စစ်ကိုင်းတိုင်းဒေသကြီးသတင်းများ

သတင်းတင်ပြခြင်း

(၂၆-၁၀-၂၀၂၀)ရက်နေ့တွင် ကောလင်းခရိုင်၊ ပင်လည်ဘူးမြို့နယ် (COVID-19) ရောဂါထိန်းချုပ်ရေးနှင့်အရေးပေါ်တုန့်ပြန်ရေးကော်မတီနှင့် ‌ကျွန်တော်များကမ်းလက် အလှူရှင်အဖွဲ့တို့စုပေါင်း၍ လှူဒါန်းထားသော ဆန်၊ ဆီ၊ ဆား၊ ပဲ စသည့် အခြေခံ စားသောက်ကုန်များအား (COVID-19) ရောဂါထိန်းချုပ်ရေးနှင့် အရေးပေါ်တုန့်ပြန်ရေးကော်မတီ ဥက္ကဋ္ဌနှင့် အဖွဲ့တို့သည် မြို့အတွင်း ဆင်းရဲနွမ်းပါးသော အိမ်ထောင်စု(၁၅၀)စုထံသို့ တစ်အိမ်ထောင်လျှင် ဆန်(၂)ပြည်၊ ဆီ(၂၅)ကျပ်သား၊ ကုလားပဲ(၃၅)ကျပ်သား၊ ကြက်ဥ(၅)လုံး၊ ဆား(၅၀)ကျပ်သား၊ အချိုမှုန့် (၁)ထုပ်နှင့် ကြာဇံ(၁၀)ကျပ်သားတို့အား သွားရောက် လှူဒါန်းခဲ့ပါကြောင်း သတင်းရရှိပါသည်။

26-10-2020sggnews0126-10-2020sggnews03

သတင်းထုတ်ပြန်ခြင်း

(၁၀-၉-၂၀၂၀)ရက်​နေ့မှ (၂၆-၁၀-၂၀၂၀) ရက်နေ့ ၊ (၁၆၀၀)နာရီအချိန် အထိ စစ်ကိုင်းတိုင်းဒေသကြီးအတွင်း COVID-19 ဓါတ်ခွဲ အတည်ပြု လူနာများ ကုသမှုခံယူလျက်ရှိသော ဆေးရုံစာရင်းအား သိရှိနိုင်ပါရန် သတင်းထုတ်ပြန်အပ်ပါသည်-

26-10-2020sggnews04

သတင်းထုတ်ပြန်ခြင်း

(၁၀-၉-၂၀၂၀)ရက်​နေ့မှ (၂၅-၁၀-၂၀၂၀) ရက်နေ့ ၊ (၁၆၀၀)နာရီအချိန် အထိ စစ်ကိုင်းတိုင်းဒေသကြီးအတွင်း COVID-19 ဓါတ်ခွဲ အတည်ပြု လူနာများ ကုသမှုခံယူလျက်ရှိသော ဆေးရုံစာရင်းအား သိရှိနိုင်ပါရန် သတင်းထုတ်ပြန်အပ်ပါသည်-

25.10.2020sgg01

သတင်းထုတ်ပြန်ခြင်း

(၁၀-၉-၂၀၂၀)ရက်​နေ့မှ (၂၄-၁၀-၂၀၂၀) ရက်နေ့ ၊ (၁၆၀၀)နာရီအချိန် အထိ စစ်ကိုင်းတိုင်းဒေသကြီးအတွင်း COVID-19 ဓါတ်ခွဲ အတည်ပြု လူနာများ ကုသမှုခံယူလျက်ရှိသော ဆေးရုံစာရင်းအား သိရှိနိုင်ပါရန် သတင်းထုတ်ပြန်အပ်ပါသည်-

24.10.2020sgg03

စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင် ပါတီစုံဒီမိုကရေစီအထွေထွေ ရွေးကောက်ပွဲ အဆင်ပြေချောမွေ့အောင်မြင်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေးသို့ တက်ရောက်

လွှတ်တော်အသီးသီးအတွက် ပါတီစုံဒီမိုကရေစီအထွေထွေရွေးကောက်ပွဲ အဆင်ပြေ ချောမွေ့အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့ နံနက် (၁၀)နာရီက စစ်ကိုင်းတိုင်းဒေသကြီး အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်ခဲ့ရာ နာဂကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့ ဥက္ကဌနှင့် ခရိုင်စီမံခန့်ခွဲမှုကော်မတီဥက္ကဌများမှ Video Conferencing စနစ်ဖြင့် တက်ရောက်ခဲ့ကြပါသည်။
ရှေးဦးစွာ တိုင်းဒေသကြီး ဝန်ကြီးချုပ် ဒေါက်တာမြင့်နိုင်က “ လာမည့် နိုဝင်ဘာ (၈)ရက်နေ့၌ မိမိတို့မြန်မာနိုင်ငံအတွင်းရှိ တိုင်းဒေသကြီး နှင့် ပြည်နယ်အသီးသီးတို့တွင် ပါတီစုံ ဒီမိုကရေစီ အထွေထွေရွေးကောက်ပွဲ ကျင်းပပြုလုပ်မှာ ဖြစ်တဲ့အတွက် ပြည်သူများ COVID-19 ရောဂါ ကူးစက်ခံရမှုမရှိစေဘဲ ဘေးကင်း၍ စိတ်ချမ်းသာစွာဖြင့် ဆန္ဒမဲပေးနိုင်ရေးကို နိုင်ငံတော်၏ အတိုင်ပင်ခံပုဂ္ဂိုလ် ဦးဆောင်မှုဖြင့် ပြည်ထောင်စုရွေးကောက်ပွဲကော်မရှင်၊ ကျန်းမာရေးနှင့် အားကစားဝန်ကြီးတို့၏ လုပ်ငန်းလမ်းညွှန်ချက်များ၊ စံလုပ်ထုံးလုပ်နည်းများကို အသေးစိတ် ရေးဆွဲ၍ သရုပ်ပြခြင်း၊ သင်တန်းများ ပြုလုပ်ခြင်းတို့ကို ဆောင်ရွက်ပေးလျက်ရှိပါသည်။
စစ်ကိုင်းတိုင်းဒေသကြီးအနေဖြင့် မြို့နယ်(၃၇)မြို့နယ်၊ ရပ်ကွက်(၂၇၂)ရပ်ကွက်၊ ကျေးရွာ အုပ်စု(၁၇၅၈)အုပ်စုရှိပြီး မဲရုံပေါင်း(၄၁၀၇)ရုံ နဲ့ မဲဆန္ဒရှင်ပေါင်း(၄၂၀၅၆၀၈)ဦးရှိပါကြောင်းနှင့် မဲရုံပေါင်း(၄၁၀၇)ရုံကို ကြီးကြပ်ကွပ်ကဲဖို့အတွက် မဲရုံမှူး(၄၁၀၇)ဦး၊ ဒုမဲရုံမှူး(၄၁၀၇)ဦး၊ မဲရုံအဖွဲ့ဝင်ပေါင်း (၄၈၁၉၇)ဦး အင်အားပြည့်မီစွာ ဖြည့်စွက်ခန့်အပ်တာဝန်ပေးအပ်နိုင်ဖို့တွင် ပညာရေးဌာန ဝန်ထမ်းများအပြင် အခြားဌာနဆိုင်ရာ ဝန်ထမ်းများလိုအပ်ပါကြောင်းနှင့် ထပ်မံ လိုအပ်မှသာ မဲစာရင်းမှာပါဝင်ပြီး အများပြည်သူ ယုံကြည်လေးစားခြင်းခံရသူများကို ဖြည့်စွက် ခန့်အပ်သွားကြရန် ခရိုင်စီမံခန့်ခွဲမှုကော်မတီများ ပူးပေါင်းဆောင်ရွက်ပေးစေလိုကြောင်း၊ သက်ဆိုင် ရာ ရွေးကောက်ပွဲကော်မရှင် အဖွဲ့ခွဲများမှ ကြီးမှူးပြီး (၁၉-၁၀-၂၀၂၀)ရက်နေ့ မှ (၄-၁၁-၂၀၂၀)ရက် နေ့အထိ ဖွင့်လှစ်ပေးလျက်ရှိတဲ့ သင်တန်းများတွင် သတ်မှတ်အင်အား အပြည့်အဝ တက်ရောက်နိုင် ရေးအတွက် ခရိုင်/မြို့နယ် စီမံခန့်ခွဲမှုကော်မတီများမှ ကြီးကြပ်ဆောင်ရွက်ကြဖို့လိုကြောင်းနှင့် မဲရုံများသို့ သတ်မှတ်ချက်များအတိုင်း ကိုယ်တိုင်လာရောက် ဆန္ဒမဲမပေးနိုင်တဲ့သူများကိုလည်း ကြိုတင်ဆန္ဒမဲပေးနိုင်ရေးအတွက်လည်း ကူညီဆောင်ရွက်ပေးရမှာဖြစ်ပါကြောင်း။
အထွေထွေရွေးကောက်ပွဲမှာ ရွေးကောက်တင်မြှောက်ခြင်း ဆိုင်ရာလုပ်ငန်းစဉ်များနှင့် စပ်လျဉ်းပြီး တိုင်းဒေသကြီး/ခရိုင်/မြို့နယ် ရွေးကောက်ပွဲဆိုင်ရာ စေ့စပ်ညှိနှိုင်းရေးကော်မတီများကို ဖွဲ့စည်းထားပြီး ဖြစ်ပါကြောင်း၊ ထို့အပြင် လုံခြုံရေးစီမံခန့်ခွဲမှုကော်မတီအနေဖြင့်လည်း ရွေးကောက် ပွဲဆိုင်ရာ လုံခြုံရေးကိစ္စရပ်များကို စီမံချက်စနစ်တကျ ရေးဆွဲဆောင်ရွက်ရန် လိုအပ်ပါကြောင်းနှင့် ပြည်သူများ ကျန်းမာရေးအရ လုံလုံခြုံခြုံဖြင့် မဲပေးနိုင်ရေးအတွက် သက်ဆိုင်ရာဌာန/အဖွဲ့အစည်း များက ဆောင်ရွက်ရမည့် ကဏ္ဍများ၊ တိုင်းဒေသကြီးအစိုးရအဖွဲ့မှ ပံ့ပိုးရမည့်ကိစ္စရပ်များကို ပွင့်လင်း မြင်သာစွာ တင်ပြဆေွးနွေးပေးကြစေကြောင်း၊ လုပ်ငန်းဆောင်ရွက်ချက်နှင့် လုပ်ငန်းလိုအပ်ချက် များကို တိုင်းဒေသကြီးရွေးကောက်ပွဲကော်မရှင်အဖွဲ့ခွဲ ဥက္ကဌ နှင့် ဝန်ကြီးများက ကဏ္ဍအလိုက် ဖြည့်စွက်ဆွေးနွေးပေးကြပါရန်နှင့် မဲဆန္ဒရှင်များ မဲပေးခွင့် အပြည့်အဝရရှိကာ စနစ်တကျ စိတ်နှလုံး ချမ်းမြေ့စွာ မဲပေးနိုင်ရေး အားလုံးပူးပေါင်းဆောင်ရွက်ပေးကြပါလို့ ” တိုက်တွန်းအမှာစကား ပြောကြားသည်။
ဆက်လက်ပြီး စစ်ကိုင်းတိုင်းဒေသကြီး ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများက လွှတ်တော်အသီးသီးအတွက် ပါတီစုံဒီမိုကရေစီအထွေထွေရွေးကောက်ပွဲ အဆင်ပြေချောမွေ့အောင် ကြိုတင်စီစဉ် ဆောင်ရွက်ထားရှိမှုအခြေအနေများနှင့်စပ်လျဉ်း၍ အကျယ်တဝင့် ရှင်းလင်း ဆွေးနွေးခဲ့သည်။
ထို့နောက် တက်ရောက်လာကြသည့်တိုင်းဒေသကြီးအဆင့် ဌာနဆိုင်ရာ အကြီးအကဲ များနှင့် နာဂဒေသနှင့် ခရိုင်စီမံခန့်ခွဲမှုကော်မတီ ဥက္ကဌများက သက်ဆိုင်ရာလုပ်ငန်း ကဏ္ဍများ အလိုက် လုပ်ငန်းဆောင်ရွက်နေမှု အခြေအနေများနှင့် လုပ်ငန်းလိုအပ်ချက်များ ဖြည့်ဆည်း ဆောင်ရွက်ပေးရေးတို့အပြင် အောင်မြင်စွာ အားလုံးပူးပေါင်း အကောင်အထည်ဖော် ဆောင်ရွက် ရေးတို့အား အထူးအလေးထား၍ဆွေးနွေးခဲ့ကြပြီး တိုင်းဒေသကြီး ဝန်ကြီးချုပ်က သက်ဆိုင်ရာ လုပ်ငန်းကဏ္ဍများအလိုက် လိုအပ်ချက်များမရှိစေရေးအတွက် ပေါင်းစပ်ဖြည့်ဆည်းဆောင်ရွက် ပေးခဲ့ကြောင်းသတင်းရရှိပါသည်။
23.10.2020sgg0223.10.2020sgg03
23.10.2020sgg0423.10.2020sgg0523.10.2020sgg0623.10.2020sgg0723.10.2020sgg08

သတင်းထုတ်ပြန်ခြင်း

(၁၀-၉-၂၀၂၀)ရက်​နေ့မှ (၂၃-၁၀-၂၀၂၀) ရက်နေ့ ၊ (၁၆၀၀)နာရီအချိန် အထိ စစ်ကိုင်းတိုင်းဒေသကြီးအတွင်း COVID-19 ဓါတ်ခွဲ အတည်ပြု လူနာများ ကုသမှုခံယူလျက်ရှိသော ဆေးရုံစာရင်းအား သိရှိနိုင်ပါရန် သတင်းထုတ်ပြန်အပ်ပါသည်-
23.10.2020sgg01

သတင်းတင်ပြခြင်း

(၂၂-၁၀-၂၀၂၀)ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့နယ် COVID 19 ရောဂါကာကွယ်ထိန်းချုပ်ရေးလုပ်ငန်းများဆောင်ရွက်ရာတွင် အသုံးပြုနိုင်ရန်အတွက် ကလေး ခရိုင် ပညာရေးမှူးရုံး နှင့် ကလေးမြို့နယ် ပညာရေးမိသားစုမှ အလှူငွေ(၄၄၀၀၀၀ဝိ/-) (ကျပ်လေး ဆယ့်လေးသိန်းတိတိ)၊ မြန်မာနိုင်ငံအင်ဂျင်နီယာအသင်း (ကလေးအသင်းခွဲ) မှ အလှူငွေ (၂၀၀၀၀ဝိ/-)(ကျပ်နှစ်သိန်းတိတိ)၊ PCM တာဟန်းမြောက်ပိုင်းအသင်းတော် မှ အလှူငွေ (၁၀၀၀၀ဝိ/-)(ကျပ်တစ်သိန်းတိတိ)၊ We Care (MEGA) (ကလေးမြို့) မှ ငွေကျပ်(၂၁၀၀၀ဝိ/-) တန်ဖိုးရှိ ORS ဓါတ်ဆား (၄၀) ဗူး၊ Mo Mo International Trading Co.Ltd (ကလေးမြို့) မှ ငွေကျပ် (၂၀၀၀၀ဝိ/-) တန်ဖိုးရှိ Tissue ဖာ(၇) ဖာ အသီးသီးလာရောက် လှူဒါန်းကြရာ ကလေးခရိုင် COVID 19 ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဥက္ကဌ ခရိုင်အုပ်ချုပ်ရေးမှူး ဦးခင်မောင်ချိုနှင့် ကော်မတီဝင်များက လက်ခံရယူခဲ့ကြပြီး ဂုဏ်ပြုမှတ်တမ်းလွှာများ ပြန်လည် ပေးအပ်ခဲ့ကြကြောင်း သတင်းရရှိပါသည်။

22.10.2020sgg0922.10.2020sgg1022.10.2020sgg1222.10.2020sgg1122.10.2020sgg13

Subcategories

သတင်း အချက်အလက်

ဒေသန္တရ အချက်အလက်များ

ခရိုင်နှင့် မြို့နယ်အလိုက် ဒေသန္တရအချက်အလက်များ

ပညာရေးကဏ္ဍ

ကျန်းမာရေးကဏ္ဍ

ဘာသာရေးကဏ္ဍ

ကျေးလက်ဖွံ့ဖြိုးရေးနှင့် ဆင်းရဲမှုလျှော့ချရေးကဏ္ဍ

ရွေးကောက်ပွဲ ကော်မရှင်ကဏ္ဍ

တိုင်းရင်းသား လူမျိုးများ

ပွဲတော်များ

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇
facebook-icon