စစ်ကိုင်းတိုင်းဒေသကြီးအဆင့် ဝက်သက်၊ဂျိုက်သိုးရောဂါကာကွယ်ဆေး ထပ် ဆောင်းထိုးနှံခြင်းလုပ်ငန်း စတင်ဆောင်ရွက်ခြင်းနှင့် အသိပေးဆွေးနွေးပွဲ အထိမ်းအမှတ် အခမ်းအနားကို နိုဝင်ဘာလ ၉ ရက်၊ နံနက်ပိုင်းတွင် မုံရွာမြို့၊ ချင်းတွင်းခန်းမတွင် ကျင်းပ ပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးကိုလေးနှင့်ဇနီး၊ တိုင်းဒေသကြီး လွှတ်တော် ဥက္ကဌ၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပြည်သူ့ကျန်း မာရေးဦးစီးဌာနမှ တိုင်းဒေသကြီးဦးစီးမှူးနှင့် ဝန်ထမ်းများ၊ မုံရွာမြို့ပေါ်ရှိ မူလတန်းကြို ကျောင်းများမှ ကျောင်းသား၊ကျောင်းသူများနှင့် မိဘများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးကိုလေးက မိမိတို့တိုင်းဒေသကြီးအတွင်းရှိ အသက်(၉)လမှ(၅၉)လအတွင်းရှိ ကလေးငယ်များအားလုံးကို ယခင်ကာကွယ်ဆေး ထိုး ဖူးသည်ဖြစ်စေ၊ မထိုးဖူးသည်ဖြစ်စေ သတ်မှတ်လမ်းညွှန်ချက်များနှင့်အညီ ကာကွယ် ဆေးထပ်ဆောင်းထိုးနှံပေးခြင်းဖြင့် ရောဂါကူးစက်ပြန့်ပွားမှုအား ထိရောက်စွာတားဆီး သွားကြရန် လိုအပ်ပါကြောင်း၊ မိမိတို့တိုင်းဒေသကြီးအနေဖြင့် ဝက်သက်-ဂျိုက်သိုး ရောဂါ ကာကွယ်ဆေး ထပ်ဆောင်းထိုးနှံခြင်းလုပ်ငန်းအား(၂၀၂၆)ခုနှစ်၊ နိုဝင်ဘာလ ဒုတိယ အပတ်တွင် ဆောင်ရွက်သွားမည် ဖြစ်ပါကြောင်း၊ လုပ်ငန်းစဉ်များ အဆင်ပြေချောမွေ့စွာ အကောင်အထည်ဖော်နိုင်ရေးအတွက် ကာကွယ်ဆေးမထိုးမီကာလတွင် မိဘပြည်သူများ ထံ ဆေးထိုးစုရပ်နှင့် အချိန်ဇယားများ မှန်ကန်စွာရောက်ရှိရေး၊ အဓိက သတင်းစကားများ အသိပေးနိုင်ရေးနှင့်ဆေးထိုးပြီးနောက် ကျန်ရှိကလေးများအား ပြန်လည်ရှာဖွေ၍ ထိုးနှံ
ပေးနိုင်ရေးအတွက်လည်း တာဝန်ရှိအားလုံးမှ ဝိုင်းဝန်းပူးပေါင်းဆောင်ရွက်သွားကြရန် လို အပ်ပါကြောင်း၊ တိုင်းဒေသကြီး ပြည်သူ့ကျန်းမာရေးဦးစီးဌာနမှ ရည်မှန်းထားသည့် အသက်(၉)လမှ(၅၉)လအထိ ကလေးငယ်များအားလုံးကို ကာကွယ်ဆေးထိုးနှံပေးနိုင်ရေး မိမိတို့တိုင်းဒေသကြီး အစိုးရအဖွဲ့အနေဖြင့် လိုအပ်သည့်ပံ့ပိုးကူညီမှုများ ပံ့ပိုးပေးသွားမည် ဖြစ်ပါကြောင်းနှင့် နှီးနွယ်ဌာနများ၊ မိတ်ဖက်အဖွဲ့အစည်းများ၊ ခရိုင်၊မြို့နယ်၊ ကျန်းမာရေး ဝန်ထမ်းများအားလုံးမှလည်း အားသွန်ခွန်စိုက် ပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားသည်။

ယင်းနောက် တိုင်းဒေသကြီး ပြည်သူ့ကျန်းမာရေးဦးစီးဌာနမှ တိုင်းဒေသကြီးဦးစီး မှူးက ဝက်သက်၊ဂျိုက်သိုးရောဂါကာကွယ်ဆေး ထပ်ဆောင်းထိုးနှံခြင်းလုပ်ငန်း စတင် ဆောင်ရွက်ခြင်းနှင့် အသိပေးဆွေးနွေးပွဲ အထိမ်းအမှတ်အခမ်းအနား ကျင်းပရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများ မှ “ဝက်သက်၊ဂျိုက်သိုးရောဂါ ကာကွယ်ဆေးထိုးကြစို့” အထိမ်းအမှတ် Video တေးသီ ချင်းအား ကြည့်ရှုအားပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး လွှတ်တော် ဥက္ကဌ၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများမှ အသက်(၉)လမှ(၅၉)လအတွင်းရှိ ကလေးငယ်များအား ဝက်သက်၊ဂျိုက်သိုး ရောဂါကာကွယ်ဆေး ထပ်ဆောင်းထိုးနှံပေးနေမှုများအား ကြည့်ရှုအားပေးကြပြီး တာဝန် ရှိသူများနှင့်အတူ ကလေးငယ်များအား အမှတ်တရ လက်ဆောင်ပစ္စည်းများ ပေးအပ်ခဲ့ ကြောင်း သိရသည်။

စစ်ကိုင်းတိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများသည် နိုဝင်ဘာလ ၇ ရက်၊ နံနက်ပိုင်းတွင် မုံရွာမြို့၊ ကုတင် ၅၀၀ ဆံ့၊ အထွေထွေရောဂါကု ပြည်သူ့ဆေးရုံကြီး၌ ဆေးကု သမှုခံယူနေကြသည့် မုံရွာမြို့နှင့်အနီးဝန်းကျင်ရှိ ကျေးရွာများမှ ဒေသခံပြည်သူများ စိတ်အေး ချမ်းသာစွာဖြင့် ဆေးကုသမှုခံယူနိုင်စေရန်အတွက် ခြင်များပေါက်ဖွားနိုင်သည့် သစ်ပင်ခြုံနွယ် များ၊ ပလပ်စတစ်အမှိုက်များနှင့် ဆေးရုံအဆောက်အဦ၊ လျှပ်စစ်မီးကြိုးများနှင့် မလွတ် ကင်းသည့် သစ်ပင်သစ်ကိုင်းများ ခုတ်ထွင်ရှင်းလင်းမှုများအား မုံရွာမြို့ပေါ်ရှိ တိုင်းဒေသ ကြီး/ခရိုင်/မြို့နယ်အဆင့် ဌာနဆိုင်ရာများမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီး သတ်တပ်ဖွဲ့ဝင်များ၊ စည်ပင်သာယာရေးအဖွဲ့များနှင့် ဆေးရုံဝန်ထမ်းများမှ စုပေါင်း၍ သန့် ရှင်းရေးလုပ်ငန်းများ ဆောင်ရွက်နေမှုများအား လိုက်လံကြည့်ရှုခဲ့ကြပြီး လိုအပ်သည်များ ကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် နှစ်ပေါင်း(၁၀၀)ကျော်သက်တမ်းရှိ မုံရွာမြို့၊ လယ်တီရပ်ကွက်ရှိ၊ မဟာလယ်တီကျောက်စာတိုက်ကြီးအတွင်းရှိ ရှေးဟောင်းကျောက်စာများ ရှေးမူလက်ရာ မပျက်တည်ရှိစေပြီး မပျက်စီးစေရန်နှင့် လာရောက်လေ့လာကြသည့် နိုင်ငံခြားခရီးသွား များ၊ ပြည်တွင်းခရီးသွားများ စိတ်အေးချမ်းသာစွာဖြင့် လေ့လာနိုင်စေရန်အတွက် စည်ပင် သာယာရေးအဖွဲ့များ၊ မီးသတ်တပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များမှ စုပေါင်း၍ သန့် ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်ရာသို့ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သွားရောက်ကြည့်ရှုအားပေးခဲ့ကြပြီး ကျောက်စာတိုက် ကြီးအတွင်းရှိ ရှေးဟောင်းကျောက်စာများ ပျက်စီးမှုမရှိစေရေး၊ ကျောက်စာတိုက်ကြီး အတွင်းအပြင်ပတ်ဝန်းကျင်အား အမြဲသန့်ရှင်းသပ်ရပ်မှုရှိစေရေးတို့အား တာဝန်ရှိသူများ အား မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။