မုံရွာ ဧပြီ ၁၅
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီးတရားသူကြီးချုပ် ဦးဇော်ထူး၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများမှ တာဝန်ရှိသူများ လိုက်ပါလျက်  ၁၃၈၃-ခုနှစ် (၂၀၂၂-ခုနှစ်) မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော် ဧပြီလ(၁၄)ရက်နေ့ သင်္ကြန်အကျနေ့ ညနေပိုင်းတွင် မုံရွာမြို့၊ ဗိုလ်ချုပ်လမ်းပေါ်ရှိ သယံဇာတရေးရာဝန်ကြီးဌာန ပိတောက်ရွှေဝါမဏ္ဍပ်၊ လုံခြုံရေးနှင့် နယ်စပ်ရေးရာဝန်ကြီးဌာန ၁ နှင့်၂ မဏ္ဍပ်များသို့ ရောက်ရှိကာ မဏ္ဍပ်များမှ ယိမ်းအက လှပျိုဖြူများက အကအလှ များဖြင့်ဖျော်ဖြေကြပြီး ဖျော်ဖြေသည့် ယိမ်းအကအလှ အဖွဲ့များ၊ ရုပ်ရှင် သရုပ်ဆောင်များနှင့် အဆိုတော်များအား တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိ သူများက  ဂုဏ်ပြုဆုငွေများအသီးသီးချီးမြင့်ခဲ့ကြပြီး ရေကစားမဏ္ဍပ်များတွင် ပြည်သူများ ပျော်ရွှင်စွာ ရေကစားနေမှုများကို လိုက်လံကြည့်ရှု အားပေးခဲ့ကြကြောင်း သတင်းရရှိသည်။

ဆက်လက်ပြီး စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး တရားသူကြီးချုပ် ဦးဇော်ထူး၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများမှ တာဝန်ရှိသူများသည် ၁၃၈၃-ခုနှစ်၊ (၂၀၂၂-ခုနှစ်) မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော် ဧပြီလ(၁၅)ရက်နေ့ သင်္ကြန်အကြတ်နေ့ နံနက် ပိုင်းတွင် မုံရွာမြို့၊ အနောက်မြောက်တိုင်းစစ်ဌာနချုပ်ရေသဘင်မဏ္ဍပ်သို့ ရောက်ရှိကြသည်။

ရှေးဦးစွာ အနောက်မြောက်တိုင်းစစ်ဌာနချုပ် ရေသဘင်မဏ္ဍပ်မှ ယိမ်းအကလှပျိုဖြူများ၊ ရုပ်ရှင့်နှင့်ဗီဒီယိုသရုပ်ဆောင်များက အကအလှများဖြင့် သီဆိုဖျော်ဖြေမှုအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ကြည့်ရှုအားပေးကြကာ ယိမ်းအကဖွဲ့များအား တိုင်းဒေသကြီးဝန်ကြီးချုပ် ဇနီး၊ တိုင်းမှူးနှင့်ဇနီးနှင့် တာဝန်ရှိသူများက အတာရေများ ပက်ဖျန်း ပေးခဲ့ပြီး ယိမ်းအကလှပျိုဖြူများက အကအလှ များဖြင့်ဖျော်ဖြေကြပြီး ဖျော်ဖြေသည့် ယိမ်းအကအလှအဖွဲ့များ၊ ရုပ်ရှင်သရုပ်ဆောင်များနှင့် အဆိုတော်များအား တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများက  ဂုဏ်ပြု့ဆုများအသီးသီးချီးမြင့်ခဲ့ကြပြီး ရေကစားမဏ္ဍပ်များတွင်ပြည်သူများပျော်ရွှင်စွာ ရေကစားနေမှုများကို လိုက်လံကြည့်ရှု အားပေးခဲ့ကြကြောင်း သတင်းရရှိသည်။

မုံရွာ ဧပြီ ၁၄
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီးတရာသူကြီးချုပ် ဦးဇော်ထူး၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများမှ တာဝန်ရှိသူများ လိုက်ပါလျက်  ၁၃၈၃-ခုနှစ်၊ (၂၀၂၂-ခုနှစ်) မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဧပြီလ(၁၄)ရက်နေ့ သင်္ကြန် အကျနေ့ နံနက်ပိုင်းတွင် မုံရွာမြို့၊ ဗိုလ်ချုပ်လမ်းပေါ်ရှိ ကန်သာယာဗဟိုမဏ္ဍပ်သို့ ရောက်ရှိကြသည်။ ရှေးဦးစွာ ဗဟိုမဏ္ဍပ်မှ ယိမ်းအကလှပျိုဖြူများ၊ ရုပ်ရှင့်နှင့်ဗီဒီယိုသရုပ်ဆောင်များက အကအလှများဖြင့် သီဆိုဖျော်ဖြေမှုအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ကြည့်ရှုအားပေးကြကာ ယိမ်းအကဖွဲ့များအား တိုင်းဒေသကြီးဝန်ကြီးချုပ် ဇနီးနှင့် တာဝန်ရှိသူများက အတာရေများပက်ဖျန်းပေးခဲ့ကြသည်။

ဆက်လက်ပြီး တိုင်းဒေသကြီးဝန်ကြီးချုပ် ဦးမြတ်ကျော်နှင့် ဇနီး၊ တာဝန်ရှိသူများသည် ကန်သာယာအနီး ကန်ပတ်လမ်းပေါ်ရှိ တိုင်းရင်းသားရေးရာဝန်ကြီးဌာနမဏ္ဍပ်၊ ဗိုလ်ချုပ် လမ်းပေါ်ရှိ သယံဇာတရေးရာ ဝန်ကြီးဌာန ရွှေပိတောက်မဏ္ဍပ်နှင့် စီးပွားရေးရာဝန်ကြီးဌာန ချင်းတွင်းမေမဏ္ဍပ်များသို့ ရောက်ရှိကာ မဏ္ဍပ်များမှ ယိမ်းအကလှပျိုဖြူများက အကအလှ များဖြင့်ဖျော်ဖြေကြြပီး ဖျော်ဖြေသည့် ယိမ်းအကအလှအဖွဲ့များ၊ ရုပ်ရှင်သရုပ်ဆောင်များနှင့် အဆိုတော်များအား တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများက  ဆုများအသီးသီးချီးမြင့်ခဲ့ကြပြီး ရေကစားမဏ္ဍပ်များတွင် ပြည်သူများပျော်ရွှင်စွာ ရေကစား နေမှုများကို လိုက်လံကြည့်ရှု အားပေးခဲ့ကြ သည်။   ညနေပိုင်းတွင် တိုင်းဒေသကြီးဝန်ကြီးချုပ် ဦးမြတ်ကျော်နှင့် ဇနီး၊ တာဝန်ရှိသူများသည် ဗိုလ်ချုပ်လမ်းပေါ်ရှိ သယံဇာတရေးရာဝန်ကြီးဌာန ပိတောက်ရွှေဝါမဏ္ဍပ်နှင့် ကန်သာယာ ပြည်ထောင်စု ကျွန်းပေါ်ရှိ လမ်းပန်းဆက်သွယ်ရေးဝန်ကြီးဌာန အမှတ် ၁နှင့်၂ မဏ္ဍပ်များသို့ ရောက်ရှိကာ မဏ္ဍပ်များမှ ယိမ်းအကလှပျိုဖြူများက အကအလှများဖြင့်ဖျော်ဖြေကြပြီး ဖျော်ဖြေသည့် ယိမ်းအကအလှအဖွဲ့များ၊ ရုပ်ရှင်သရုပ်ဆောင်များနှင့် အဆိုတော်များအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက  ဆုများအသီးသီးချီးမြင့်ခဲ့ကြပြီး ရေကစားမဏ္ဍပ်များတွင် ပြည်သူများပျော်ရွှင်စွာရေကစားနေမှုများကို လိုက်လံကြည့်ရှု အားပေးခဲ့ကြသည်။  

 

 

မုံရွာ ဧပြီ ၁၃
စစ်ကိုင်းတိုင်းဒေသကြီး ၁၃၈၃-ခုနှစ်၊ (၂၀၂၂-ခုနှစ်) မြန်မာ့ရိုးရာယဉ်ကျေးမှု မဟာ သင်္ကြန်ပွဲတော် (ဗဟိုမဏ္ဍပ်)ဖွင့်ပွဲအခမ်းအနားကို ဧပြီလ(၁၃)ရက်နေ့ ညနေပိုင်းတွင် မုံရွာမြို့၊ ဗိုလ်ချုပ်လမ်းပေါ်ရှိ ကန်သာယာဗဟိုမဏ္ဍပ်တွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊အနောက်မြောက်တိုင်းစစ်ဌာနချုပ် တိုင်းမှူးဗိုလ်မှူးချုပ် သန်းထိုက်၊ တိုင်းဒေသကြီး တရာသူကြီးချုပ် ဦးဇော်ထူး၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဝန်ထမ်းများ၊ တာဝန်ရှိသူများ၊ ယိမ်းအကအဖွဲ့များနှင့် ပြည်သူများတက်ရောက်ကြသည်။ ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မြန်မာ့ရိုးရာနှစ်သစ်ကူးမဟာ သင်္ကြန်ပွဲတော် နှစ်သစ်ကူးမင်္ဂလာ နှုတ်ခွန်းဆက်စကား ပြောကြားသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ် သန်းထိုက်၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းတို့က ၁၃၈၃-ခုနှစ်၊ ၂၀၂၂-ခုနှစ်၊ မြန်မာ့ရိုးရာမဟာသင်္ကြန်ပွဲတော် (ဗဟိုမဏ္ဍပ်)အား ဖဲကြိုးဖြတ် ဖွင့်လှစ်ပေးကြပြီး ယိမ်းအကလှပျိုဖြူများက “ မြူမှောင်ဝေကင်း ” တေးသီချင်းဖြင့် ကပြ ဖျော်ဖြေကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်၊ တာဝန်ရှိသူများနှင့် ဧည့်သည် တော်များက ယိမ်းအလှပျိုဖြူများနှင့် တက်ရောက်လာသူများအား နှစ်သစ်ကူးအမွှေးနံ့သာ ရေဖြင့် အပြန်အလှန် ပတ်ဖျန်းကြပြီး ယိမ်းအလှပျိုဖြူများက အလှည့်ကျဖျော်ဖြေနေမှုများအား ကြည့်ရှူ အားပေးခဲ့ကြောင်း သိရသည်။ စစ်ကိုင်းတိုင်းဒေသကြီး၊ မုံရွာမြို့ကန်သာယာဝန်းကျင်၌ ကျင်းပသည့် ၂၀၂၂-ခုနှစ်၊ မြန်မာ့ရိုးရာမဟာ သင်္ကြန်ပွဲတော်တွင် ဗဟိုမဏ္ဍပ်နှင့် ဝန်ကြီးဌာနမဏ္ဍပ်များ၊ စုစုပေါင်း ၁၀ ခုမှ  သင်္ကြန်အကျ၊ အကြတ်၊ အတက်နေ့များတွင် ယိမ်းအဖွဲ့များက သင်္ကြန်ယိမ်းအကများနှင့် တပင်တိုင်အကများဖြင့် ကပြဖျော်ဖြေခြင်းနှင့် မဏ္ဍပ် ၂ ခုမှ နေ့စဉ်စတုဒီသာကျွေးခြင်းများဖြင့် ကုသိုလ်ပြုကြမည်ဖြစ်ပြီး ဗဟိုမဏ္ဍပ်တွင် နေ့အလိုက်ပြိုင်ပွဲဝင် ယှဉ်ပြိုင်ကပြ ဖျော်ဖြေကြမည်ဖြစ်ကာ ဧပြီလ(၁၆) ရက်နေ့တွင် ဆုချီးမြင့်ပွဲအခမ်းအနားကို ကျင်းပသွားမည်ဖြစ်ကြောင်းသတင်း ရရှိသည်။ 

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အနောက်မြောက်တိုင်းစစ်ဌာနချုပ် (ဗဟိုမဏ္ဍပ်)ဖွင့်ပွဲ အခမ်းအနားသို့ တက်ရောက်ရာ အနောက်မြောက်တိုင်းစစ်ဌာနချုပ် တိုင်းမှူးဗိုလ်မှူးချုပ် သန်းထိုက်က မြန်မာ့ရိုးရာနှစ်သစ်ကူးမဟာ သင်္ကြန်ပွဲတော် နှစ်သစ်ကူးမင်္ဂလာ နှုတ်ခွန်းဆက်စကား ပြောကြားသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ် သန်းထိုက်၊ ဒုတိယတိုင်းမှူး ဗိုလ်မှူးချုပ် မျိုးထွဋ်လိူင်၊ အမှတ်(၄) တပ်မတော်ဆေးရုံ ကုတင်(၃၀၀) မှ ဗိုလ်မှူးကြီး မင်းစိုးဦးတို့က ၁၃၈၃-ခုနှစ်၊ ၂၀၂၂-ခုနှစ်၊ မြန်မာ့ ရိုးရာမဟာသင်္ကြန်ပွဲတော် (ဗဟိုမဏ္ဍပ်)အား ဖဲကြိုးဖြတ် ဖွင့်လှစ်ပေးကြပြီး ယိမ်းအကလှပျိုဖြူ များက အဖွင့်တေးသီချင်းဖြင့် ကပြဖျော်ဖြေကြသည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းမှူးနှင့် ဧည့်သည်တော်များက ယိမ်းအလှပျိုဖြူများနှင့် တက်ရောက်လာသူများအား နှစ်သစ်ကူးအမွှေးနံ့သာရေဖြင့် အပြန်အလှန်ပတ် ဖျန်းကြကာ ယိမ်းအလှပျိုဖြူများက အလှည့်ကျဖျော်ဖြေနေမှုများအား ကြည့်ရှူအားပေးခဲ့ပြီး စတုဒီသာများကျွေးမွေးကုသိုလ်ပြုနေကြသော စတုဒီသာမဏ္ဍပ်များ၊ ပြည်သူများပျော်ရွှင်စွာ ရေကစားနေမှုများကို လိုက်လံကြည့်ရှုအားပေးခဲ့ကြောင်း သတင်းရရှိသည်။

မုံရွာ ဧပြီ ၁၁
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် အဖွဲ့ဝင်များ၊ တာဝန်ရှိသူများလိုက်ပါလျက် ဧပြီလ(၁၁)ရက်၊ နံနက်ပိုင်းတွင် မုံရွာမြို့၊ အလုံရပ်ကွက်ရှိ လေးတောင်ပြင်ကျောင်းတိုက်နှင့် ဒက္ခိဏာရုံကျောင်းတိုက်ရှိ ဆရာတော်ကြီးထံ လှူဘွယ်ဝတ္တုနှင့် ဆွမ်းဆန်တော်၊ ဆီ၊ ဆားနှင့် စားသောက်ဖွယ်ရာများကို အသီးသီး ဆက်ကပ်လှူဒါန်းကြပြီး သာသနာရေးဆိုင်ရာများ လျှောက်ထားခဲ့ကြသည်။

အဆိုပါ တိုင်းဒေသကြီး အစိုးရအဖွဲ့မှ အလုံရပ်ကွက်ရှိ၊ လေးတောင်ပြင်ကျောင်းတိုက် ဓမ္မာရုံတော်တွင် သရက်ပင်ကျောင်းတိုက်၊ ကောင်းမူတော်ကျောင်းတိုက်၊ မြို့ဦးရာကျော်ကျောင်း၊ မသာသရဏဂုံကျောင်းတိုက်များရှိ ဆရာတော်၊သံဃာတော်များအတွက် ဆွမ်းကွမ်းအခက်အခဲ မဖြစ်စေရေး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက လှူဘွယ်ဝတ္တု၊ ဆွမ်းဆန်တော်၊ ဆီ၊ ဆားနှင့် စားသောက်ဖွယ်ရာများ ဆက်ကပ်လှူဒါန်းခဲ့ကြသည်။ 

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဒက္ခိဏာရုံကျောင်းတိုက် ဓမ္မာရုံတော်သို့ ရောက်ရှိရာ တိုင်းဒေသကြီး ဝန်ကြီးချုပ် ဦးမြတ်ကျော်က သာသနာရေးဆိုင်ရာများ လျှောက်ထားပြီး တာဝန်ရှိသူများအတူ စံကျောင်းကျောင်းတိုက်၊ မြို့မရုပ်စုံကျောင်း၊ မူလအုတ်ကျောင်းကျောင်းတိုက်၊ ကျောင်းကြီးကျောင်းတိုက်များရှိ ဆရာတော်ကြီးများထံ လှူဘွယ်ဝတ္တု၊ ဆွမ်းဆန်တော်၊ ဆီ၊ ဆားနှင့် စားသောက်ဖွယ်ရာများ အသီးသီး ဆက်ကပ် လှူဒါန်းခဲ့ပြီး ဒက္ခိဏာရုံကျောင်းတိုက်အတွင်း တည်ထားကိုးကွယ်နေသည့် အေးစေတီရှစ်မျက်နှာ စေတီတော်အတွက် အလှူငွေကျပ် ၁၀ သိန်းအား ဒက္ခိဏာရုံကျောင်း တိုက် ဆရာတော်ကြီးထံ ဆက်ကပ်လှူဒါန်းပြီး စေတီတော်ကြီး တည်ထားနေမှုအား လိုက်လံကြည့်ရှု ဖူးမျှော်ခဲ့ကြောင်း သတင်းရရှိသည်။ 

                                    

 
ဧပြီ ၇
စစ်ကိုင်းတိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးနှင့် ရွေးကောက်ပွဲအတွက် မဲစာရင်းများပြုစုရေး လုပ်ငန်းညှိနှိုင်းအစည်းအဝေးကို ဧပြီလ(၇) ရက် နေ့ နံနက်(၉)နာရီအချိန်တွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် အဆင့်မြင့်ပညာဦးစီးဌာနမှ ကျောင်းအုပ်ကြီးများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ မြို့နယ်များတွင် ကိုဗစ်-၁၉ ရောဂါ ကာကွယ်ဆေးများ သက်မှတ်အချိန်တွင် ရာနှုန်းပြည့် ထိုးနှံပြီးစီးရေးကို တာဝန်ရှိသူများက အထူးအလေးထားကြပ်မတ် ဆောင်ရွက်ကြရန် လိုအပ်ပါကြောင်း၊ သက်မှတ်လျာထားချက်ပြည့်မီစွာ ထိုးနှံနိုင်ရေးအတွက်လည်း နေ့အလိုက် ကာကွယ်ဆေးထိုးရမည့် ပမာဏအားပြီးစီးအောင်ထိုနှံရေး တာဝန်ရှိသူများမှ ကြပ်မတ်ဆောင်ရွက်ရန်လိုအပ်ပါကြောင်း၊ မြို့နယ်များအနေဖြင့် ကျေးရွာအောက်ခြေအထိ ကွင်းဆင်း၍ အမှန်တကယ် ကာကွယ်ဆေးမထိုးနှံရသေးသည့် စာရင်းများစနစ်တကျကောက်ယူကာ အမြန်ဆုံးထိုးနှံနိုင်ရေး စီစဉ်ဆောင်ရွက်ကြရန် လိုအပ်ပါကြောင်း၊ ကာကွယ်ဆေး ထိုးအဖွဲ့များမှလည်း ကျေးရွာများသို့ရောက်ရှိအောင်သွားရောက်ကာ အကြောင်းအမျိုးမျိုးကြောင့် ကာကွယ်ဆေးမထိုးနှံရသေးသူများအား အမြန်ဆုံးထိုးနှံပေးရန်လိုအပ်ပါကြောင်း၊ ကာကွယ်ဆေးထိုးနှံထားမှသာ ကူးစက်နှုန်းလျော့နည်းကာ သေဆုံးနှုန်းလည်း လျော့နည်း ကြောင်းကိုပြည်သူများ သိရှိအောင်အသိပေးခြင်း၊ ပညာပေးခြင်းနှင့် ဆွေးနွေးခြင်းများကို လုံခြုံရေးဂရုပြုကာ ဆောင်ရွက်ပြီး ပြည်သူများကျန်းမာရေး အသိရှိအောင် ဆောင်ရွက်ကြ ရန်လိုအပ်ပါကြောင်း၊ ၂၀၂၃-ခုနှစ်တွင် ရွေးကောက်ပွဲအောင်မြင်စွာ ကျင်းပနိုင်ရေးအတွက် လွတ်လပ်ပြီး တရားမျှတသည့် ရွေးကောက်ပွဲဖြစ်ရန် အခြေခံအားဖြင့် မဲပေးမည့်စာရင်းဇယားများ တိကျမှန်ကန် ရန်လိုအပ်ပါကြောင်း၊ နိုင်ငံသားတစ်ဦးလျှင် နိုင်ငံသားစီစစ်ရေးကတ် တစ်ခုသာ တရားဝင်ကိုင်ဆောင်ခွင့်ရှိသဖြင့် နိုင်ငံသားစီစစ်ရေးကတ်များ မှန်/မမှန် ကြပ်မတ် စီစစ်ဆောင်ရွက်ရမည်ဖြစ်ပါကြောင်း၊ ရွေးကောက်ပွဲမကျင်းပမီ ဆန္ဒမဲပေးခွင့်ရှိသူ မဲစာရင်းများအားမြေပြင်တွင် ကွာခြားမှုမရှိစေရေးနှင့် မှန်ကန်ရေးတို့အား စနစ်တကျဂရုပြု ဆောင်ရွက်ကြရန် လိုအပ်ပါကြောင်း ပြောကြားခဲ့သည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင်ဝန်ကြီးများ၊ ဌာနဆိုင်ရာများနှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု၊ ဆေးရုံတက်ရောက် ကုသမှုနှင့်ဆေးရုံဆင်းမှု၊ သတ်မှတ်လျာထားချက် ပြည့်မီအောင် ကာကွယ်ဆေးထိုးနှံမှုအခြေအနေများ၊ အောက်ဆီဂျင်ထုတ်လုပ်သုံးစွဲမှု၊ လုံခြုံရေးဆောင်ရွက်ပေးနေမှု အခြေအနေများနှင့် ရွေးကောက်ပွဲဆိုင်ရာများ၊ မဲစာရင်းများမှန်ကန်ရေးအတွက် သက်ဆိုင်ရာကဏ္ဍများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး၊ ရွေးကောက်ပွဲအတွက် မဲစာရင်းများပြုစုရေးလုပ်ငန်းများနှင့် ပတ်သက်၍ အသီးသီး ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီး စိုက်ပျိုးရေးဦးစီးဌာနရုံး၊ အစည်းအဝေးခန်းမတွင် ကျင်းပသော နေကြာသီးနှံ၊ မိုးကြိုဝါမျိုးစေ့များ ပေးအပ်ပွဲနှင့် နေကြာစိုက်ပျိုးမှုထုတ်လုပ်မှု ပြပွဲအခမ်းအနားသို့ တက်ရောက်ကြသည်။ ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း ဆီထွက်သီးနှံများ စိုက်ပျိုးခဲ့ရာမှာ မြေပဲ၊နှမ်းနှင့် နေကြာတို့ကို အဓိကထားပြီး စိုက်ပျိုးခဲ့ သော်လည်း လာမည့် ၂၀၂၂-၂၀၂၃-ခုနှစ်၊ စိုက်ပျိုးရာသီမှာတော့ ဆီထွက်သီးနှံများ စိုက်ပျိုးရာမှာ စိုက်ပျိုးထုတ်လုပ်မှု ကုန်ကျစရိတ်နည်းပြီး တစ်ဧကဆီထွက်နှုန်းလည်း မြင့်မာ့တဲ့ နေကြာသီးနှံကို တိုးချဲ့စိုက်ပျိုးသွားမှာ ဖြစ်ပါကြောင်း၊ ဆီထွက်သီးနှံများအနက် နေကြာသီးနှံဟာ သီးထပ်၊ သီးညှပ်ပုံစံအမျိုးမျိုးဖြင့် မိုးဆောင်း ရာသီမရွေး၊ မျိုးစေ့နှုန်းသက်သာစွာ စိုက်ပျိုးနိုင်သော သီးနှံဖြစ်ပါကြောင်း၊ နိုင်ငံတော်ရဲ့စီမံချက်နှင့် အကောင်အထည်ဖော်ဆောင်ရွက်နေတဲ့ နေကြာသီးနှံနဲ့ ဝါသီးနှံများ စိုက်ပျိုးထုတ်လုပ်မှု တိုးတက်စေရေးအတွက် အရေးကြီးတဲ့ကဏ္ဍမှပါဝင်တဲ့ သီးနှံမျိုးကောင်း၊မျိုးသန့်၊မျိုးစေ့များကို တောင်သူများလွယ်ကူစွာ စိုက်ပျိုးရာသီအမှီ စိုက်ပျိုးသွားနိုင်ရန်အတွက် တိုင်းဒေသကြီး အစိုးရအဖွဲ့အနေနဲ့ ယခုလိုနေကြာသီးနှံနဲ့ ချည်မျှင်ရှည်ဝါ မျိုးကောင်း၊မျိုးသန့်၊မျိုးစေ့များကို ထောက်ပံ့ပေးအပ်ခြင်း ဖြစ်ပါကြောင်း၊ တောင်သူများအနေနဲ့ကလည်း သီးနှံအလိုက် မျိုးကောင်း၊မျိုးသန့်များ သုံးစွဲစိုက်ပျိုးခြင်း၊ စိုက်ပျိုးရေးဆိုင်ရာ အလေ့အကျင့်ကောင်းများကို လိုက်နာကျင့်သုံးစိုက်ပျိုးကြခြင်းဖြင့် သီးနှံများအထွက်နှုန်းနှင့် အရည်အသွေးတိုးတက်စေရေး ကြိုးစားဆောင်ရွက်ကြဖို့ တိုက်တွန်းလိုပါကြောင်း ပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူး ဦးဝင်းလိူင်ဦးက နေကြာသီးနှံ၊ မိုးကြိုဝါမျိုးစေ့များ ပေးအပ်ပွဲနှင့် နေကြာစိုက်ပျိုးမှုထုတ်လုပ်မှု ပြပွဲပြုလုပ်ရခြင်းနှင့် ပတ်သက်၍ ရှင်းလင်းတင်ပြသည်။ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ဆင်းရွှေကြာ(၂)နှင့် ရေဆင်း(၁)စပ်မျိုးနေကြာနှင့် မိုးကြိုချည်မျှင်ရှည်ဝါ မျိုးစေ့ထုတ်များအား လည်းကောင်း၊ တိုင်းဒေသကြီး လူမူရေးရာဝန်ကြီး ဦးအေးလိူင်၊ တိုင်းဒေသကြီး အစိုးရအဖွဲ့ ညွှန်ကြားရေးမှူး ဦးကျော်စိန်နှင့် တိုင်းဒေသကြီး စိုက်ပျိုးရေးကြီးကြပ်ရေးအဖွဲ့ဝင်များမှ ယူရီးယားမြေသြဇာနှင့် ဂျစ်ပဆန်မြေသြဇာများအား ဒေသခံတောင်သူများထံ အသီးသီးပေးအပ်ကာ အခမ်းအနားကို ရုပ်သိမ်းခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက နေကြာစိုက်ပျိုးမှုထုတ်လုပ်မှု ပြခန်းများနှင့် သရုပ်ပြသနေမှုများအား လိုက်လံကြည့်ရှု အားပေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယနေ့ကျင်းပပြုလုပ်သည့် အခမ်းအနားတွင် မုံရွာခရိုင်နှင့် ယင်းမာပင်ခရိုင်တို့မှ ဒေသခံတောင်သူများအား ဆင်းရွှေကြာ(၂) ဧက-၁၀၀၊ ရေဆင်း(၁)စပ်မျိုး ဧက-၁၀၀အတွက် နေကြာမျိုးစေ့များနှင့် ချည်မျှင်ရှည်ဝါ ဧက-၁၀၀ အတွက် မျိုးစေ့ထုတ်နှင့် သွင်းအားစုများဖြစ်သည့် ယူရီးယားနှင့် ဂျစ်ပဆမ်တို့အား အခမဲ့ ထောက်ပံ့ပေးအပ်ခဲ့ကြောင်းသတင်းရရှိသည်။

 

မုံရွာ ဧပြီ ၆
စစ်ကိုင်းတိုင်းဒေသကြီး၊ ခန္တီးခရိုင်၊ ခန္တီးမြို့၊ ရေပေးဝေရေးလုပ်ငန်းသစ် ဖွင့်ပွဲအခမ်းအနားကို ဧပြီလ(၅)ရက်နေ့ နံနက်ပိုင်းတွင် အဆိုပါရေပေးဝေရေး ရေစုကန်တွင် ကျင်းပရာ အခမ်းအနားသို့ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ် ဦးဇော်ထူး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဒေသခံတိုင်းရင်းသားများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးတစ်ခုလုံး ဖွံ့ဖြိုးတိုးတက်ရေးအတွက် မူဝါဒများချမှတ်၍ လမ်း၊ တံတား၊ ရေပေးဝေရေးစသည့် ဒေသဖွံ့ဖြိုးရေးလုပ်ငန်းများကို အကောင်အထည်ဖော် ဆောင်ရွက်လျက်ရှိပါကြောင်း၊ ယနေ့ဖွင့်လှစ်တဲ့ ခန္တီးမြို့ ရေပေးဝေရေးလုပ်ငန်းဟာလည်း ခန္တီးမြိုက နေလူထု သောက်သုံးရေဖူလုံစွာ ပေးဝေနိုင်မည့်ဒေသဖွံ့ဖြိုးရေး လုပ်ငန်းတစ်ခုဖြစ်ပါကြောင်း၊ ယခုလို ရေပေးဝေရေးလုပ်ငန်းအား အောင်မြင်စွာ ဆောင်ရွက်ပေးနိုင်ခဲ့အတွက် ခန္တီးမြို့ပေါ် အဓိကရပ်ကွက် (၂)ခုကို ရေလုံလောက်စွာ ဖြန်ဝေပေးနိုင်တော့မှာဖြစ်ပြီး ခန္တီးမြို့ လူထုတစ်ရပ်လုံး အကျိုးများစွာရှိသည့်အပြင် ဒေသတွင်းကျန်းမာရေး၊ ပညာရေး၊ စီးပွားရေး၊ လူမူရေး၊ ကိစ္စရပ်တွေမှာလည်း ဟန်ချက်ညီညီ ဖွံ့ဖြိုးတိုးတက်လာမှာ ဖြစ်ကြောင်းနှင့် မြို့ရေပေးဝေ ရေးလုပ်ငန်းအားလည်း ရေရှည်တည်တံ့ ကောင်းမွန်အောင် ဝိုင်းဝန်းဆောင်ရွက်ပေးကြရန် လိုအပ်ပါကြောင်း ပြောကြားခဲ့သည်။ ဆက်လက်၍ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က ခန္တီးမြို့၊ ရေပေးဝေရေးလုပ်ငန်းသစ် ဆောင်ရွက်ခဲ့သည့် လုပ်ငန်းများနှင် ပတ်သက်၍ ရှင်းလင်းတင်ပြပြီး  ခန္တီးမြို့၊ ဒေသခံတိုင်းရင်းသားများကိုယ်စား မြို့မိမြို့ဖတစ်ဦးက ကျေးဇူးတင်စကား ပြန်လည်ပြောကြားသည်။

ယင်းနာက် တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်၊ ခန္တီးခရိုင် စီမံအုပ်ချုပ်ရေးအဖွဲ့ ဥက္ကဌ ဦးအောင်စိုးမိုး တို့ကခန္တီးမြို့ ရေပေးဝေရေးလုပ်ငန်းသစ်အား ဖဲကြိုဖြတ်ဖွင့်လှစ်ပေးကြပြီး တာဝန်ရှိသူများအတူ စုပေါင်း မှတ်တမ်းတင် ဓာတ်ပုံရိုက်ကူးကာ တိုင်းရင်းသားရိုးရာ အကအဖွဲ့များအား ဂုဏ်ပြုဆုငွေများ ပေးအပ်ချီးမြင့်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဂါလံ(၁၅၀၀၀၀)ဆံ့ ရေလှောင်ကန်၊ 390 Watt Solar 420 Nos Array နှင့် Electrical Pump House ၊ ဂါလံ(၅၀၀၀၀)ဆံ့ ရေစုကန်တို့အား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ခန္တီးမြို့ပေါ် သို့ ရပ်ကွက်များရှိအိမ်များတွင်  ၆ လက်မအချင်း ရေပိုက်လိုင်းများဖြင့် သောက်သုံးရေရောက်ရှိမှုတို့အား လိုက်လံကြည့်ရှု စစ်ဆေးခဲ့ကြောင်း သိရသည်။

ယနေ့ဖွင့်လှစ်သည့် ခန္တီးမြို့ ရေပေးဝေရေးလုပ်ငန်းကို ၂၀၂၁-၂၀၂၂ (၆)လ ဘဏ္ဍာ ရေးနှစ်တွင် တိုင်းဒေသကြီးစည်ပင်သာယာရေးအဖွဲ့ ရန်ပုံငွေကျပ် (၁၈၈.၄)သန်းဖြင့် ဂါလံ (၅၀၀၀၀)ဆံ့ ကျောက်စီရေတားတမံ တည်ဆောက်ကာ ဂါလံ(၁.၅)သိန်းဆံ့ရေကန်မှ မြို့ဝင် ဆိုင်းဘုတ်အထိ ၆ လက်မအချင်း ပိုက်လိုင်းသွယ်တန်းပြီး ဆိုလာစနစ်ဖြင့် ဆောင်ရွက်ပြီး လုပ်ငန်း(၁၁)ခုဖြင့် အကောင်အထည်ဖော် ဆောင်ရွက်ခဲ့ကြောင်း သိရသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ခန္တီးမြို့၊ ခရိုင်/မြို့နယ် ဥပဒေရုံးအဆောက်အဦသစ် ဖွင့်ပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ်က အမှာစကားပြောကြားပြီး ခန္တှီးမြို့နယ် ဥပဒေအရာရှိမှ ရုံးအဆောက်အဦသစ်များ ဆောက်လုပ်ခြင်းလုပ်ငန်းများနှင့် ပတ်သက်၍ ရှင်းလင်းတင်ပြသည်။ ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ် ဦးဇော်ထူး၊ တိုင်းဒေသကြီး ဥပဒေချုပ် ဒေါ်လှလှဝင်း၊ တိုင်းဒေသကြီး ဥပဒေအရာရှိနှင့် ခန္တီးခရိုင် စီမံအုပ်ချုပ်ရေးအဖွဲ့ ဥက္ကဌတို့က ရုံးအဆောက်အဦသစ်အား ဖဲကြိုးဖြတ်ဖွင့်လှစ်ပေးကာ တာဝန်ရှိသူများအတူ စုပေါင်းမှတ်တမ်းတင် ဓာတ်ပုံရိုက်ကူးကာ ရုံးဆိုင်းဘုတ်အား အမွှေးနံ့သာရေများ ပတ်ဖျန်းပေးကြပြီး ရုံးအဆောက်အဦသစ်အတွင်း လိုက်လံကြည့်ရှု စစ်ဆေးခဲ့ကြသည်။

အဆိုပါ ခန္တီးခရိုင်/မြို့နယ် ဥပဒေရုံးအဆောက်အဦအား ခန္တီးမြို့၊ ဇီးဖြူကုန်းရပ်ကွက်တွင် တည်ဆောက်ပြီး အလျား(၉၆-ပေ)၊ အနံ(၃၆-ပေ) RC တစ်ထပ်အမျိုးအစားဖြစ်ပြီး ငွေလုံး ငွေရင်း ခွင့်ပြုရန်ပုံငွေကျပ် (၁၀၅)သန်းဖြင့် ဆောင်ရွက်ခဲ့ကြောင်း သိရသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန္တီးမြို့နယ်၊ သာယာကုန်းကျေးရွာနှင့်အနီးဝန်းကျင်ရှိ ကျေးရွာများမှ ဒေသခံပြည်သူများအား ရင်းရင်းနှီးနှီးတွေ့ဆုံ နှုတ်ဆက်စကား ပြောကြားကာ ကိုဗစ်-၁၉ ရောဂါ ကာကွယ် ဆေးထိုးနှံပေးနေမှုနှင့် ခန္တီးမြို့၊ အမှတ် (၁)အခြေခံပညာ အထက်တန်းကျောင်းတွင် ဒေသခံကျောင်း၊ ကျောင်းသူများ တည်ငြိမ် အေးချမ်းစွာ   တက္ကသိုလ်ဝင်တန်း စာမေးပွဲဖြေဆိုနေမှုအား လိုက်လံကြည့်ရှုအားပေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ယမန်နေ့တွင် နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ အစိုးရနည်းပညာ အထက်တန်းကျောင်း ဆောက် လုပ်ရေးစီမံကိန်းသို့ ရောက်ရှိရာ အဆောက်အဦအထူးအဖွဲ့(၆)မှ တာဝန်ခံအင်ဂျင်နီယာမှ ပင်မေ ကျာင်းဆောင်အဆောက်အဦ တည်ဆောက်နေမှုများအား လိုက်လံရှင်းလင်းတင်ပြရာ တိုင်းဒေသကြီးဝန်ကြီးချုပ် ဦးမြတ်ကျော်က တည်ဆောက်ရေးလုပ်ငန်းများ အချိန်မီပြီးစီးရေး၊ စံချိန် စံညွှန်းမီ အရည်အသွေးကောင်းမွန်ရေး၊ လုပ်ငန်းခွင်အန္တရာယ် ကင်းရှင်းရေးတို့အား မှာကြားခဲ့သည်။

ဆက်လက်ပြီး  တိုင်းဒေသကြီး ဝန်ကြီးချုပ်နှင့် တာဝန်ရှိသူများက လဟယ်မြို့၊ အစိုးရနည်းပညာအထက်တန်းကျောင်း အလုပ်ရုံ(အလျား-၁၂၅ ပေ၊ အနံ- ၈၂ ပေ) Steel Structure (၁)ထပ် အဆောက်အဦ တည်ဆောက်နေမှုနှင့် (၄)ခန်းတွဲ၊ (၄)ထပ် ဝန်ထမ်းအိမ်ရာများ ဆောက်လုပ်နေမှုတို့အား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။    

 

 

 

သတင်း အချက်အလက်