စစ်ကိုင်းတိုင်းဒေသကြီးသတင်းများ

မီးဘေးသင့်ပြည်သူများအား ထောက်ပံ့ရေးပစ္စည်းများ လှူဒါန်းခြင်းနှင့် (COVID-19)ကြောင့် ဖြစ်ပွားသော အဆုတ်ရောင်ရောဂါ ကာကွယ်၊ထိန်းချုပ်၊ကုသရေး၊ ရောဂါစောင့်ကြပ် ကြည့်ရှုရေးလုပ်ငန်းများ ဆောင်ရွက်နေမှု အခြေအနေများအား စည်ပင်သာယာရေး ဝန်ကြီးမှ ကွင်းဆင်းကြည့်ရှုစစ်ဆေး

(၁၁.၄.၂၀၂၀)ရက်နေ့၊ နံနက်(၀၉၁၅)အချိန်တွင် စစ်ကိုင်းတိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး၊ ဦးမြင့်ကြည်သည် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ တိုင်းဒေသကြီး မီးသတ်ဦးစီးဌာနတို့မှ တိုင်းဒေသကြီး ဦးစီးမှူးများ၊ တာဝန်ရှိသူများ၊ ဌာနဆိုင်ရာ ဝန်ထမ်းများနှင့်အတူ ယင်းမာပင်ခရိုင်၊ ပုလဲမြို့နယ်၊ အင်ကြင်းစုကျေးရွာအုပ်စု၊ ကိုင်းတွင်းကျေးရွာ၌ (၁၁.၄.၂၀၂၀) ရက်နေ့တွင် ဖြစ်ပွားသော မီးဘေးကြောင့် မီးဘေးသင့် အိမ်ထောင်စု(၄၀)စု၊ အိမ်ခြေ(၃၉)လုံးအတွက် အိမ်ဆောက် ပစ္စည်းဖိုးငွေ (၅၄၀၀၀၀၀)ကျပ်၊ ကယ်ဆယ်ရေးပစ္စည်း (၁၇)မျိုးနှင့် လူဦးရေ(၁၇၇)ဦးအတွက် ဆန်ရိက္ခာ ဖိုးငွေ (၃၇၁၇၀၀)ကျပ်၊ စုစုပေါင်းထောက်ပံ့ငွေကျပ် (၅၇၇၁၇၀၀)တို့အား မီးဘေးသင့်ပြည်သူများထံသို့ သွားရောက် ထောက်ပံ့ပေးအပ်ခဲ့ပါသည်။ ထို့နောက် Community Based Facility Quarantine အဖြစ် ဆောင်ရွက်ထားရှိသော အ.ထ.က (ပုလဲ)၌ ညွှန်ကြားချက်နှင့် ကိုက်ညီမှုရှိ/မရှိ စစ်ဆေးဆောင်ရွက် ခဲ့ပါသည်။

11-4-2020 sgg 00111-4-2020 sgg 00211-4-2020 sgg 00311-4-2020 sgg 00411-4-2020 sgg 00511-4-2020 sgg 006

COVID -19 ရောဂါ ကာကွယ်၊ ထိန်းချုပ်၊ ကုသနိုင်ရေးအတွက် အထောက်အကူပြု ပစ္စည်းများ ပေးအပ်လှူဒါန်း

(၁၀.၄.၂၀၂၀)ရက်နေ့၊ ညနေ(၁၈၃၀)နာရီ အချိန်တွင် စစ်ကိုင်းတိုင်းဒေသကြီး အတွင်း Coronavirus Disease 2019 (COVID-19) ကြိုတင်ကာကွယ်ရေး လုပ်ငန်းများတွင် အသုံးပြု နိုင်ရေးအတွက် ယူနန်ပေါင်စန်းကုမ္ပဏီမှ ငွေကျပ်သိန်း(၈၀၀)နှင့် ညီမျှသော ကျန်းမာရေး အထောက်အကူပြု ပစ္စည်းများကို တိုင်းဒေသကြီး အစိုးရအဖွဲ့ရုံးသို့ လာရောက်လှူဒါန်းကြရာ တိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး ဉီးမြင့်ကြည်၊ တိုင်းဒေသကြီး စာရင်းစစ်ချုပ် ဉီးစိုးလွင်နှင့် တိုင်းဒေသကြီး အစိုးရအဖွဲ့ အတွင်းရေးမှူး ဉီးတင်မောင်ဆွေတို့မှ လက်ခံခဲ့ပြီး ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ပါကြောင်းနှင့် လှူဒါန်းခဲ့သော COVID -19 ရောဂါကာကွယ်ရေး အထောက်အကူပြု ပစ္စည်းများကို မြို့နယ်များသို့ ဆက်လက်၍ ဖြန့်ဖြူးပေး သွားမည်ဖြစ်ကြောင်း သတင်းရရှိပါသည်။

10-4-2020 sgg 00110-4-2020 sgg 00210-4-2020 sgg 003

Coronavirus Disease 2019 (COVID -19) ကြောင့်ဖြစ်ပွားသော အဆုတ်ရောင်ရောဂါ ကာကွယ်၊ ထိန်းချုပ်၊ ကုသရေး၊ ရောဂါစောင့်ကြပ် ကြည့်ရှုရေးလုပ်ငန်းများ ဆောင်ရွက်နေမှု အခြေအနေများအား ကွင်းဆင်းကြည့်ရှု စစ်ဆေး

(၉.၄.၂၀၂၀)ရက်နေ့ (၁၆၀၀)နာရီအချိန်တွင် စစ်ကိုင်းတိုင်းဒေသကြီး အစိုးရအဖွဲ့ဝင် စည်ပင်သာယာရေး ဝန်ကြီး၊ ဦးမြင့်ကြည် ဦးဆောင်သော အဖွဲ့သည် Community Based Facility Quarantine အဖြစ် ထားရှိဆောင်ရွက်နေသည့် ပုလဲမြို့နယ်၊ တနယ်ကျေးရွာတွင် ပိုးသတ်ဆေး ဖြန်းခြင်းလုပ်ငန်း ဆောင်ရွက်နေမှု အခြေအနေများအား ကွင်းဆင်းစစ်ဆေးခြင်း၊ လိုအပ်သည့် ထောက်ပံ့ရေး ပစ္စည်းများ ပေးအပ်လှူဒါန်းခြင်း၊ (၁၆၃၀)နာရီတွင် Community Based Facility Quarantine အဖြစ် ဆောင်ရွက်ထားရှိသော အ.ထ.က(ပုလဲ)သို့ ရောက်ရှိပြီး လိုအပ်သည့် ထောက်ပံ့ရေး ပစ္စည်းများ ပေးအပ်လှူဒါန်းခြင်းနှင့် (COVID-19)ရောဂါ ကာကွယ်၊ ထိန်းချုပ်၊ ကုသရေးအတွက် (COVID-19) ကော်မတီအဆင့်ဆင့်တို့မှ ထုတ်ပြန်ပေးသည့် ညွှန်ကြားချက် များနှင့်အညီ (COVID-19)ရောဂါကာကွယ်၊ ထိန်းချုပ်ရေး လုပ်ငန်းစဉ်များအား လိုက်နာကြစေရေး ဆွေးနွေး ပြောကြားခဲ့ပါကြောင်း သတင်းရရှိပါသည်။

9-4-2020 sgg 0049-4-2020 sgg 0059-4-2020 sgg 0069-4-2020 sgg 0079-4-2020 sgg 008

သတင်းထုတ်ပြန်ခြင်း

စစ်ကိုင်းတိုင်းဒေသကြီး အစိုးရအဖွဲ့မှ (၅.၄.၂၀၂၀) ရက်နေ့တွင် ထုတ်ပြန်ထားသော COVID-19 ရောဂါနှင့် ပတ်သက်သည့် တားမြစ်မိန့် အမိန့်ကြော်ငြာစာအမှတ် (၃/၂၀၂၀)အား စစ်ကိုင်းတိုင်းဒေသကြီး အစိုးရအဖွဲ့မှ (၇.၄.၂၀၂၀) ရက်နေ့တွင် အမိန့်ကြော်ငြာစာအမှတ် (၄/၂၀၂၀)ဖြင့် ပယ်ဖျက်လိုက်ကြောင်း သတင်းရရှိပါသည်၊၊

 9-4-2020 sgg 0019-4-2020 sgg 0029-4-2020 sgg 003

စစ်ကိုင်းတိုင်းဒေသကြီးအတွင်း COVID-19 ရောဂါ ကာကွယ်၊ ထိန်းချုပ်၊ ကုသနိုင်ရေး လုပ်ငန်းများ ဆောင်ရွက်နိုင်ရေး အလှူငွေများ ပေးအပ်လှူဒါန်း

(၈.၄.၂၀၂၀) ရက်နေ့၊ နေ့လည် (၁၃၀၀)နာရီ အချိန်တွင် စစ်ကိုင်းတိုင်းဒေသကြီး အတွင်း COVID -19 ရောဂါ ကာကွယ်၊ ထိန်းချုပ်၊ ကုသရေး လုပ်ငန်းများတွင် အသုံးပြုနိုင်ရေးအတွက် အလှူရှင်များ ဖြစ်ကြသော ရွှေတွင်းဒေသ ရွှေလုပ်ငန်းရှင်များ (ဟုမ္မလင်းမြို့နယ်) ဖြစ်ကြသော အလှူရှင် (၁၁)ဦးမှ ငွေကျပ်(၄၃) သိန်းအားလည်းကောင်း၊ ဉီးခင်မောင်အေး + ဒေါက်တာဖြူဖြူဆွေ (ဝိန့်စိန်အဆင့်မြင့် စိန်ရွှေရတနာဆိုင်၊ မန္တလေး)မှ ငွေကျပ်(၂၀) သိန်းအားလည်းကောင်း စစ်ကိုင်းတိုင်းဒေသကြီး အစိုးရအဖွဲ့ရုံးသို့ လာရောက်၍ ပေးအပ်လှူဒါန်းခဲ့ရာ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဒေါက်တာမြင့်နိုင်က လက်ခံခဲ့ပါသည်။

ဆက်လက်၍ နေ့လည် (၁၅၀၀)နာရီ အချိန်တွင် စစ်ကိုင်းတိုင်းဒေသကြီး အတွင်း COVID-19 ရောဂါ ကာကွယ်၊ ထိန်းချုပ်၊ ကုသရေးလုပ်ငန်းများတွင် အသုံးပြုနိုင်ရေးအတွက် အလှူရှင်များ ဖြစ်ကြသော ဉီးသိန်းထိုက် + ဒေါ်ဇင်လင်းထိုက် (မိသားစု)မှ ငွေကျပ်(၁၀)သိန်းအား စစ်ကိုင်းတိုင်းဒေသကြီး အစိုးရအဖွဲ့ရုံးသို့ လာရောက်၍ ပေးအပ်လှူဒါန်းခဲ့ရာ လူမှုရေးဝန်ကြီး ဒေါက်တာဇော်ဝင်းမှ လက်ခံခဲ့ပါကြောင်း သတင်းရရှိပါသည်။

8-4-2020 sgg 0018-4-2020 sgg 002

ပြည်သူများသို့ ပန်ကြားချက်

COVID-19 အဆုတ်ရောဂါ ထိန်းချုပ်ရေးအတွက် ပြည်သူတစ်ဦးချင်းက လိုက်နာဆောင်ရွက်ရန် အလွန်အရေးကြီးပါသည်။ စစ်ကိုင်းတိုင်းဒေသကြီး အစိုးရအနေဖြင့် တစ်ဦးတစ်ယောက်မျှ ရောဂါမဖြစ်စေလိုပါ။ တစ်ဦးတစ်ယောက်မှ အသက်ဆုံးရှုံးမှု မရှိစေလိုသောကြောင့် ရောဂါထိန်းချုပ်ရန်အတွက် အောက်ဖော်ပြပါ လုပ်ငန်းများကို လိုက်နာဆောင်ရွက်ရန် အလွန်အရေးကြီးပါသည်။

အသွားအလာ ကန့်သတ်ခြင်းခံရပြီး မိမိအိမ်တွင်သာ နေထိုင်ရမည့်သူများ လိုက်နာရန်

ပြည်ပမှ ပြန်လာသူများသည် မိမိနေအိမ်သို့ ပြန်ရောက်ပြီး (၁၄)ရက်အတွင်း နေအိမ်တွင် သီးခြားအခန်းဖြင့် နေထိုင်ပြီး လေဝင်လေထွက် ကောင်းစေရန် ပြတင်းပေါက်များကို ဖွင့်ထားပါ။ အိမ်သားများနှင့်အတူ ရောနှောနေထိုင်ခြင်း မပြုဘဲ တစ်ဦးနှင့်တစ်ဦး ၁မီတာ(၃ပေ)အထက် အကွာတွင် နေထိုင်ပါ။ မိသားစုနှင့် အတူတကွ စားသောက်ခြင်း မပြုပါရန်။ အိမ်တွင် ဧည့်သည် လက်ခံခြင်း လုံးဝမပြုလုပ်ပါနှင့်၊ အခြားသူများနှင့် အနီးကပ်ပြောဆိုခြင်း လုံးဝရှောင်ကျဉ်ပါ။

ကာကွယ်မှုနည်းလမ်းများ

လက်ကို ဆပ်ပြာနှင့်ရေ အသုံးပြု၍ မကြာခဏ ဆေးကြောပါ (သို့မဟုတ်) အရက်ပြန် (Alcoho) အနည်းဆုံး (၆၀) ရာခိုင်နှုန်းပါဝင်သည့် လက်သန့်စင် ဆေးရည်ကို အသုံးပြု၍ သန့်စင်ပါ။ အထူးသဖြင့် အပြင်မှပြန်လာပြီးတိုင်း၊ အများပြည်သူ အသုံးပြုသည့် ပစ္စည်းများ (ဥပမာ-လှေကား၊ လက်ရမ်း၊ ဓတ်လှေကားခလုတ်၊ တံခါးလက်ကိုင်)ကို ကိုင်တွယ်ပြီးတိုင်း လက်ဆေးပါ။ လက်ကို မဆေးကြော မသန့်စင်ပဲ မိမိ၏ နှာခေါင်း၊ ပါးစပ်နှင့် မျက်နှာတို့ကို ကိုင်တွယ်ခြင်းမှ ရှောင်ကျဉ်ပါ။ မိမိ၏ မိသားစု၊ မိတ်ဆွေများကို မိမိကြောင့် ရောဂါမကူးစက်ပါစေရေး ကျန်းမာရေးဆိုင်ရာ ညွှန်ကြားချက်များနှင့်အညီ လိုက်နာနေထိုင်ပါ။

ရှောင်ကျဉ်ရမည့် နေရာများ

လူထူထပ်သော ပွဲလမ်းသဘင် အခမ်းအနားကို သွားရောက်ခြင်းမှ ရှောင်ကျဉ်ပါ။ တတ်နိုင်သမျှ အိမ်းတွင်းပဲ နေထိုင်ပါ။ အသက်(၆၀)နှင့်အထက် အသက်ရွယ်ကြီးသူများနှင့် နာတာရှည်ရောဂါ (ဆီးချို၊ နှလုံး၊ သွေးတိုး၊ ကျောက် ကပ်၊ အသည်းစသည်)ရောဂါ ရှိသူများ အနေဖြင့် ပြင်ပသို့ သွားရောက်ခြင်းကို ယခု ကာလအတွင်း ရှောင်ကျဉ်ပါ။

ပြည်သူများ ပူးပေါင်းဆောင်ရွက်ရန်

ရောဂါကူးစက်ရာဒေသ၊ နိုင်ငံများမှ ပြန်လာသူများအနေဖြင့် အနီးဆုံးကျန်းမာရေးဌာနသို့ သတင်းပို့ပါ။ ကျန်းမာရေးဌာနမှ အသွားအလာ ကန့်သတ်ခြင်းနှင့် ရောဂါရှိသူအား သီးသန့်ထားရှိကုသခြင်း (isolation)လုပ်ငန်းများ ဆောင်ရွက်ရာတွင် တာဝန်သိစွာ ပူးပေါင်းဆောင်ရွက်ကြပါ။ ထို့သို့ဆောင်ရွက်ခြင်းအားဖြင့် မိမိရောဂါ ကူးစက်ပြန့်ပွားပါက အမြန်ဆုံးထိရောက်စွာ ကုသနိုင်ရန် အသက်သေဆုံးခြင်းမှ ကာကွယ်နိုင်ပြီး မိမိ၏မိသားစု၊ မိတ်ဆွေများနှင့် မိမိရပ်ရွာသို့ ကူးစက်ပြန့်နှံ့ခြင်းအား ထိရောက်စွာ ကာကွယ်နိုင်မည် ဖြစ်ပါသည်။

စောင့်ကြည့်လူနာများအတွက် ကျန်းမာရေးဆောင်ရွက်မှုများ ပြုလုပ်ခြင်း

ကိုယ်အပူချိန်ကိုတစ်နေ့ (၂)ကြိမ်တိုင်းပါ။ ဖျားနာခြင်း၊ ချောင်းဆိုးခြင်း၊ အသက်ရှုကြပ်ခြင်း၊ အားအင်ကုန်ခမ်းခြင်းစသည့် လက္ခဏာများ ပေါ်ပေါက်လာပါက ပါးစပ်တွင် နှားခေါင်းစည်း တပ်ပါ။ ကျန်းမာရေးဌာနသို့ အမြန်ဆုံး ဆက်သွယ်ပါ။

စစ်ကိုင်းတိုင်းဒေသကြီး အတွင်းတွင် COVID-19 ရောဂါပိုးတွေ့ရှိသူ မရှိသေးသည့်အတွက် ပြည်သူများအနေဖြင့် COVID-19 ရောဂါ ကြိုတင် ကာကွယ်ရေးအတွက် ကျန်းမာရေးနှင့် အားကစားဝန်ကြီးဌာနမှ ထုတ်ပြန်သည့် ညွှန်ကြားချက်များကို လိုက်နာကြပါရန်နှင့် COVID-19 ရောဂါ ကြိုတင် ကာကွယ်ရေးလုပ်ငန်းများကို အမျိုးသားရေး တာဝန်တစ်ရပ်အဖြစ် ပူးပေါင်းပါဝင် ကူညီဆောင်ရွက်ကြပါရန်နှင့် COVID-19 ရောဂါ ကြိုတင်ကာကွယ်ရေးလုပ်ငန်းများ ဆောင်ရွက်ရာတွင် ရှေ့တန်းမှ ပါဝင်ဆောင်ရွက်လျက်ရှိသော ကျန်းမာရေးဝန်ထမ်းများ၊ အထွေထွေအုပ်ချုပ်ရေး ဦးစီးဌာနရုံးအဆင့်ဆင့်ရှိ ဝန်ထမ်းများ၊ နှီးနွယ်ဌာနရှိ ဝန်ထမ်းများ လူမှုကူညီရေး အသင်းအဖွဲ့များနှင့် အရပ်ဖက် အဖွဲ့အစည်းများအား မှတ်တမ်းတင် ဂုဏ်ပြုအပ်ပါကြောင်းနှင့် ၎င်းအဖွဲ့အစည်းများအပြင် ပြည်သူလူထု အားလုံးကလည်း ဝိုင်းဝန်းပူးပေါင်း ဆောင်ရွက်ကြပါရန် လေးစားစွာ တိုက်တွန်း နှိုးဆော်အပ်ပါသည်။

စစ်ကိုင်းတိုင်းဒေသကြီးအစိုးရအဖွဲ့

စောစောပြောပေးခြင်းဖြင့် သင့်နှင့် သင့်မိသားစုကို ကာကွယ်ပါ

2-4-2020 sgg 0012-4-2020 sgg 002

စောစောပြော မိုဘိုင်းလ် အပလီကေးရှင်းသည် နိုင်ငံတော်အတိုင်ပင်ခံ ပုဂ္ဂိုလ်၏ လမ်းညွှန်မှုဖြင့် ပြည်ထောင်စု အစိုးရအဖွဲ့ရုံး ဝန်ကြီးဌာန၊ ကျန်းမာရေးနှင့် အားကစားဝန်ကြီးဌာန၊ ပို့ဆောင်ရေးနှင့် ဆက်သွယ်ရေး ဝန်ကြီးဌာနတို့ ပူးပေါင်းပြီး ပြည်တွင်းနည်းပညာ ပညာရှင်များ၏ အကူအညီများဖြင့် ရေးဆွဲထားသော မိုဘိုင်းလ် အပလီကေးရှင်းဖြစ်ပါ သည်။
အဆိုပါ မိုဘိုင်းလ်အပလီကေးရှင်းသည် COVID-19နှင့် ပတ်သတ်ပြီး အသွားအလာ ကန့်သတ်ခြင်း ခံရသော ပြည်သူများနှင့် သံသယလူနာများသာ သီးသန့် သုံးစွဲရန်အတွက်ဖြစ်ပြီး မိမိကျန်းမာရေး အခြေအနေကို တစ်ရက်လျှင် နှစ်ကြိမ်နှုန်းဖြင့် သတင်းပို့ရန် အတွက်ဖြစ်ပါသည်။ ပုံမှန်သတင်းပေးပို့ခြင်းဖြင့် လူကြီးမင်း၏ ကျန်းမာရေး အခြေအနေကို သက်ဆိုင်ရာမှ အချိန်နှင့်တပြေးညီ သိရှိသွားမည်ဖြစ်ပြီး လိုအပ်သည့် ကျန်းမာရေး ဝန်ဆောင်မှုများကို ချက်ချင်း ဆောင်ရွက် ပေးသွားနိုင်မည် ဖြစ်ပါသည်။
သို့ဖြစ်ပါ၍ လူကြီးမင်း၏ဖုန်းတွင် စောစောပြော မိုဘိုင်းလ် အပလီကေးရှင်းကို ထည့်သွင်း၍ ပုံမှန်သတင်းပို့မှုများ ပြုလုပ်ပေးပါရန် လေးစားစွာဖြင့် မေတ္တာရပ်ခံအပ်ပါသည်။ အောက်ပါ QR Code ကို Scan ဖတ်ပြီးသော်လည်းကောင်း စောစောပြော အင်တာနက် စာမျက်နှာမှသော်လည်းကောင်း ဒေါင်းလုပ်ပြုလုပ်နိုင်ပါသည်။

အသုံးပြုပုံနှင့် ပတ်သတ်၍ သိလိုသည်များကို မေးမြန်းလိုပါက 09424000898၊ 0942400903၊ 09450000022 သို့ ဆက်သွယ်မေးမြန်းနိုင်ပါသည်။

 

ဒေါင်းရန်နှိပ်ပါ... https://go.aws/3axihOa

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon