မုံရွာ နိုဝင်ဘာ ၉

စစ်ကိုင်းတိုင်းဒေသကြီး ၂၀၂၃-ခုနှစ်၊ စုပေါင်းမဟာဘုံကထိန် အလှူတော်မင်္ဂလာ အခမ်း အနားနှင့် ဒုတိယအကြိမ် သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ အခမ်းအနားကျင်း ပရေး ညှိနှိုင်းအစည်းအဝေးကို နိုဝင်ဘာလ ၉ ရက်နေ့၊ နံနက်ပိုင်းတွင် တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများနှင့် တာဝန်ရှိသူများ တက်ရောက်ကြသည်။
ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နှစ်စဉ်ကျင်းပမြဲဖြစ်သည့် စုပေါင်း မဟာဘုံကထိန်ပွဲတော်အား စည်းကားသိုက်မြိုက်စွာ ကျင်းပလာခဲ့ရာ တိုင်းဒေသ ကြီးအစိုးရ အဖွဲ့ဝင်များနှင့် ဌာနဆိုင်ရာများအနေဖြင့် လုပ်ငန်းများဆောင်ရွက်ရာတွင် အတွေ့အကြုံများရှိ ပြီးသားဖြစ်ကာ ယခုနှစ်အခမ်းအနားကိုလည်း အောင်မြင်စွာ ကျင်းပနိုင်ရေးအတွက် ကော်မတီ အဖွဲ့ဝင်များက လုပ်ငန်းများအောင်မြင်အောင် ဆောင်ရွက်နိုင်မည်ကိုလည်း ယုံကြည်ပါကြောင်း၊ ကော်မတီအဖွဲ့များမှ မိမိတို့ကဏ္ဍအလိုက် ဆောင်ရွက်သွား ရမည့်လုပ်ငန်းများအား တာဝန်ကျေ ပွန်စွာဖြင့် ဆောင်ရွက်သွားကြရန် လိုအပ်ပါကြောင်း၊ အလားတူ ဒုတိယအကြိမ်အဖြစ် သံဃာအပါး ၁၀၀၀ ဆွမ်းဆန်စိမ်းလောင်းလှူပွဲကြီး ကိုလည်း အောင်မြင်စွာကျင်းပနိုင်ရေး ကော်မတီများဖွဲ့စည်းကာ တာဝန်များပေးအပ်ထား ပြီးဖြစ်ပါကြောင်း၊ ကော်မတီအဖွဲ့ဝင်များမှ မိမိတို့တာဝန်ယူဆောင်ရွက်ရမည့် လုပ်ငန်းတာ ဝန်များအား စနစ်တကျကြိုတင်စီမံဆောင်ရွက်ပြီး ကော်မတီအချင်းချင်း ပူးပေါင်းဆောင် ရွက်ရမည့်လုပ်ငန်းများအား ညှိနှိုင်းပေါင်းစပ်ဆောင်ရွက်သွားကြရန်နှင့် လိုအပ်ချက်များ ရှိပါက မိမိတို့တိုင်းဒေသကြီးအစိုးရအဖွဲ့သို့ အချိန်နှင့်တစ်ပြေးညီ တင်ပြဆောင်ရွက်သွားကြရန် လိုအပ် ပါကြောင်း၊ လုပ်ငန်းများဆောင်ရွက်ရာတွင် လုံခြုံရေးအသိ၊သတိတို့ဖြင့် ဆောင်ရွက်သွားကြရန် မှာကြားလိုပါကြောင်း ပြောကြားခဲ့သည်။
ယင်းနောက် စုပေါင်းမဟာဘုံကထိန်နှင့် ဒုတိယအကြိမ် သံဃာတော်အပါး ၁၀၀၀ ဆွမ်း ဆန်စိမ်းလောင်းလှူပွဲ ကျင်းပရေးဦးစီးကော်မတီဥက္ကဌ တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုးက ကော်မတီများဖွဲ့စည်းထားရှိမှု အခြေအနေများနှင့် ဆက်လက်ဆောင်ရွက်သွား မည့် လုပ်ငန်းအခြေအနေများအား ရှင်းလင်းဆွေးနွေးပြောကြားသည်။
ဆက်လက်၍ စုပေါင်းမဟာဘုံကထိန်နှင့် ဒုတိယအကြိမ် သံဃာအပါး ၁၀၀၀ ဆွမ်းဆန် စိမ်းလောင်းလှူပွဲ ကျင်းပရေးဦးစီးကော်မတီ အဖွဲ့ဝင်များဖြစ်ကြသည့် တိုင်းဒေသကြီး စည်ပင် သာယာရေးအဖွဲ့မှ အခမ်းအနားပြင်ဆင်ရေး လုပ်ငန်းများအား လည်းကောင်း၊ တိုင်းဒေသကြီး သာသနာရေးဦးစီးဌာနှမှ သံဃဝေယျာဝစ္စဆောင်ရွက်ရေးနှင့် နေရာချထား ရေးလုပ်ငန်းများအား လည်းကောင်း၊ တိုင်းဒေသကြီး သမဝါယမဦးစီးဌာနမှ ပဒေသာပင်လက်ခံရေးနှင့် စာရင်းပြုစုရေး အားလည်းကောင်း၊ မုံရွာခရိုင်စီမံအုပ်ချုပ်ရေးအဖွဲ့ဥက္ကဌက ဖိတ်ကြား/ကြိုဆို/နေရာချထားရေး လုပ်ငန်းများအား လည်းကောင်း၊ တိုင်းဒေသကြီး အထွေထွေအုပ်ချုပ်ရေးဦးစီးဌာနမှ ဆွမ်းဆက် ကပ်ရေးနှင့် ဧည့်ခံကျွေးမွေးရေးအား လည်းကောင်း၊ တိုင်းဒေသကြီး ပို့ဆောင်ရေးစီမံကိန်းဦးစီး ဌာနမှ ပို့ဆောင်ဆက်သွယ်ရေး လုပ်ငန်းများအား လည်းကောင်း၊ တိုင်းဒေသကြီး ပြန်ကြားရေး နှင့်ပြည်သူ့ဆက်ဆံရေးဦးစီးဌာနမှ ပြန်ကြားရေးနှင့် သတင်းထုတ်ပြန်ရေး လုပ်ငန်းများအား လည်းကောင်း၊ ခရိုင်ရဲတပ်ဖွဲ့မှူးမှ လုံခြုံရေးနှင့်စည်းကမ်းထိန်းသိမ်းရေး လုပ်ငန်းများအား လည်းကောင်း၊ တိုင်းဒေသကြီး ကျန်းမာရေးဦးစီးဌာနမှ ကျန်းမာရေးစောင့်ရှောက်မှု လုပ်ငန်း များနှင့် ပတ်သက်၍ လည်းကောင်း အသီးသီးဆွေးနွေး တင်ပြကြသည်။
ဆက်လက်ပြီး တိုင်းဒေသကြီး အစိုးရအဖွဲ့ဝင်များက စုပေါင်းမဟာဘုံကထိန်နှင့် ဒုတိယ အကြိမ် သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ အောင်မြင်စွာကျင်းပနိုင် ရေးလုပ်ငန်း များနှင့် ပတ်သက်၍ အသီးသီးဖြည့်စွက်ဆွေးနွေး တင်ပြကြသည်။
ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ နှင့် အကြံပြုဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့်ဆည်း ပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

20231109 17

20231109 17

မုံရွာ ၊ နိုဝင်ဘာ ၈

စစ်ကိုင်းတိုင်းဒေသကြီး၊ မုံရွာမြို့၊ မုံရွာသူနာပြု-သားဖွားသင်တန်းကျောင်း၊ သူနာပြုသား ဖွားဒီပလိုမာ (၂၉)ကြိမ်မြောက် သင်တန်းသား/သင်တန်းသူများအား ဂျူတီကုတ်နှင့် ဦးဆောင်း အပ်နှင်းပွဲ အခမ်းအနားကို နိုဝင်ဘာလ ၈ ရက်နေ့၊ နံနက်ပိုင်းတွင် မုံရွာမြို့၊ သူနာပြု-သားဖွား သင်တန်းကျောင်းရှိ ၅ ထပ်ဆောင်ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့် ဌာနဆိုင်ရာများ၊ မုံရွာ-သူနာပြုနှင့်သားဖွားသင်တန်းကျောင်းမှ ကျောင်းအုပ်ဆရာမကြီး နှင့်ဆရာ/ဆရာမများ၊ သင်တန်းသား၊သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အရည်အချင်းပြည့်ဝသည့် ကျန်းမာရေးစောင့်ရှောက်သူများအား မွေးထုတ်ပေးနေသည့် ယခုလိုသင်တန်းကျောင်းများတွင် လည်း ပြည်သူများ၏ လိုအပ်ချက်နှင့်အညီ ပညာရည်မြင့်မားအောင်၊ အသိအလိမ္မာဖွံ့ဖြိုးတိုး တက်လာအောင်၊ ဝေဖန်ပိုင်းခြားနိုင်သည့် အသိအမြင်ရှိလာအောင် သင်ကြားလေ့လာသွားကြရန် လိုအပ်ပါကြောင်း၊ ဂျူတီကုတ်နှင့် ဦးဆောင်းပေးအပ်ပြီး ဆေးရုံလူနာဆောင်များတွင် တာဝန် ထမ်းဆောင်သည့်အခါ တာဝန်သိသိ၊ သစ္စာရှိရှိ၊ စည်းကမ်းရှိရှိ ယဉ်ကျေးစွာဖြင့် တာဝန်ထမ်း ဆောင်သွားကြရန် မှာကြားလိုပါကြောင်း၊ပြည်သူများကြားတွင် လက်တွေ့ကျန်းမာရေးစောင့်ရှောက်မှုပေးသည့်အခါ စေတနာ၊ ဝါသနာ၊ အနစ်နာ၊ အကြင်နာ၊ ကရုဏာ-နာ ၅ နာဖြင့် ပြုစုစောင့်ရှောက်မှုများပေးသွားရန် လိုအပ် ပါကြောင်း၊ သူနာပြုနှင့်သားဖွားပညာရပ်ဆိုင်ရာကျင့်ဝတ် သိက္ခာများအား တန်ဘိုးထား၍ ပြည်သူလူထုအား အရည်အသွေးကောင်းမွန်သည့် ကျန်းမာရေးစောင့်ရှောက်မှုအား မဆုတ်မနစ် အပြည့်အဝဆောင်ရွက်မည့် ကျန်းမာရေးလူ့စွမ်းအားစုများဖြစ်သည့် သူနာပြုနှင့်သားဖွား သင်တန်းသား၊သင်တန်းသူများအား လိုအပ်ချက်နှင့်အညီ ပြည်တွင်း၌ လေ့ကျင့်မွေးထုတ်ပေး ရန်နှင့် လိုအပ်ချက်ပြည့်မှီအောင် အထူးကြိုးပမ်းဆောင် ရွက်လျှက်ရှိပါကြောင်း၊ သူနာပြု ကောင်းများ ဖြစ်လာစေရန် မိမိတို့၏မွန်မြတ်သည့် အသက်မွေးဝမ်းကျောင်း ပညာရပ်ဆိုင်ရာ တိုးတက်ရေး၊ အတတ်ပညာနှင့် ကျွမ်းကျင်မှုသာမက ခံယူချက်ကောင်းသည့် သူနာပြုများအဖြစ် အထူးအလေးထား ကြိုးပမ်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် သင်တန်းသား၊သင်တန်းသူများက “ ဂရုဏာအလင်း ” တေးသီချင်းဖြင့် ဖျော်ဖြေကာ မုံရွာ-သူနာပြုနှင့်သားဖွားသင်တန်းကျောင်း၊ ကျောင်းအုပ်ဆရာမကြီး ဒေါ်ဆုဆုထိုက်က ဂျူတီကုတ်နှင့် ဦးဆောင်းအပ်နှင်းဆိုင်ရာများအား ရှင်းလင်းပြောကြားသည်။

ဆက်လက်၍ တိုင်းဒေသကြီး ကုသရေးဦးစီးဌာန၊ မုံရွာမြို့၊ ကုတင် ၅၀၀ ဆံ့၊ အထွေထွေ ရောဂါကုဆေးရုံကြီးနှင့် မုံရွာသူနာပြုနှင့်သားဖွားသင်တန်းကျောင်းမှ ကျောင်းအုပ်ကြီးတို့က သူနာပြု-သားဖွားဒီပလိုမာ(ပထမနှစ်) သင်တန်းသား၊သင်တန်းသူ ၅၆ အား ဂျူတီကုတ်နှင့်ဦး ဆောင်းများ အသီးသီးအပ်နှင်းခဲ့ကြပြီး သင်တန်းသား၊သင်တန်းသူများက သူနာပြုသစ္စာဓိဌာန် ရွတ်ဆိုကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ပညာရည်ချွန်ဆု ပထမ၊ ဒုတိယ၊ တတိယဆုရရှိကြသူများအား ဆုတံဆိပ်နှင့်ဂုဏ်ပြုမှတ်တမ်းလွှာများ ပေးအပ်ချီးမြှင့်ခဲ့ပြီး တိုင်း ဒေသကြီး လူမှုရေးရာဝန်ကြီး ဦးဝင်းမြတ်စိုးက မုံရွာသူနာပြုနှင့်သားဖွား သင်တန်းကျောင်း အတွက် ငွေကျပ်- ၁၀ သိန်းအား ကျောင်းအုပ်ကြီးထံ ထောက်ပံ့ပေးအပ်ကာ သင်တန်းသား၊ သင်တန်းသူများ ကိုယ်စား သင်တန်းသူတစ်ဦးက ကျေးဇူးတင်စကားပြန်လည်ပြောကြားပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား၊သင်တန်းသူ များအား ရင်းရင်းနှီးနှီးနှုတ်ဆက်အားပေးခဲ့ပြီး အခမ်းအနားကို ရုပ်သိမ်းခဲ့ကြောင်း သိရသည်။

20231109 10

20231109 10

20231109 10

20231109 10

20231109 10

20231109 10

မုံရွာ ၊ နိုဝင်ဘာ ၈

စစ်ကိုင်းတိုင်းဒေသကြီး၊ မုံရွာမြို့၊ ထန်းတောရပ်ကွက်ရှိ မီးဘေးသင့် အိမ်ထောင်စုများအား ထောက်ပံ့ငွေ၊ပစ္စည်းများနှင့် စားသောက်ဖွယ်ရာများ ထောက်ပံ့ပေးအပ်ပွဲ အခမ်းအနားကို နိုဝင်ဘာလ ၈ ရက်နေ့၊ မွန်းလွဲပိုင်းတွင် အဆိုပါရပ်ကွက်ရှိ ရွှေကြာရုံဓမ္မာရုံတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မီးဘေးသင့်ပြည်သူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရအဖွဲ့အနေဖြင့် မီးဘေးသင့်အိမ်ထောင်စုပြည်သူများအတွက် နေထိုင်ရေး၊ စားဝတ်ရေး၊ ကျန်းမာရေးနှင့် ပြန် လည်ထူထောင်ရေးဆိုင်ရာလုပ်ငန်းများအား ဌာနဆိုင်ရာများ၊ တာဝန်ရှိသူများနှင့် ပေါင်းစပ်ဖြည့်ဆည်းဆောင်ရွက်ပေးသွားမည်ဖြစ်ပါကြောင်း အားပေးစကား ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက မီးဘေးသင့်ပြည်သူများ ထံ ထောက်ပံ့ငွေများ၊ ဆန်ရိက္ခာဖိုးငွေများ၊ စားသောက်ဖွယ်ရာများနှင့် ဘေးအန္တရာယ် ဆိုင်ရာ စီမံခန့်ခွဲမှုဦးစီးဌာနမှ မိသားစုသုံးပစ္စည်းများ၊ ကြက်ခြေနီအသင်းမှ ထောက်ပံ့ပစ္စည်းများအား အသီးသီး ထောက်ပံ့ပေးအပ်ခဲ့ကြပြီး မီးဘေးသင့်အိမ်ထောင်စုများက ပညာရေး၊ ကျန်းမာရေး၊ ပြန်လည်ထူထောင်ရေးဆိုင်ရာလုပ်ငန်းများနှင့် ပတ်သက်၍ လိုအပ်သည်များအား အသီးသီးဆွေး နွေးတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး မီးဘေးသင့်ပြည်သူများအား ရင်းရင်းနှီးနှီးလိုက်လံနှုတ်ဆက်အားပေးကာ အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက မီးဘေးသင့်ပြည်သူများ အား ကျန်းမာရေးစောင့်ရှောက်မှုပေးနေများအား လိုက်လံကြည့်ရှုအားပေးပြီး လိုအပ်သည်များ ကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ မုံရွာမြို့၊ ထန်း တောရပ်ကွက်ရှိ မီးဘေးသင့် အိမ်ထာင်စု ၃၂ စု၊ လူဦးရေ ၁၆၁ ဦး အတွက် တိုင်းဒေသကြီးအစိုးရအဖွဲ့မှ တစ်အိမ်ထောင် ၃ သိန်းကျပ်နှုန်းဖြင့် ငွေကျပ် ၉၆၀၀၀၀၀ (ကိုးဆယ်ခြောက်သိန်း)ကျပ်နှင့် ၂ ပတ်စာ ဆန်၊ ဆီ၊ ဆား၊ ပဲ စုစုပေါင်းတန်ဖိုးငွေကျပ်- ၄၃၂၈၅၆၀ (လေးဆယ်သုံးသိန်းနှစ်သောင်းရှစ်ထောင်ငါးရာခြောက်ဆယ်)ကျပ်နှင့် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ အိမ်ဆောက်ပစ္စည်းနှင့် ဆန်ရိက္ခာဖိုးငွေကျပ်- ၃၆၃၈၁၀၀ (သုံးဆယ်ခြောက် သိန်းသုံးသောင်းရှစ်ထောင်တစ်ရာ)ကျပ်နှင့် ပစ္စည်း ၁၆ မျိုးပါ Family Kits - ၃၂ ပုံး၊ ကြက်ခြေနီ အသင်းမှ - Family Kits ၃၂ ပုံးတို့အား ထောက်ပံ့ပေးအပ်ခဲ့ကြောင်း သိရသည်။

20231109 01

20231109 01

20231109 01

20231109 01

20231109 01

20231109 01

20231109 01

20231109 01

မုံရွာ ၊ နိုဝင်ဘာ ၇

(၃၅)ကြိမ်မြောက် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့အထိမ်းအမှတ် အခမ်းအနားကို နိုဝင်ဘာလ ၇ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံးဝန်း အတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်နှင့် အစိုးရအဖွဲ့ဝင်များ၊ အထွေထွေအုပ်ချုပ် ရေးဦးစီးဌာနမှ အရာထမ်း/အမှုထမ်းများ၊ အထွေထွေအုပ်ချုပ်ရေးဦးစီးဌာနမှ အငြိမ်းစား ဝန် ထမ်းများနှင့် မိသားစုဝင်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်အစိုးရ၏ မူဝါဒများ နှင့်အညီ အထွေထွေအုပ်ချုပ်ရေးဦးစီးဌာန ဝန်ထမ်းများသည် ဆက်စပ်တပ်ဖွဲ့ဌာနဆိုင်ရာများ၊ ဒေသခံမြို့မိမြို့ဖများ၊ အစိုးရမဟုတ်သော လူမှုရေးအဖွဲ့အစည်းများနှင့် ပူးပေါင်း၍ အုပ်ချုပ်ရေး၊ စီးပွားရေး၊ လူမှုရေးလုပ်ငန်းများတွင် ပြည်သူ့အကျိုးပြုအတွက် ဆောင်ရွက် နေသည်ကို တွေ့ရှိရကြောင်း၊ ခရိုင်/မြို့နယ် စီမံအုပ်ချုပ်ရေးအဖွဲ့မှဦးဆောင်၍ အထွေထွေ အုပ်ချုပ်ရေးဦးစီး ဌာန ဝန်ထမ်းများဖြင့် တိုင်းဒေသကြီးအတွင်း ကုန်ဈေးနှုန်းတည်ငြိမ်မှုရှိစေရေး ပြည်သူများ စားဝတ်နေရေး သက်သာချောင်ချိစေရန်အတွက် စားသုံးဆီနှင့်ဆန်များအား ရည်ညွှန်းဈေးနှုန်း များဖြင့် ရောင်းချရေးလုပ်ငန်းများတွင်လည်း အထွေထွေအုပ်ချုပ်ရေးဦးစီးဌာနမှဝန်ထမ်းများ အနေဖြင့် ဆက်စပ်ဌာနများနှင့် အနီးကပ်ပူးပေါင်းဆောင်ရွက်လျက်ရှိပါကြောင်း၊ အထွေထွေအုပ်ချုပ်ရေးဦးစီးဌာန၏ ဖြတ်သန်းလာရသည့် သမိုင်းကြောင်းအပြည့်အစုံကို လည်း ယနေ့တက်ရောက်လာကြသည့် ဝန်ထမ်းများက သိရှိလေ့လာရန်အတွက် လည်းလိုအပ် သကဲ့သို့ အစဉ်အလာကြီးမြင့်ခဲ့သည့်ဂုဏ်ဒြပ်အား နောက်မျိုးဆက်သစ် ဝန်ထမ်းများကသိရှိပြီး မိမိတို့ဌာန၏ ထမ်းဆောင်ရမည့်တာဝန်များ၊ စောင့်ထိန်းရမည့်ကျင့်ဝတ်စည်းကမ်းများအား လိုက်နာစောင့်ထိန်းထမ်းဆောင်လျက် နိုင်ငံတော်နှင့် ပြည်သူတစ်
ရပ်လုံးမှအားထားရသည့် အုပ်ချုပ်ရေးဌာနကြီးဖြစ်စေပြီး အုပ်ချုပ်ရေးဝန်ထမ်းကောင်းများဖြစ် လာကြစေရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး အထွေထွေအုပ်ချုပ်ရေးဦးစီးဌာန၊ တိုင်းဒေသကြီးအုပ်ချုပ် ရေးမှူး ဦးခင်မောင်ဆန်းမှ အထွေထွေအုပ်ချုပ်ရေးဦးစီးဌာန သမိုင်းကြောင်းအား ရှင်းလင်းတင် ပြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အထွေထွေအုပ်ချုပ်ရေးဦး စီးဌာနမှ(ရုံးချုပ်)မှ ပေးပို့သည့် Video Clip အား ကြည့်ရှုအားပေးပြီး တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် အငြိမ်းစားဝန်ထမ်း များထံ တိုင်းဒေသကြီး အုပ်ချုပ်ရေးမှူးမှ အမှတ်တရလက်ဆောင်ပစ္စည်းများ အသီးသီးပေး အပ်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်က တိုင်းဒေသကြီး အထွေထွေအုပ်ချုပ်ရေး ဦးစီးဌာနမှ အရာထမ်း ၂ ဦးထံ ဆန်/ဆီများအား လည်းကောင်း၊ တိုင်းဒေသကြီး အုပ်ချုပ်ရေးမှူးက အမှုထမ်း ၂ ဦးထံ ဆန်/ဆီများအား လည်းကောင်း ထောက်ပံ့ပေးအပ်ခဲ့ကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဗလာမပါကံစမ်းမဲများ ဖွင့်ဖောက်ပေးကာ ကံစမ်းမဲ ပစ္စည်းများအား ပေးအပ်ချီးမြှင့်ခဲ့ကြပြီး အခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပသော မုံရွာစက်မှုဇုန်စီမံခန့်ခွဲရေး ကော်မတီဝင်များ၊ စက်မှုလုပ်ငန်းရှင်များနှင့် MSMEs လုပ်ငန်းရှင်များနှင့် တွေ့ဆုံပွဲအခမ်းအနား သို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရအဖွဲ့ အနေဖြင့် စိုက်ပျိုးရေး၊ မွေးမြူရေးနှင့် MSMEs လုပ်ငန်းများဖြင့် စီးပွားလုပ်ငန်းများဆောင်ရွက် နေကြသည့် လုပ်ငန်းရှင်များ၏ လိုအပ်ချက်များအား ပံ့ပိုးဖြည့်ဆည်းကူညီ ဆောင်ရွက်ပေးနိုင်ရန် ယခုလိုတွေ့ဆုံရခြင်းဖြစ်ပါကြောင်း၊ တွေ့ဆုံရခြင်းဖြင့် တိုင်းဒေသကြီးအစိုးရအဖွဲ့နှင့် ဌာနဆိုင် ရာများမှ လုပ်ဆောင်ပေးရမည့် လုပ်ငန်းများ၊ လိုအပ်ချက်များရှိပါက လုပ်ငန်းရှင်များအနေဖြင့်လည်း ပွင့်လင်းစွာ ဆွေးနွေး တင်ပြသွားကြရန် လိုအပ်ပါကြောင်း၊ MSMEs လုပ်ငန်းများ မြှင့်တင်ပေးနိုင်ရေးအတွက် ချေးငွေပိုင်းဆိုင်ရာများအား အသိပေးခြင်းဖြင့် MSMEs လုပ်ငန်းများ အဆင်ပြေချောမွေ့စေရေး နိုင်ငံ့စီးပွားမြှင့်တင် ရေးရန်ငွေ ၁၀ ဘီလီယံအား MSMEs လုပ်ငန်းများ လုပ်ကိုင်သူများအား ထုတ်ချေးပေးထား ပြီးဖြစ်ပါကြောင်း၊ တိုင်းဒေသကြီးအတွင်းရှိ စက်မှုဇုန် များတစ်ပြေးညီ ဖွံ့ဖြိုးတိုးတက်စေရေးအတွက် လမ်း၊ လျှပ်စစ်မီးနှင့် ဖွံ့ဖြိုးရေးလုပ်ငန်းများအား မိမိတို့အနေဖြင့် အလေးထားကာ ဆောင်ရွက်ပေးလျက်ရှိပါကြောင်း ပြောကြားခဲ့သည်။

ယင်းနောက် တွေ့ဆုံပွဲအခမ်းအနားသို့ တက်ရောက်လာကြသော မုံရွာစက်မှုဇုန် စီမံခန့်ခွဲ ရေးကော်မတီဝင်များ၊ စက်မှုလုပ်ငန်းရှင်များနှင့် MSMEs လုပ်ငန်းရှင်များက မိမိတို့လုပ်ကိုင် ဆောင်ရွက်နေသည့် လုပ်ငန်းအခြေအနေများနှင့် ကုန်ကြမ်းရရှိမှု၊ ထုတ်လုပ်တင် ပို့မှုရောင်းချမှု နှင့်လျှပ်စစ်မီးရရှိမှုတို့အား အသီးသီးရှင်းလင်းတင်ပြကြပြီး တိုင်းဒေသကြီး အဆင့်ဌာနဆိုင်ရာ များက မိမိတို့ဌာနများအလိုက် သက်ဆိုင်သည့်လုပ်ငန်းများနှင့် ပတ်သက်၍ ပြန်လည်ဆွေးနွေး ရှင်းလင်းပြောကြားကြသည်။

ဆက်လက်၍ တိုင်းဒေသကြီး အစိုးရအဖွဲ့ဝင်များက လုပ်ငန်းများနှင့် ပတ်သက်၍ လိုအပ် သည်များကို ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က လုပ်ငန်းများနှင့် ပတ်သက်၍ ဆွေးနွေးတင် ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေး ကာ နိဂုံးချုပ်စကားပြောကြားပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ ၊ နိုဝင်ဘာ ၆

စစ်ကိုင်းတိုင်းဒေသကြီးအတွင်း စိုက်ပျိုးသီးနှံများ ပန်းတိုင်အထွက်နှုန်းရရှိရေးနှင့် သီးထပ်စွမ်းအားမြှင့်တင်ရေး ညှိနှိုင်းအစည်းအဝေးကို နိုဝင်ဘာလ ၆ ရက်နေ့၊ နံနက်ပိုင်းတွင် တိုင်းဒေသကြီး စိုက်ပျိုးရေးဦးစီးဌာနရုံးရှိ အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စိုက်ပျိုးရေးဦးစီးဌာနမှ ဝန်ထမ်းများနှင့် ဒေသခံတောင်သူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လယ်ယာစိုက်ပျိုးရေးကဏ္ဍ အနေဖြင့် စစ်ကိုင်းတိုင်းဒေသကြီးတွင် စုစုပေါင်းမြေဧရိယာဧက (၂၃၁) သိန်းကျော်ရှိသည့်အနက် အသားတင်စိုက်ပျိုးမြေ (၄၅.၆)သိန်းကျော်ရှိပြီး သီးထပ်၊သီးညှပ် ဧကသိန်း(၉၀)ခန့် စိုက်ပျိုး လျှက်ရှိပါကြောင်း၊ တိုင်းဒေသကြီးတွင် နှစ်စဉ်မိုးစပါးဧက(၁၈)သိန်း၊ နွေစပါးဧက(၃)သိန်းခန့်၊ စုစုပေါင်း(၂၁)သိန်းကို ပုံမှန်စိုက်ပျိုးနိုင်ခဲ့သည့် တိုင်းဒေသကြီးတစ်ခုလည်း ဖြစ်ပါကြောင်း၊ တိုင်းဒေသကြီး၏ စိုက်ပျိုးစွမ်းအားမြှင့်တင်နိုင်ရေးအတွက် စိုက်ပျိုးသီးနှံများ၏ စိုက်ပျိုးမြေ ဧရိယာ အသုံးချမှုတိုးတက်ရေး၊ တစ်ဧကထုတ်လုပ်မှုစွမ်းအား တိုးတက်ရေးနှင့် တောင်သူများ ဝင်ငွေတိုးတက်ရေးအတွက် ဆောင်ရွက်ကြရာတွင် စိုက်ပျိုးနေသည့် သီးနှံအလိုက် ပန်းတိုင် အထွက်နှုန်းရရှိရေး တာဝန်ရှိသူအားလုံးမှ ကြိုးပမ်းဆောင်ရွက်ရမှာ ဖြစ်ပါကြောင်း၊ တိုင်းဒေသကြီးအတွင်း စိုက်ပျိုးထုတ်လုပ်လျက်ရှိသည့် ဆီထွက်သီးနှံ၊ ပဲမျိုးစုံနှင့် အခြား သီးနှံများအား ပန်းတိုင်ရည်မှန်းချက်ကို ပြည့်မီအောင်စိုက်ပျိုးနိုင်မည်ဆိုပါက တိုင်းဒေသကြီး၏ ဆန်၊ ဆီ၊ ပဲ ဖူလုံမှုများ ပိုမိုတိုးတက်လာနိုင်မှာ ဖြစ်သကဲ့သို့ ဝါသီးနှံစိုက်ပျိုးမှု ပန်းတိုင်အထွက် နှုန်းရရှိစေခြင်းဖြင့် ပြည်သူများဝတ်ရေးဖူလုံစေပြီး ပြည်ပမှချည်ထည်များ တင်သွင်းမှုအား လျော့ချနိုင်မှာ ဖြစ်ပါကြောင်း၊ စိုက်ပျိုးသီးနှံများ၏ ပန်းတိုင်အထွက်နှုန်း ရရှိရေးအတွက် နည်းလမ်းပေါင်းစုံဖြင့် ဆောင်ရွက်လျက်ရှိရာတွင် သီးနှံအလိုက် မျိုးကောင်း၊မျိုးသန့်များ အသုံးပြုစိုက်ပျိုးနိုင်ရေး အထွက်နှုန်းကောင်းမွန်သည့် မျိုးများဖြန့်ဖြူးခြင်း၊ တောင်သူများလိုအပ်သည့် စိုက်ပျိုးရေးသွင်းအားစုများ လွယ်ကူစွာရရှိသုံးစွဲနိုင်ရေး ကူညီပေးခြင်း၊ သီးနှံအလိုက်စိုက်ပျိုးရေးဆိုင်ရာ အလေ့အကျင့်ကောင်းများ လိုက်နာကျင့်သုံးစိုက်ပျိုးရေး နည်းပညာပေး စံပြကွက်များ စိုက်ပျိုးပြီး ကွင်းသရုပ်ပြပွဲများ ဆောင်ရွက်၍ တောင်သူများအား ပညာပေးခြင်း၊ စိုက်ပျိုးနည်း စနစ်ကောင်းများအား နည်းပညာပေးသင်တန်းများ ဆောင်ရွက်သွားရမှာ ဖြစ်ပါကြောင်း၊ စိုက်ပျိုးသီးနှံများ၏ ပန်းတိုင်အထွက်နှုန်း ရရှိရေး ရည်မှန်းဆောင်ရွက်ရန် လိုအပ်သလို စိုက်ပျိုးရေးထွက်ကုန်များ ပိုမိုထုတ်လုပ်နိုင်ရေး မြှင့်တင်ပေးရန်နှင့် သီးထပ်စွမ်းအားများအား မြှင့်တင်နိုင်အောင်လည်း ဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီး၏ စိုက်ပျိုးရေးကဏ္ဍများစွာ တိုးတက်လာမှာ ဖြစ်သည့်အတွက် တိုင်းဒေသကြီးအတွင်းရှိ စိုက်ပျိုးရန်ကျန် ရှိသည့် မြေဧရိယာများတွင် ဆီထွက်သီးနှံများ စိုက်ပျိုးနိုင်မည်ဆိုပါက ဒေသတွင်းစားသုံးဆီလိုအပ်ချက် ဖြည့်ဆည်းပေးနိုင်မည့်အပြင် ပိုလျှံသည်များကို ပြည်ပသို့တင်ပို့ရောင်းချနိုင်ပါက တိုင်းဒေသကြီး၏ ဝင်ငွေများတိုးတက်ရရှိနိုင်မှာ ဖြစ်ပါကြောင်း၊ တိုင်းဒေသကြီး၏ စိုက်ပျိုးသီးနှံများ ပန်းတိုင်အထွက်နှုန်းရရှိရေးနှင့် သီးထပ်စွမ်းအားမြှင့်တင်ရေးအတွက် ဆွေးနွေးပွဲသို့ တက်ရောက်လာကြသည့် ဌာနဆိုင်ရာများနှင့် တာဝန်ရှိသူများအနေဖြင့် ဝိုင်းဝန်းကြိုးပမ်းပြီး ပူးပေါင်းဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူး ဦးဝင်းလိူင်ဦးက စိုက်ပျိုးသီးနှံများ ပန်းတိုင်အထွက်နှုန်းရရှိရေးနှင့် သီးထပ်စွမ်းအားမြှင့်တင်ရေး ညှိနှိုင်းအစည်း အဝေး ကျင်းပရခြင်းနှင့် ပတ်သက်၍ ရှင်းလင်းတင်ပြပြီး တိုင်းဒေသကြီး စိုက်ပျိုးရေးဦးစီးဌာနမှ တာဝန်ရှိသူများက စိုက်ပျိုးမြေများ သီးထပ်စွမ်းအား မြှင့်တင်ရေးစာတမ်း၊ စပါးနှင့်အစေ့ထုတ် ပြောင်း၊ ဆီထွက်သီးနှံ၊ ပဲမျိုးစုံ၊ ဝါသီးနှံနှင့်ကြံသီးနှံ ပန်းတိုင်အထွက်နှုန်းရရှိရေး လိုက်နာ ဆောင်ရွက်ရမည့် နည်းလမ်းများနှင့် မြေဆီလွှာအဟာရဖြည့်တင်းရေး၊ ဘက်စုံပိုးမွှားရောဂါ ကာကွယ်နှိမ်နှင်းရေး နည်းလမ်းများအား အသီးသီး ရှင်းလင်းဆွေးနွေး ပြောကြားကြသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုးနှင့် တိုင်းဒေသကြီးအစိုးရအဖွဲ့ဝင် အတွင်းရေးမှူး ဦးခင်မောင်ဆန်းတို့ကစိုက်ပျိုးသီးနှံများ ပန်းတိုင်အထွက်နှုန်းရရှိရေးနှင့် သီးထပ်စွမ်းအားမြှင့်တင်ရေး လုပ်ငန်းအခြေအနေများနှင့် ပတ်သက်၍ ဖြည့်စွက်အကြံပြု ရှင်းလင်းဆွေးနွေးတင်ပြကြသည်။

ဆက်လက်ပြီး တိုင်းဒေသကြီးအဆင့်ဌာနဆိုင်ရာများက တိုင်းဒေသကြီးအတွင်း စိုက်ပျိုး သီးနှံများ ပန်းတိုင်အထွက်နှုန်းရရှိရေးနှင့် သီးထပ်စွမ်းအားမြှင့်တင်ရေး မိမိတို့ဌာနများအလိုက် ဆောင်ရွက်နေသည့် လုပ်ငန်းအခြေအနေများအား ရှင်းလင်းဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားကာ အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်းရှိ လယ်ယာစိုက်ပျိုးရေးကဏ္ဍ ဖွံ့ဖြိုးတိုးတက်ရေး နည်းပညာပေးပြခန်း၊ စားရေရိက္ခာဖူ လုံရေး အထောက်အကူပြု ဟင်းသီးဟင်းရွက်၊ သီးပင်စားပင်နှင့် အိမ်တွင်းအလှစိုက် အပင်များ ပြခန်း၊ သီးနှံများပန်းတိုင်အထွက်နှုန်းရရှိရေးနှင့် သီးထပ်စွမ်းအားတိုးတက်ရေး နည်းပညာပေး ပြခန်းများနှင့် စားဖိုဆောင်သီးနှံစိုက်ခင်း အောင်မြင်ဖြစ်ထွန်းနေမှုများအား လိုက်လံကြည့်ရှု အား ပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် အနောက်မြောက်တိုင်းစစ်ဌာနချုပ်၊ ဇေယျာသီရိခန်းမတွင် ကျင်းပပြုလုပ်သော တိုင်းဒေသကြီး အတွင်း လုံခြုံရေးနှင့်ကာကွယ်ရေးတာဝန် ထမ်းဆောင်နေကြသော လုံခြုံရေးတပ်ဖွဲ့ဝင်များအား တိုင်းဒေသကြီးအစိုးရအဖွဲ့နှင့် ဌာနဆိုင်ရာများက စားသောက်ဖွယ်ရာများ ဂုဏ်ပြုလှူဒါန်းပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စားသောက်ဖွယ်ရာများအား ဂုဏ်ပြုလှူဒါန်းရခြင်းအကြောင်းအား ရှင်းလင်းပြောကြားပြီး လုံခြုံရေးတာဝန်ထမ်းဆောင် နေကြသူများအတွက် စားသောက်ဖွယ်ရာများအား အသီးသီး ဂုဏ်ပြုလှူဒါန်းခဲ့သည်။

ဆက်လက်ပြီး အနောက်မြောက်တိုင်းစစ်ဌာနချုပ် တိုင်းမှူး ဗိုလ်ချုပ်သန်းထိုက်က စားသောက်ဖွယ်ရာများအား ဂုဏ်ပြုလှူဒါန်းပေးသည့်အတွက် ကျေးဇူးတင်စကား ပြန်လည် ပြောကြားကာ အခမ်းအနားကို ရုပ်သိမ်းခဲ့ကြသည်။

အဆိုပါ တိုင်းဒေသကြီးအတွင်း လုံခြုံရေးနှင့်ကာကွယ်ရေးတာဝန် ထမ်းဆောင်နေကြ သောလုံခြုံရေးတပ်ဖွဲ့ဝင်များအား စားသောက်ဖွယ်ရာများ ဂုဏ်ပြုလှူဒါန်းပွဲအခမ်းအနားတွင် တိုင်းဒေသကြီးအစိုးရအဖွဲ့မှ - ၁၀၀၈ သိန်း (တစ်ထောင့်ရှစ်သိန်း)ကျပ်တန်ဘိုးရှိ စားသောက်ဖွယ်ရာများအား ဂုဏ်ပြုလှူဒါန်းခဲ့ကြောင်း သိရသည်။

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

မုံရွာ နိုဝင်ဘာ ၄

(၃၅)ကြိမ်မြောက် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့ကိုကြိုဆိုဂုဏ်ပြု သောအားဖြင့် နိုဝင်ဘာလ ၄ ရက်နေ့၊ နံနက်ပိုင်းတွင်  စစ်ကိုင်းတိုင်းဒေသကြီး၊ မုံရွာမြို့၊ အမှတ် ၄ ခုတင် ၃၀၀ ဆံ့ တပ်မတော်ဆေးရုံကြီးတွင် တိုင်းဒေသကြီး/ခရိုင်/မြို့နယ် အထွေထွေအုပ်ချုပ် ရေးဦးစီးဌာနမှ အရာထမ်း၊အမှုထမ်း (၇၈)ဦးမှ စုပေါင်းသွေးလှူဒါန်းခဲ့ကြသည်။

အဆိုပါ စုပေါင်းသွေးလှူဒါန်းနေမှုများနှင့် ဆေးကုသမှုခံယူနေသော ဒေသခံပြည်သူများအား တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ အနောက်မြောက်တိုင်းစစ်ဌာနချုပ်မှ တပ်မတော် အရာရှိကြီးများနှင့် တာဝန်ရှိသူများက သွားရောက်ကြည့်ရှုအားပေးကြပြီး ရင်းရင်းနှီးနှီးလိုက်လံနှုတ် ဆက်အားပေးကာ ဝန်ထမ်းများနှင့်ဆေးကုသမှုခံယူနေကြသော ဒေသခံပြည်သူများအား တာဝန်ရှိသူများနှင့်အတူ အဟာရဖြည့်စွက် စားသောက်ဖွယ်ရာများ အသီးသီး ထောက်ပံ့ပေးအပ်ခဲ့ကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အမှတ် (၂) အခြေခံပညာအထက်တန်းကျောင်း ခန်းမတွင် ကျင်းပပြုလုပ်သော ၂၀၂၃-၂၀၂၄ ပညာသင်နှစ်၊ အခြေခံပညာအထက်တန်းဆင့်သင် ဆရာ/ဆရာမများ သင်ထောက်ကူပစ္စည်းများလက်တွေ့ အသုံးချနိုင်ရေး အရည်အသွေးမြှင့်ဆွေးနွေးပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ပညာရေးမှူး ဒုတိယညွှန်ကြားရေးမှူးချုပ် ဦးဝင်းလိူင်က အခြေခံပညာအထက်တန်းဆင့်သင် ဆရာ/ဆရာမများ သင်ထောက်ကူပစ္စည်းများ လက်တွေ့ အသုံးချနိုင်ရေး အရည်အသွေးမြှင့် ဆွေးနွေးပွဲကျင်းပရခြင်းနှင့် ပတ်သက်၍ ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသော ဆရာ/ဆရာမများအား ရင်းရင်းနှီးနှီးလိုက်လံနှုတ်ဆက် အားပေးပြီး အခမ်းအနားကို ရုပ်သိမ်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါကျောင်းဝင်းအတွင်း အခြေခံပညာအထက်တန်းဆင့်သင် ဆရာ/ဆရာမများအား ဓာတုဗေဒ၊ ရူပဗေဒနှင့်ဇီဝဗေဒဆိုင်ရာ သင်ထောက်ကူပစ္စည်းများ လက်တွေ့အသုံးချနိုင်ရေး သင်ကြားနေမှုများအားလိုက်လံကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်၍ (၃၅)ကြိမ်မြောက် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့ကို ကြိုဆိုဂုဏ်ပြုသောအားဖြင့် မုံရွာမြို့၊ အိုးဘိုးတောင်ရပ်ကွက်ရှိ အခြေခံပညာအထက်တန်း ကျောင်း(ခွဲ)အတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက် ဖွားနိုင်သည့် ရေနုတ်မြောင်းများအား ရေစီးရေလာကောင်းမွန်စေရေးတို့အတွက် တပ်မတော် သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာန ဝန်ထမ်းများ၊ ဌာနဆိုင်ရာဝန်ထမ်းများ၊ စည်ပင်သာယာရေး အဖွဲ့များနှင့် လူမူရေးအသင်းအဖွဲ့များ စုပေါင်း၍ စုပေါင်းသန့်ရှင်းရေးလုပ်ငန်းများအား ဆောင် ရွက်ခဲ့ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းဝင်းအတွင်း စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများသို့ စားသုံးဆီများအား သက်မှတ်ရည်ညွှန်းဈေးနှုန်းဖြင့် ရောင်းချနေမှုများအား ကြည့်ရှုအားပေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၂၈ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဌာနဆိုင်ရာဝန်ထမ်းများနှင့် စည်ပင် သာယာရေးအဖွဲ့များ စုစုပေါင်းအင်အား ၃၆၀၀ ဦးကျော်ဖြင့် အခြေခံပညာကျောင်းများနှင့် မြို့သန့်ရှင်းသပ်ရပ်သာယာရေးလုပ်ငန်းများကို စုပေါင်းဆောင်ရွက်ခဲ့ကြောင်း သိရသည်။        

                

0 02 06 2d498f43be6df72772ed13d4a469fd2b82b8830fd05f625ce8f928d1c426bf14 31995f15bee08c1e

0 02 06 b4f55ab788b5fa6571aed2eb741420e70bb14b4a61b5c02e4c089b3b8dfaaf24 df36b8ea410968660 02 06 7ac746764ec6e89940b38ee45092323dc435d900041d6a88e66ba4c9a2c95e77 2668877bd440811b

0 02 06 cd5c4fc68c26cb771a1f468bcff33b960eda611c9c1ca922a220faa6a1739a81 8bff781ed6bfa469

0 02 06 f4316e9855ec7c7dee3c2fa12d4d83af2a36fabf45fdc94cacf8a746c40b2ed2 43447985a1f724d4                 

 

သတင်း အချက်အလက်