မုံရွာ ၊ ဖေဖော်ဝါရီ ၇

စစ်ကိုင်းတိုင်းဒေသကြီး ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲနှင့် အခြေခံပညာစာမေးပွဲများဖြေဆိုရေး ညှိနှိုင်းအစည်းအဝေးကို ဖေဖော်ဝါရီလ ၇ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်အဆင့် ဌာန ဆိုင်ရာများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တက္ကသိုလ်ဝင်စာမေးပွဲ (Grade 12)စာမေးပွဲအား တိုင်းဒေသကြီးအတွင်းရှိ မြို့နယ်(၂၅)မြို့နယ်၊ စာစစ်ဌာန(၃၈)ခုဖြင့် ကျင်းပ ဆောင်ရွက်သွားမည်ဖြစ်ပြီး မေးခွန်းများအချိန်မီ ရောက်ရှိရေးအား တာဝန်ရှိသူများမှ အလေးထားဆောင်ရွက်သွားကြရန် လိုအပ်ပါကြောင်း၊ အခြေခံပညာကျောင်း စာမေးပွဲများနှင့် တက္ကသိုလ်ဝင်စာမေးပွဲများ ကျင်းပစဉ်ကာလတွင် အခြေခံပညာကျောင်းများမှ ဆရာ၊ဆရာမများ နှင့်ဌာနဆိုင်ရာများအားလုံး ညီညီညွတ်ညွတ် ပူးပေါင်းဆောင်ရွက်သွားရန် လိုအပ်ပါကြောင်း၊ ကျောင်းတွင်းစစ်စာမေးပွဲများ၊(Grade 5)၊ (Grade 9)နှင့် တက္ကသိုလ်ဝင်စာမေးပွဲ (Grade 12)များ အောင်မြင်စွာကျင်းပပြုလုပ်နိုင်ရေးအတွက် တာဝန်ရှိသူအားလုံးမှ ဝိုင်းဝန်းကြိုးပမ်းဆောင်ရွက် သွားကြရန် လိုအပ်ပါကြောင်း ပြောကြားသည်။

ဆက်လက်ပြီး တိုင်းဒေသကြီး ပညာရေးမှူး ဦးတင်လိူင်က ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲနှင့် အခြေခံပညာစာမေးပွဲများ ဖြေဆိုရေးလုပ်ငန်းများ ဆောင်ရွက်ထား ရှိမှုများအား Power Point ဖြင့် ရှင်းလင်းတင်ပြသည်။

ထို့နောက် အစည်းအဝေးသို့ တက်ရောက်လာသူများနှင့် တိုင်းဒေသကြီး အစိုးရအဖွဲ့ဝင်များနှင့်၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲနှင့် အခြေခံပညာစာမေးပွဲများ ဖြေဆို ရေးလုပ်ငန်းများနှင့် ပတ်သက်၍ ဖြည့်စွက်အကြံပြု ဆွေးနွေးတင်ပြကြသည်။

ဆက်လက်၍ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ ၊ ဖေဖော်ဝါရီ ၇

စစ်ကိုင်းတိုင်းဒေသကြီးအတွင်း အဓိကသီးနှံများ ပန်းတိုင်အထွက်နှုန်းရရှိရေးနှင့် ဟင်း သီးဟင်းရွက်များ စဉ်ဆက်မပြတ်စိုက်ပျိုးရေး ဆွေးနွေးပွဲနှင့်ပြပွဲအခမ်းအနားကို ဖေဖော်ဝါရီလ ၇ ရက်၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး စိုက်ပျိုးရေးဦးစီးဌာနရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် ဒေသခံတောင်သူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လယ်ယာစိုက်ပျိုးရေးကဏ္ဍ အနေဖြင့် စစ်ကိုင်းတိုင်းဒေသကြီးသည် သီးနှံမျိုးစုံစိုက်ပျိုးထုတ်လုပ်နေသည့် တိုင်းဒေသကြီး တစ်ခုဖြစ်ပြီး နှစ်စဉ်မိုးစပါးဧက(၁၈)သိန်းကျော် နွေစပါးဧက(၂)သိန်းကျော် စုစုပေါင်းသိန်း (၂၀) ကျော်အား ပုံမှန်အားဖြင့်စိုက်ပျိုးနိုင်ခဲ့သည့် တိုင်းဒေသကြီးတစ်ခု ဖြစ်ပါကြောင်း၊ သီးနှံပေါင်းစုံ စိုက်ပျိုးနေသည့်တိုင်းဒေသကြီး၏ စိုက်ပျိုးစွမ်းအားမြှင့်တင်နိုင်ရေးအတွက် စိုက်ပျိုးသီးနှံများ၏ စိုက်ပျိုး မြေဧရိယာ အသုံးချမှုတိုးတက်ရေး၊ တစ်ဧကထုတ်လုပ်မှု စွမ်းအားတိုးတက်ရေးနှင့် တောင်သ များဝင်ငွေတိုးတက်ရေးအတွက် ဆောင်ရွက်ရာတွင် စိုက်ပျိုးနေသည့်သီးနှံအလိုက် ပန်းတိုင် အထွက်နှုန်းရရှိရေး တာဝန်ရှိသူအားလုံးမှ ဝိုင်းဝန်းကြိုးပမ်း ဆောင်ရွက်သွားကြရမှာ ဖြစ်ပါကြောင်း၊ တိုင်းဒေသကြီးအတွင်း အဓိကသီးနှံများ ပန်းတိုင်အထွက်နှုန်းရရှိရေးနှင့် ဟင်းသီးဟင်း ရွက်များ စဉ်ဆက်မပြတ်စိုက်ပျိုးရေးအတွက် ရည်မှန်းဆောင်ရွက်ရာတွင် စိုက်ပျိုးရေး ဦးစီးဌာန အနေဖြင့် နည်းပညာပေးလုပ်ငန်းများ ဆောင်ရွက်ပေးနေသကဲ့သို့ မိမိတို့တိုင်းဒေ သကြီးအစိုးရ အဖွဲ့အနေဖြင့်လည်း လုံလောက်သည့်ရေနှင့်သွင်းအားစုများကို ဖြည့်ဆည်းပေးကာ လက်မှုလယ် ယာမှ စက်မှုလယ်ယာစနစ် ပြောင်းလဲရေးကိုစသည့် ကဏ္ဍများကိုလည်း အားပေးဆောင်ရွက်လျက် ရှိပါကြောင်း၊ သီးနှံ
များပန်းတိုင်အထွက်နှုန်းပြည့်မီ၍ တိုင်းဒေသကြီး၏ စိုက်ပျိုးစွမ်းအားမြှင့်တင်နိုင်ရေး တာဝန် ရှိသူများအနေဖြင့် ဝိုင်းဝန်းပူးပေါင်းဆောင်ရွက်သွားကြရန် ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး နှင့်တိုင်းဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှူး ဦးဝင်းလှိုင်ဦးတို့က တိုင်းဒေသကြီး အတွင်း အဓိကသီးနှံများ ပန်းတိုင်အထွက်နှုန်းရရှိရေးနှင့်ဟင်းသီးဟင်းရွက်များ စဉ်ဆက်မပြတ် စိုက်ပျိုးရေးလုပ်ငန်းများနှင့် ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက အဓိကသီးနှံများ ပန်းတိုင် အထွက်နှုန်းရရှိရေးနှင့် ဟင်းသီးဟင်းရွက်များ စဉ်ဆက်မပြတ်စိုက်ပျိုးရေးလုပ်ငန်းများ ဆောင် ရွက်ထားရှိမှုများနှင့် ဆက်လက်ဆောင်ရွက်မည့် လုပ်ငန်းအခြေအနေများအား ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဓိကသီးနှံများ ပန်းတိုင် အထွက်နှုန်းရရှိရေးနှင့် ဟင်းသီးဟင်းရွက်များ စဉ်ဆက်မပြတ်စိုက်ပျိုးရေး၊ သဘာဝမြေသြ ဇာနှင့် သဘာဝပိုးပြေးဆေး ပြုလုပ်နည်း၊ မြေလွှာမဲ့စိုက်ပျိုးနည်းစနစ် (Hydroponic)၊ ပျိုးဥယျာဉ် (Nursery Farm)၊ ဟင်းသီးဟင်းရွက်၊ သစ်သီးဝလံနှင့် စားဖိုဆောင်သီးနှံများ စိုက်ပျိုးထားရှိမှုများ ခင်းကျင်းပြသထားရှိမှုများနှင့် ဝန်ထမ်းများသက် သာချောင်ချိရေးအတွက် ဒေသကြက်မွေးမြူထားရှိမှုများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ ၊ ဖေဖော်ဝါရီ ၆

စစ်ကိုင်းတိုင်းဒေသကြီးအတွင်း အသား၊ဥနှင့်နို့တိုးမြှင့်ထုတ်လုပ်ရေး ညှိနှိုင်းအစည်းအဝေးကို ဖေဖော်ဝါရီလ ၆ ရက်နေ့၊ မွန်းလွဲပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေး ခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌတို့တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ ဟုမ္မလင်းခရိုင် စီမံအုပ်ချုပ် ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အတွင်းရှိ ကျေးလက်နေပြည်သူအများစု၏ အသက်မွေးဝမ်းကျောင်းလုပ်ငန်းသည် စိုက်ပျိုးရေးနှင့် မွေးမြူရေးလုပ်ငန်းများဖြစ်သဖြင့် စိုက်ပျိုးမွေးမြူရေးအား အခြေခံသည့် ကုန်ထုတ်လုပ်မှုကို အားပေး မြှင့်တင်ဆောင်ရွက်ခြင်းဖြင့် ကျေးလက်နေပြည်သူများ၏ လူမှုစီးပွားဘဝများ ဖွံ့ဖြိုးတိုးတက် လာမည်ဖြစ်ပါကြောင်း၊ နိုင်ငံတော်၏ ပြည်တွင်းအသားတင်ထုတ်လုပ်မှုနှင့် ဝန်ဆောင်မှုတန်ဖိုး (GDP)တွင်လည်း စစ်ကိုင်းတိုင်းဒေသကြီးသည် လယ်ယာသားငါးကဏ္ဍအနေဖြင့် ၃၂ ရာခိုင်နှုန်း ပါဝင်လျက်ရှိသည့်အတွက် စစ်ကိုင်းတိုင်းဒေသကြီး၏ စိုက်ပျိုးရေးနှင့် မွေးမြူရေးကဏ္ဍများသည် အလွန်အရေးပါတာကို တွေ့ရှိရမှာဖြစ်ပါကြောင်း၊ တိုင်းဒေသကြီးအတွင်းရှိ မွေးမြူရေးတိရစ္ဆာန်ကောင်ရေများ တိုးပွားစေရန်နှင့် အသား ထုတ်လုပ်မှုတိုးတက်စေရန်အတွက်ဆောင်ရွက်သွားကြရန်လိုအပ်ပြီး မွေးမြူရေး ကဏ္ဍကိုအခြေ ခံသည့် ကုန်ထုတ်လုပ်ငန်းများ ဖွံ့ဖြိုးတိုးတက်ရေးအတွက် ဆက်စပ်ဌာနများ၊ ပုဂ္ဂလိကလုပ်ငန်း ရှင်များ၊ တောင်သူများနှင့်လုပ်ငန်းစဉ် ကွင်းဆက်တစ်လျှောက်အား ပါဝင်သူများအားလုံး ပူးပေါင်း၍ သမားရိုးကျထုတ်လုပ်မှုမှ စံချိန်စံညွှန်းပြည့်မီသည့် အရည်အသွေးကောင်း ထုတ်ကုန် များ ထုတ်လုပ်နိုင်ရေးနှင့် ရေရှည်တည်တံ့သော စီးပွားဖြစ်မွေးမြူရေးလုပ်ငန်းများ ပေါ်ထွန်းလာ စေရေးတို့အတွက် တာဝန်ရှိသူများအားလုံးမှ ပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီးအဆင့် ဌာနဆိုင်ရာများမှ တိုင်းဒေသကြီးအတွင်းရှိ ခရိုင်/မြို့ နယ်များအတွင်း မိမိတို့ဌာနများအလိုက် အသား၊ဥနှင့် နို့တိုးမြှင့်ထုတ်လုပ်ရေး လုပ်ငန်းအခြေ အနေများနှင့် ဆက်လက်ဆောင်ရွက်သွားမည့် လုပ်ငန်းများအား Power Point ဖြင့် အသီးသီး ရှင်းလင်းဆွေးနွေး တင်ပြကြပြီး မွေးမြူရေးလုပ်ငန်းရှင်များမှ မိမိတို့လုပ်ကိုင်ဆောင်ရွက်နေ သည့် လုပ်ငန်းများနှင့် ပတ်သက်၍ ဆွေးနွေးတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌ နှင့် ကလေးခရိုင်၊ ခန္တီးခရိုင်များ၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ တွင် အသား၊ဥနှင့်နို့တိုးမြှင့်ထုတ်လုပ်ရေး လုပ်ငန်းများဆောင်ရွက်နေမှု အခြေအနေများအား လည်းကောင်း၊ မုံရွာခရိုင်စီမံအုပ်ချုပ်ရေး အဖွဲ့ဥက္ကဋ္ဌက မြို့နယ်များ၏ အသား၊ဥနှင့်နို့တိုးမြှင့် ထုတ်လုပ်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ Power Point ဖြင့် အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များက တိုင်းဒေသကြီးအတွင်း အသား၊ဥနှင့်နို့ တိုးမြှင့်ထုတ်လုပ်ရေး လုပ်ငန်းများနှင့်ပတ်သက် ၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက်ရောက် လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

20240207 01

20240207 01

20240207 01

20240207 01

မုံရွာ ၊ ဖေဖော်ဝါရီ ၅

စစ်ကိုင်းတိုင်းဒေသကြီး ပတ်ဝန်းကျင်ထိန်းသိမ်းရေးစွမ်းဆောင်ရည်မြှင့်တင်ခြင်း သင်တန်း အမှတ်စဉ်(၁/၂၀၂၄)ဖွင့်ပွဲအခမ်းအနားကို ဖေဖော်ဝါရီလ ၅ ရက်နေ့ နံနက်ပိုင်းတွင် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနရုံးရှိ သင်တန်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းသား၊သင်တန်းသူများနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီချုပ် ဦးမြတ်ကျော်က ပတ်ဝန်းကျင်ဆိုင်ရာ ပြဿနာ အမျိုးမျိုးအား ကမ္ဘာတစ်ဝန်းတွင် ရင်ဆိုင်ကြုံတွေ့လျက်ရှိပြီး ပတ်ဝန်းကျင်ဆိုင်ရာ ပြဿနာ အရပ်ရပ်သည် လူသားတို့၏ လုပ်ဆောင်ချက်များအပေါ် မြစ်ဖျားခံလျက်ရှိပါကြောင်း၊ လူသားတို့ ၏လိုအပ်ချက်အမျိုးမျိုးအတွက် သဘာဝသယံဇာတများကို မဆင်မခြင်ထုတ်ယူသုံးစွဲလာခဲ့ သည့်အတွက် သဘာဝသယံဇာတ ပစ္စည်းများသည် တဖြည်းဖြည်းလျော့ပါးလာခဲ့ပါကြောင်း၊ ပတ်ဝန်းကျင်ယိုယွင်း ဆုတ်ယုတ်လာမှုသည် ယနေ့လူသားတို့ အတွက်သာမက နောင်အနာဂတ် မျိုးဆက်သစ်များအတွက်လည်း များစွာထိခိုက် စေပါ ကြောင်း၊ လူသားများအားလုံးအနေဖြင့် ပတ်ဝန်းကျင်ထိန်းသိမ်းရေး လုပ်ငန်းများအား အထူးဂရုပြု ဆောင်ရွက်ကြရန်လိုအပ်ပြီး ပတ်ဝန်း ကျင်ထိန်းသိမ်းရေးလုပ်ငန်းများသည် ကဏ္ဍပေါင်းစုံနှင့် ဆက်စပ်လျက်ရှိပါကြောင်း၊ တာဝန်ရှိသူများအနေဖြင့် တိုင်းဒေသကြီးအတွင်းရှိ ပြည်သူများအတွက် ဖွံ့ဖြိုးတိုးတက် ရေးလုပ်ငန်းများ ဆောင်ရွက်နေသကဲ့သို့ တစ်ဖက်မှလည်း ပတ်ဝန်းကျင်ပျက်စီးမှုလျော့နည်း စေရန်အတွက် ဂရုပြုဆောင်ရွက်သွားကြရမှာ ဖြစ်ပါကြောင်း၊ သင်တန်းသား/ သင်တန်းသူများ အနေဖြင့် ပတ်ဝန်းကျင်ဆိုင်ရာအသိပညာများအား ပြန်လည်ဖြန့်ဝေပေးနိုင်ပြီး ပတ်ဝန်းကျင် ထိန်းသိမ်းရေးကိစ္စများတွင် စွမ်းစွမ်းတမံကြိုးစားဆောင်ရွက်နိုင်သည့် လူငယ်ခေါင်းဆောင်များ ဝန်ထမ်းကောင်းများဖြစ်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း တိုက်တွန်း ပြောကြားခဲ့သည်။

ယင်းနောက် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနမှ ညွှန်ကြားရေးမှူးမှ ပတ်ဝန်းကျင်ထိန်းသိမ်းရေး စွမ်းဆောင်ရည်မြှင့်တင်ခြင်းသင်တန်း ဖွင့်လှစ်ရခြင်းနှင့် ပတ်သက် ၍ ရှင်းလင်းပြောကြားပြီး ဖွင့်ပွဲအခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား၊သင် တန်းသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် မြေ၊ ရေ၊ လေ ညစ်ညမ်းမှု များအားစစ်ဆေးသည့် စက်ကိရိယာများ ခင်းကျင်းပြသထားရှိမှုများအား လိုက်လံကြည့်ရှုစစ် ဆေးခဲ့ကြပြီး လိုအပ်သည်များကို တာဝနှ်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ ပတ်ဝန်းကျင်ထိန်းသိမ်းရေး စွမ်းဆောင်ရည်မြှင့်တင်ခြင်းသင်တန်းအား ရက် သတ္တပတ် ၄ ပတ်ကြာ စာတွေ့၊လက်တွေ့ ဖွင့်လှစ်သင်ကြားပေးသွားမည်ဖြစ်ပြီး သင်တန်းသား၊ သင်တန်းသူ (၂၀)ဦး တက်ရောက်သွားမည်ဖြစ်ကြောင်း သိရသည်။

20240206 06

20240206 06

20240206 06

20240206 06

20240206 06

20240206 06

မုံရွာ ၊ ဖေဖော်ဝါရီ ၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် ဖေဖော်ဝါရီလ ၅ ရက်နေ့၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး မီးသတ်ဦးစီးဌာနရုံးသို့ရောက်ရှိရာ တိုင်းဒေသကြီး မီးသတ်ဦးစီးမှူးမှ တိုင်းဒေသကြီးအတွင်း မီးလောင်မှုဖြစ်ပွားမှု၊ ရှာဖွေကယ်ဆယ်ရေးလုပ်ငန်းများဆောင်ရွက်မှု၊ မီးငြိမ်းသတ်ယာဉ်များဝယ်ယူထားရှိမှု၊ ရှာဖွေ ကယ်ဆယ်ရေးမော်တော်ယာဉ်နှင့် ဆက်စပ်ပစ္စည်းများဖြည့်တင်းထားရှိမှု၊ ဝန်ထမ်းများသက်သာ ချောင်ချိရေးအတွက် စားဖိုဆောင်သီးနှံများ စိုက်ပျိုးထားရှိမှုများအား Power Point ဖြင့် ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မီးဘေးအန္တရာယ် နှင့် သဘာဝဘေးအန္တရာယ်များတွင် အသုံးပြုနိုင်ရန်အတွက် မီးငြိမ်းသတ်ရေးစက်ကိရိယာများ၊ ရှာဖွေကယ်ဆယ်ရေးပစ္စည်းများ၊ မီးငြိမ်းသတ်ရေးမော်တော်ယာဉ်များ၊ ရှာဖွေကယ်ဆယ်ရေး မော်တော်ယာဉ်များအား လိုက်လံကြည့်ရှုစစ်ဆေးကာ အဆိုပါရုံးဝန်းအတွင်း ဝန်ထမ်းများသက် သာချောင်ချိရေးအတွက် စိုက်ပျိုးထားရှိသည့် စားဖိုဆောင်သီးနှံများ အောင်မြင်ဖြစ်ထွန်းနေမှုများအား လိုက်လံကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အပူပိုင်းဒေသစိမ်းလန်းစိုပြည်ရေးဦးစီးဌာနရုံးဝန်းအတွင်းရှိ မြို့မတိုးချဲ့ပျိုးဥယျာဉ်-၁ တွင် ၂၀၂၄-ခုနှစ်၊ မိုးရာသီ၌ ခရိုင်/မြို့နယ်များတွင် ဌာနအစီအစဉ်ဖြင့် စိုက်ပျိုးရန်နှင့် ပြည်သူများသို့ ဖြန့်ဝေပေးသွားမည့် ပျိုးပင်များပျိုးထောင်ထားရှိမှုနှင့် ပျိုးထောင်နေမှုများအား လိုက်လံ ကြည့်ရှု စစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ ကြောင်း သိရသည်။

20240206 01

20240206 01

20240206 01

20240206 01

မုံရွာ ၊ ဖေဖော်ဝါရီ ၃

မုံရွာမြို့နေပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ ရပ်ကွက် အတွင်းရှိလမ်းများ သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်း လင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေးတို့ အတွက် ဖေဖော်ဝါရီလ ၃ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ မြို့သစ် ရပ်ကွက်၊ စိန်ပန်းဝါလမ်းဘေးဝဲ/ယာအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် လူမူရေး အသင်းအဖွဲ့များနှင့် ရပ်ကွက်နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး ရပ်ကွက်နေပြည်သူများအား ရင်းရင်းနှီးနှီးနှုတ်ဆက်ကာ စုပေါင်းသန့်ရှင်း ရေးလုပ်ငန်းများ ဆောင်ရွက်နေကြသူများအား စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၆ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၇၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ လယ်တီ ရပ်ကွက်၊ မြို့နယ်စည်ပင်သာယာရေးအဖွဲ့ ဝန်ထမ်းအိမ်ရာတွင် စိုက်ပျိုးထားရှိသည့် ဝန်ထမ်းများ သက်သာချောင်ချိပြီး သန့်ရှင်းလတ်ဆတ်သည့် ဟင်းသီးဟင်းရွက်များ စားသုံးနိုင်ရန်ရည်ရွယ်၍ စိုက်ပျိုးထားသည့် စားဖိုဆောင်သီးနှံစိုက်ခင်းသို့ ရောက်ရှိကြရာ တာဝန်ရှိသူများမှ စိုက်ခင်း အတွင်း စိုက်ပျိုးထားရှိမှုများအား လိုက်လံရှင်းလင်းပြသကြရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ပြည်ထောင်စုဈေးကြီးတွင် ကုန်စိမ်းပွဲရုံ တည်ဆောက်မည့်မြေနေရာ ရှင်းလင်းနေမှုအား ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဝန်ထမ်းများငါးစားသုံးမှု အဆင်ပြေစေရေးအတွက် မုံရွာမြို့၊ ကွေ့ကြီးရပ်ကွက်ရှိ မြေဧက (၄၄.၅၉) ဧက အကျယ်တွင် ကန် ၁၆ ကန်အတွင်း သားပေါက်ပြုစုခြင်း ၁၀ သိန်းကောင်ရေနှင့် အသားတိုးမွေးမြူခြင်း ၂ သိန်း ကောင်ရေ မွေးမြူရေးကန်များသို့ ရောက်ရှိရာ တာဝန်ရှိသူများမှ ကန်များအတွင်း ငါးများမွေးမြူ ထားရှိမှုနှင့် ဝန်ထမ်းများအားရောင်းချပေးနေမှု အခြေအနေများအား ရှင်းလင်းတင်ပြရာ တိုင်းဒေ သကြီး ဝန်ကြီးချုပ်က ရှင်းလင်တင်ပြမှုများအပေါ် လိုအပ်သည်များကို တာဝနှ်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ငါးမွေးကန်များအား ကြည့်ရှုစစ်ဆေးခဲ့ကြောင်း သိရသည်။

20240205 08

20240205 08

20240205 08

20240205 08

20240205 08

သတင်း အချက်အလက်