါဆိုသင်္ကန်းနှင့် ဆွမ်းဆန်စိမ်းများ ဆက်ကပ်လှူဒါန်းပွဲ အခမ်းအနားကို (၇-၉-၂၀၂၁)ရက်နေ့၊ နံနက်ပိုင်းတွင် ရွှေတောင်ဦးတိပိဋက ဓမ္မပါရမဟာဝိဟာရကျောင်းတိုက်ရှိ ဝိနယဓမ္မာရုံတော်တွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တာဝန်ရှိသူများ တက်ရောက်ကာ ပဓာနနာယက ဒွိပိဋကဓရ၊ ဒွိပိဋကကောဝိဒ၊ အဂ္ဂ မဟာပဏ္ဍိတ ဘဒ္ဒန္တပညာဝံသ ဆရာတော်ကြီးထံ တိုင်းဒေသကြီး ဝန်ကြီးချုပ် ဦးမြတ်ကျော်က ဝါဆို သင်္ကန်း၊ လှူဘွယ်ပစ္စည်းများနှင့် ဆွမ်းဆန်စိမ်းများအား ဆက်ကပ်လှူဒါန်းပြီး ရွှေတောင်ဦး တိပိဋက ဓမ္မပါရမဟာဝိဟာရကျောင်းနှင့် ရွှေတောင်ဦး လယ်တီဝိပဿနာ ဓမ္မရိပ်သာကျောင်းတိုက်တို့မှ ဆရာ တော်ကြီးများထံ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တာဝန်ရှိသူများက ဝါဆိုသင်္ကန်း၊ လှူဘွယ်ပစ္စည်းများနှင့် ဆွမ်းဆန်စိမ်းများအား အသီးသီးဆက်ကပ်လှူဒါန်းခဲ့ကြပါသည်။ အဆိုပါ ရွှေတောင်ဦး တိပိဋကဓမ္မပါရ မဟာဝိဟာရကျောင်းနှင့် ရွှေတောင်ဦးလယ်တီ ဝိပဿနာ ဓမ္မရိပ်သာကျောင်းတို့တွင် သီတင်းသုံးတော်မူကြသော ဆရာတော်၊ သံဃာတော်အရှင် သူမြတ်တို့အား တိုင်းဒေသကြီးအစိုးရအဖွဲ့မှ ဆန် -၂၀ အိတ်၊ ဆီ - ၁၀ ပုံး၊ ဆား - ၂၄ ထုပ်၊ ပဲ - ၅၀ ပိသာ၊ ကြက်သွန်နီ - ၁၀၀ ပိသာ၊ ကြာဇံ - ၂၅ ထုပ်အား ဆက်ကပ်လှူဒါန်းပြီး ကာလတန်ဘိုးငွေကျပ် - ၂၀,၉၇၃၀၀ ၊(သိန်း နှစ်ဆယ်ကိုးသောင်းခုနှစ်ထောင့်သုံးရာ တိတိ)အား ဆက်ကပ်လှူဒါန်းခဲ့ပါသည်။ ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီးအစိုးရ အဖွဲ့ရုံးရှိ ချင်းတွင်းခန်းမတွင် ကျင်းပသော စစ်ကိုင်းတိုင်းဒေသကြီး အစိုးရအဖွဲ့သို့ Oxygen Plant ၊ Oxygen Concentrator ၊ ဆန် ၊ ဆီနှင့် အလှူငွေပေးအပ်ပွဲ အခမ်းအနားသို့ တက်ရာက်ရာ တိုင်းဒေသကြီး ဝန်ကြီးချုပ်က အမှာစကားပြောကြားပြီး အလှူရှင်များကိုယ်စား Tzu Chi Buddhist Foundation မှ အမှုဆောင်ဒါရိုက်တာ ဒေါ်သီတာခင်မှ လှူဒါန်းရခြင်းနှင့်ပတ်သက်၍ ရှင်းလင်းပြောကြားခဲ့ပါသည်။ တိုင်းဒေသကြီး ဝန်ကြီးချုပ်ထံ Tzu Chi Buddhist Foundation မှ အလှူရှင် ဦးကျော်ခင် မှ - ၁၆၆,၃၆၀၀,၀၀ ကျပ် (တစ်ထောင်ခြောက်ရာခြောက်ဆယ့် သုံးသိန်း ခြောက်သောင်း) တန်ဘိုးရှိ ဆန်အိတ်- ၁၀၀၀ အိတ်၊ ဆီ - ၁၀၀၀ ဗူး၊ Oxygen Concentrator ၁၀၀ လုံးတို့အား လည်းကောင်း၊ အလှူရှင် ဒေါ်ထွေးထွေး ၊ မြေး မောင်မင်းသန့်ဖြိုးနှင့် ဓမ္မမိတ်ဆွေများ ရန်ကုန်မြို့၊ ကိုယ်စား ဦးကျော်လွင် မှ အမေရိကန်ဒေါ်လာ - ၄၇၀၀၀ (လေးသောင်းခုနှစ်ထောင်) တန်ဘိုးရှိ နာဂဒေသနန်းယွန်းမြို့တွင်အသုံးပြုမည့် Oxygen Plant စက်- ၁ လုံး အားပေးအပ် လှူဒါန်းကြရာ တိုင်းဒေသကြီး ဝန်ကြီးချုပ်က ဂုဏ်ပြုမှတ်တမ်းလွှာများအား ပြန်လည်ပေးအပ်ခဲ့ပါသည်။ ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးထံ အလှူရှင် ဇေယျာပဒေသာဖောင်ဒေးရှင်း ကိုယ်စား ရဲမှူးကြီးတင်အောင်(ငြိမ်း)နှင့် ဦးညွှန့်စိုး ထွေ/အုပ် (ငြိမ်း)တို့မှ အလှူငွေကျပ် - ၂၇၅ သိန်းအား လည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းထံ အလှူရှင် ဒေါ်ခင်မြင့်အေး စစ်ကိုင်းမြို့ ကိုယ်စား ဦးအောင်တိုးမှ အလှူငွေကျပ်- ၁၀ သိန်းအား ပေးအပ်လှူဒါန်းကြရာ ဂုဏ်ပြုမှတ်တမ်းလွှာများ ပြန်လည်ပေးအပ်ကြပါသည်။ ထို့နောက် တိုင်းဒေသကြီး လူမူရေးရာဝန်ကြီး ဦးအေးလှိုင်က တိုင်းဒေသကြီးအစိုးရအဖွဲ့ ကိုယ်စား Oxygen Plant ၊ Oxygen Concentrator ၊ ဆန် ၊ ဆီနှင့် အလှူငွေများ လှူဒါန်းပေးသည့် အတွက် ကျေးဇူးတင်စကားပြောကြားကာ အခမ်းအနားကို ရုပ်သိမ်းခဲ့ကြသည်။ အဆိုပါ စစ်ကိုင်းတိုင်းဒေသကြီး အစိုးရအဖွဲ့သို့ အလှူရှင်များမှ ပစ္စည်းနှင့်အလှူငွေ လှူဒါန်း ငွေစုစုပေါင်းမှာ မြန်မာငွေ - ၁၉၄၈,၆၀,၀၀၀ ကျပ် (တစ်ထောင်ကိုးရာလေးဆယ် ရှစ်သိန်း ခြောက် သောင်းကျပ်)နှင့် အမေရိကန်ဒေါ်လာ - ၄၇၀၀၀ (လေးသောင်းခုနှစ်ထောင်) တို့အား လှူဒါန်းခဲ့ကြောင်း သတင်းရရှိပါသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ရွှေဘိုခရိုင်အတွင်း ဒေသဖွံ့ဖြိုးရေး လုပ်ငန်းများ ကြည့်ရှုစစ်ဆေး

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီးဝင်းတင်စိုး၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းနှင့် တိုင်းဒေသကြီးအဆင့်ဌာနဆိုင်ရာအကြီးအကဲများ လိုက်ပါလျက် ၂၀၂၁ ခုနှစ်၊ စက်တင်ဘာလ (၆)ရက်၊ မွန်းလွဲပိုင်းတွင် ရွှေဘိုမြို့နယ်၊ မြင်ချင်ကျေးရွာ၊ အဆင့်မြင့်လယ်ယာဖော်ဆောင်ခြင်း စီမံကိန်းအတွင်းရှိ တိုင်းဒေသကြီးကိုယ်စားပြု စပါးတစ်ဧက အထွက်နှုန်းတိုးတက်ရေးအတွက် တစ်ကွင်းတစ်စပ်တည်း ဧက(၁၀၀)စံပြကွက် မြေသြဇာကြဲပတ်နေမှု၊ သမန်းနိုးနေမှုနှင့် ဓာတ်မြေသြဇာများ လေလွင့်ဆုံးရှုံးမှု မရှိစေရန်နှင့် အပင်မှအဟာရ ပြည့်ဝစွာစားသုံးနိုင်စေရန်၊ ဓာတ်မြေသြဇာနှင့် သဘာ၀မြေသြဇာတို့ကို တောင်သူများအကျိုးရှိရှိ တွဲဖက်အသုံးပြုတတ်စေရန် ရည်ရွယ်၍ ဓာတ်မြေသြဇာရောစပ်နေမှု သရုပ်ပြသခြင်းအား ကြည့်ရှုအားပေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပါသည်။ ယင်းနောက် စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဝက်လက်မြို့၊ ဟံလင်းကျေးရွာရှိ ကမ္ဘာ့အမွေအနှစ် ဟံလင်းပျူမြို့ဟောင်းသို့ရောက်ရှိရာ မြို့ဟောင်းအုတ်ရိုး၊ ပျူလူမျိုးများအသုံးပြုခဲ့သော အသုံးအဆောင်ပစ္စည်းများထားသည့် ပြတိုက်နှင့် ပျူလူမျိုးများ အရိုးစု သင်္ချိုင်းနေရာ၊ ကျောက်စာရုံတို့အား ကြည့်ရှုစစ်ဆေးပြီး ဝန်ကြီးချုပ်က ရှေးဟောင်းအမွေအနှစ်များ မပျက်စီးစေရန်နှင့် စနစ်တကျထိန်းသိမ်းစောင့်ရှောက်ရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပါသည်။ ဆက်လက်၍ စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဝက်လက်မြို့၊ မာဃိန္ဒာ ရာမ ပရိယတ္တိစာသင်တိုက်၊ သာသနာ့ဓဇဓမ္မာစရိယ မဟာဂန္ထဝါစကပဏ္ဍိတ ဘဒ္ဒန္တမာဃ၀ ဆရာတော် ကြီးထံ ဝါဆိုသင်္ကန်း၊ လှူဘွယ်ပစ္စည်းများနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြပါသည်။ ထို့နောက် စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိများသည် ဝက်လက် မြို့နယ်၊ မြို့နယ်စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပသော အောက်ဆီဂျင် Concentrator များ၊ ၄၀ လီတာ အောက်ဆီဂျင်အိုးများ၊ ကိုဗစ်-၁၉ ရောဂါ ကာကွယ်ရေးပစ္စည်းများ၊ စားသောက်ဖွယ်ရာများနှင့် ထောက်ပံ့ငွေများ ပေးအပ်ပွဲအခမ်းအနားသို့ တက်ရောက်ကာ စစ်ကိုင်းတိုင်းဒေသကြီး ဝန်ကြီးချုပ်က အမှာစကားပြောကြားပြီး တာဝန်ရှိသူ များနှင့်အတူ ကိုဗစ်-၁၉ ရောဂါထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၊ ကျန်းမာရေးဝန်ထမ်း များ၊ ကိုဗစ်-၁၉ ရောဂါအတည်ပြုလူများနှင့် လူမူရေးအသင်းအဖွဲ့ဝင်များမှ တာဝန်ရှိသူများထံ အောက်ဆီဂျင် Concentrator များ၊ အောက်ဆီဂျင် ၄၀ လီတာအိုးများ၊ ကိုဗစ်-၁၉ ရောဂါ ကာကွယ် ရေးပစ္စည်းများ၊ စားသောက်ဖွယ်ရာများနှင့် ထောက်ပံ့ငွေများအား အသီးသီးပေးအပ်ကြပါသည်။ စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဝက်လက်မြို့၊ ပြည်သူဆေးရုံသို့ ရောက်ရှိရာ ကျန်းမာရေးဝန်ထမ်းများနှင့် ကိုဗစ်-၁၉ ရောဂါ လူနာများအတွက် စားသောက်ဖွယ်ရာများ ပေးအပ်ခဲ့ကြောင်း သတင်းရရှိသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ကန့်ဘလူခရိုင်အတွင်း ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေး

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီးဝင်းတင်စိုး၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းနှင့် တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျက် ၂၀၂၁ ခုနှစ်၊ စက်တင်ဘာလ(၅)ရက်၊ နံနက်ပိုင်းတွင် ကျွန်းလှမြို့နယ် သဖန်းဆိပ်ရေလှောင်တမံ ရှင်းလင်းဆောင်သို့ ရောက်ရှိရာ တိုင်းဒေသကြီးဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာနမှ ညွှန်ကြားရေးမှူး ဦးစိုးနိုင်က သဖန်းဆိပ်ရေလှောင်တမံ အတွင်းသို့ ရေဝင် ရောက်မှုအခြေအနေနှင့် စိုက်ပျိုးရေပေးဝေနေမှုအခြေအနေများအား ရှင်းလင်း တင်ပြခဲ့ပါသည်။ ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က သဖန်းဆိပ်ရေလှောင်တမံအတွင်းသို့ ရေဝင်ရောက်မှုအခြေအနေနှင့် စိုက်ပျိုးရေပေးဝေနေမှုအခြေအနေများနှင့်ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်စည်းပေါင်းစပ် ဆောင်ရွက်ပေးကာ သဖန်းဆိပ် ရေအားလျှပ်စစ်စက်ရုံ လျှပ်စစ်ဓာတ်အား ဖြန့်ဖြူးပေးနေမှု လုပ်ငန်းများအား ကြည့်ရှု့စစ်ဆေးပြီး သဖန်း ဆိပ်ရေလှောင်တမံအတွင်း ရေဝင်ရောက်မှု အခြေအနေနှင့် ရေပိုလွှဲတို့အားကြည့်ရှုစစ်ဆေးခဲ့ပါသည်။ အဆိုပါ သဖန်းဆိပ်ရေလှောင်တမံသည် မြေသားတမံဖြစ်ပြီး ကန်ရေပြည့်ရေသိုလှောင်နိုုင်မှု ပမာဏမှာ -၂၇၉၄၀၀၀ ဧကဖြစ်ရာ လက်ရှိအချိန်တွင် ဝင်ရောက်နေသည့်ရေပမာဏမှာ- ၁၈ သိန်း၊ ၉ သောင်း ဧက ဖြစ်ကာ အဆိုပါ ရေဖြင့် မိုးစပါး- ၄၈၄၀၀၀ ဧကစိုက်ပျိုးလျက်ရှိပြီး နွေစပါးနှင့်အခြားသီးနှံ - ၃၂၀၀၀၀ ဧကကျော် စိုက်ပျိုးသွားမည်ကြောင်း သိရပါသည်။ ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျွန်းလှမြို့ သီတဂူဗုဒ္ဓ တက္ကသိုလ် သံဃာ့ဆေးရုံ ဆရာတော်ကြီးထံ ဝါဆိုသင်္ကန်းနှင့် လှူဘွယ်ပစ္စည်းများ၊ ဆွမ်းဆန်စိမ်းများ ဆပ်ကပ်လှူဒါန်းခဲ့ကြပါသည်။ တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ကျွန်းလှမြို့ စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပသော အောက်ဆီဂျင် Concentrater များ၊ အောက်ဆီဂျင်အိုးများနှင့် ကိုဗစ်-၁၉ရောဂါ ကာကွယ်ရေးပစ္စည်းများ၊ စားသောက်ဖွယ်ရာ များနှင့် ထောက်ပံ့ငွေများပေးအပ်ပွဲ အခမ်းအနားသို့ တက်ရောက်ကာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားပြီး ကျွန်းလှမြို့နယ် စီမံအုပ်ချုပ်ရေးအဖွဲ့ ဥက္ကဌက မြို့နယ်ဆိုင်ရာဒေသဖွံ့ဖြိုးရေး လုပ်ငန်းများနှင့် ဆက်လက်ဆောင်ရွက်မည့် လုပ်ငန်းများအား ရှင်းလင်းတင်ပြပြီး တိုင်းဒေသကြီးအစိုးရအဖွဲ့ဝင် ဗိုလ်မှူးကြီးဝင်တင်းစိုးနှင့် သယံဇာတ ရေးရာဝန်ကြီး ဦးတင်သန်းဝင်း တို့က ဒေသဖွံဖြိုးရေးလုပ်ငန်းများနှင့် ပတ်သက်၍ လိုအပ်သည်များကို အကြံပြုဆွေးနွေးခဲ့ကြပါသည်။ ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကိုဗစ်-၁၉ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၊ ကျန်းမာရေးဝန်ထမ်းများနှင့် ကိုဗစ်-၁၉ရောဂါအတည်ပြု လူနာများနှင့် လူမှုရေးအသင်းအဖွဲ့များအား အောက်ဆီဂျင် Concentrater များ၊ အောက်ဆီဂျင်အိုးများနှင့် ကိုဗစ်-၁၉ ရောဂါ ကာကွယ် ရေးပစ္စည်းများ၊ စားသောက်ဖွယ်ရာများနှင့် ထောက်ပံ့ငွေများအား တာဝန်ရှိသူများထံ အသီးသီး ပေးအပ်ကြပါသည်။ ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျွန်းလှမြို့၊ ပြည်သူ့ဆေးရုံသို့ ရောက်ရှိရာ ကျန်းမာရေးဝန်ထမ်းများနှင့် ကိုဗစ်-၁၉ ရောဂါ အတည်ပြုလူနာများအတွက် စားသောက် ဖွယ်ရာများအား တာဝန်ရှိသူများထံပေးအပ်ခဲ့ပါသည်။ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ မဟာရွှေစည်ကြီး ပရိယတ္တိစာသင်တိုက် ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းများနှင့် ဆွမ်းဆန်စိမ်းများအား ဆပ်ကပ်လှူဒါန်းခဲ့ပြီး ကန့်ဘလူမြို့၊ ကုတင် - ၁၀၀ ဆံ့ ပြည်သူ့ဆေးရုံကြီးအတွင်း တိုင်းဒေသကြီး အစိုးရ အဖွဲ့မှပေးအပ်သည့် တစ်ရက်လျှင် ၄၀ လီတာဆံ့အိုး - ၁၀၀ ထွက်ရှိသည့် အောက်ဆီဂျင်စက်ရုံ တည် ဆောက်လုပ်နေမှုအား ကြည့်ရှု့စစ်ဆေးကာ ကျန်းမာရေးဝန်ထမ်းများနှင့် ကိုဗစ်-၁၉ ရောဂါ အတည်ပြု လူနာများအတွက် စားသောက်ဖွယ်ရာများ ပေးအပ်ကြပါသည်။ ယင်းနောက် တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ကန့်ဘလူခရိုင် စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပသော အောက်ဆီဂျင် Concentrater များ၊ အောက်ဆီဂျင်အိုးများနှင့် ကိုဗစ်-၁၉ရောဂါ ကာကွယ်ရေးပစ္စည်းများ၊ စားသောက်ဖွယ်ရာများနှင့် ထောက်ပံ့ငွေပေးအပ်ပွဲ အခမ်းအနားသို့ တက်ရောက်ကာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားပြီး ကန့်ဘလူခရိုင် စီမံအုပ်ချုပ်ရေးအဖွဲ့ ဥက္ကဌက မြို့နယ်ဆိုင်ရာဒေသဖွံ့ဖြိုးရေး လုပ်ငန်းများနှင့် ဆက်လက်ဆောင်ရွက်မည့် လုပ်ငန်းများအား ရှင်းလင်းတင်ပြပြီး တိုင်းဒေသကြီးရဲတပ်ဖွဲ့၊ ဒုတိယရဲတပ်ဖွဲ့မှူးက နယ်မြေအေးချမ်းသာ ယာရေးလုပ်ငန်းများနှင့် ပတ်သက်၍ အကြံပြုဆွေးနွေးခဲ့ကြပါသည်။ ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကိုဗစ်-၁၉ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၊ ကျန်းမာရေးဝန်ထမ်းများနှင့် ကိုဗစ်-၁၉ရောဂါ အတည်ပြုလူနာများနှင့် လူမှုရေးအသင်းအဖွဲ့များအား အောက်ဆီဂျင် Concentrater များ၊ အောက်ဆီဂျင်အိုးများနှင့် ကိုဗစ်-၁၉ ရောဂါ ကာကွယ် ရေးပစ္စည်းများ၊ စားသောက်ဖွယ်ရာများနှင့် ထောက်ပံ့ငွေများအား တာဝန်ရှိသူများထံ အသီးသီး ပေးအပ်ခဲ့ကြောင်း သတင်းရရှိပါသည်။

Sidebar

စစ်ကိုင်းတောင်

စစ်ကိုင်းတံတား ရတနာပုံ

စစ်ကိုင်း

စစ်ကိုင်းတိုင်းဒေသကြီးသတင်းများ

ကျန်းမာရေးကဏ္ဍ

သတင်း အချက်အလက်

ကြေငြာချက်များ

စစ်ကိုင်းတိုင်းဒေသကြီးအစိုးရအဖွဲ့