မုံရွာ အောက်တိုဘာ ၁၀

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတ ရေးရာဝန်ကြီး ဦးတင်သန်းဝင်း၊ လူမူရေးရာဝန်ကြီး ဦးအေးလိူင်၊ တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်၊ တိုင်းဒေသကြီးအဆင့် ဌာနဆိုင်ရာအကြီးအကဲများနှင့် တာဝန်ရှိသူများ လိုက်ပါလျက် အောက်တိုဘာလ (၉)ရက်၊ နံနက်ပိုင်းတွင် မော်လိုက်ခရိုင်၊ ဖောင်းပြင်မြို့ရှိ  ရာဇမုနိ ပရိယတ္တိစာသင်တိုက်၊ ဆရာတော်ကြီးထံ ဝါဆိုသင်္ကန်း၊ ဆွမ်းဆန်စိမ်း၊ လှူဘွယ်ပစ္စည်းများနှင့် အလှူတော်ငွေတို့အား  အသီးသီး ဆပ်ကပ်လှူဒါန်းခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဖောင်းပြင်မြို့၊ ပြည်သူ့ဆေးရုံကြီးသို့ ရောက်ရှိရာ ဖောင်းပြင်မြို့၊ ပြည်သူ့ဆေးရုံကြီးတွင် တာဝန် ထမ်းဆောင်နေကြသော ဆရာဝန်များ၊ သူနာပြုများနှင့် ဝန်ထမ်းများက လှိုက်လဲဝမ်းသာစွာ ဖြင့်ကြိုဆိုနူတ်ကြပြီး ကျန်းမာရေးဝန်ထမ်းများနှင့် ဆေးရုံတက်လူနာများ စားသောက်ရန်အတွက်  ငွေကျပ် -၅ သိန်းကျော်တန်ဘိုးရှိ စားသောက်ဖွယ်ရာများအား တိုင်းဒေသကြီး ဝန်ကြီးချုပ်က ထောက်ပံ့ပေးအပ်ရာ ဆေးရုံအုပ်ကြီးနှင့် သူနာပြုများက လက်ခံရယူကြပြီး ကျန်းမာရေးဆောင် ရွက်မှုလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေး ခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဖောင်းပြင်မြို့၊ ပြည်သူ့ဆေးရုံကြီးအတွင်းရှိ စစ်က်ိုင်းတိုင်းဒေသကြီးအစိုးရအဖွဲ့မှ ထောက်ပံ့ပေးအပ်သည့် အောက်ဆီဂျင် ထုတ်လုပ်ရေးစက်ရုံသို့ ရောက်ရှိရာ စက်ရုံတာဝန်ခံမှ အောက်ဆီဂျင် ထုတ်လုပ်နေမှုနှင့် စက်လည်ပတ်နေမှု အခြေအနေများအား လိုက်လံရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်းတင်ပြချက်များအပေါ်  လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ဆောက်ဆီဂျင်စက်ရုံ လည်ပတ် နေမှုအား ကြည့်ရှုစစ်ဆေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဟုမ္မလင်းမြို့နယ်၊ နောင်ပိုအောင်ကျေးရွာအနီး ဥရုချောင်းပေါ်ရှိ  မူလဥရုကြိုးတံတားအား သံကူကွန်ကရစ်တံတား အဆင့်မြှင့်တင် တည်ဆောက်ရေး ရှင်းလင်းဆောင်သို့ရောက်ရှိရာ တံတားတည်ဆောက်အထူးအဖွဲ့-၂ မှ ညွှန်ကြားရေးမှူး(မြို့ပြ) ဦးအောင်သီဟက ဥရုတံတား အရှည်ပေ - ၁၀၉၀ ၊ အကျယ် - ၂၆ ပေ၊ သံကူကွန်ကရစ်တံတား အဆင့်မြှင့်တင်ခြင်း လုပ်ငန်းများနှင့် ပတ်သက်၍ ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က တည်ဆောက်ရေးလုပ်ငန်းများနှင့်ပတ်သက်၍ လုပ်ငန်းခွင်အန္တရာယ်ကင်းရှင်းရေး၊ စံချိန်စံညွှန်းမီ အရည်အသွေး ကောင်းမွန်ရေးနှင့် အချိန်မီပြီးစီးရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။     

မုံရွာ၊ အောက်တိုဘာ ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတ ရေးရာျဝန်ကြီး ဦးတင်သန်းဝင်း၊ လူမူရေး ရာဝန်ကြီး ဦးအေးလိူင်၊ တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်၊ ဟုမ္မလင်းမြို့၊ တပ်နယ်မှူး ဗိုလ်မှူးချုပ် မြင့်သောင်း၊ တိုင်းဒေသကြီးအဆင့် ဌာနဆိုင်ရာအကြီးအကဲများနှင့် တာဝန်ရှိသူများလိုက်ပါလျက် အောက်တိုဘာလ (၈)ရက်၊ နံနက် ပိုင်းတွင် ခန္တီးခရိုင်၊ ဟုမ္မလင်းမြို့ရှိ  ပရိယတ္တိစာသင်တိုက်၊ ဦးဉာဏိက ဆရာတော်ကြီးနှင့် သာသန ဇောတိကကျောင်းတိုက် ဦးဣန္ဒဝံသ ဆရာတော်ကြီးတို့ထံ ဝါဆိုသင်္ကန်း၊ ဆွမ်းဆန်စိမ်း၊ လှူဘွယ်ပစ္စည်းများနှင့် အလှူတော်ငွေတို့အား  အသီးသီး ဆပ်ကပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဟုမ္မလင်းမြို့၊ မြို့တော်ခန်းမတွင် ကျင်းပသော မြို့နယ်အဆင့်ဌာနဆ်ိုင်ရာများ၊ မြို့မိမြို့ဖများ၊ လူမူရေးအသင်းအဖွဲ့ဝင်များနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း ဆောင် ရွက်နေသည့် လုံခြုံရေး၊ တရားဥပဒေစိုးမိုးရေးနှင့် တည်ငြိမ်အေးချမ်းရေးဆိုင်ရာ ဆောင်ရွက်နေမှုများဒေသအလိုက် ဖွံ့ဖြိုးတိုးတက်ရေး အတွက် ဆောင်ရွက်နေမှုများ စားနပ်ရိက္ခာ ပြည့်ဝပိုလျံရေးအတွက် စိုက်ပျိုးမွေးမြူ ထုတ်လုပ်နေမှု အခြေအနေများ လမ်းပန်းဆက်သွယ်ရေး ကောင်းမွန်ရေးအတွက် ဆောင်ရွက်ပေးနေမှု အခြေအနေများ ကိုဗစ်-၁၉ ကာကွယ်ထိန်းချုပ်၊ ကုသရေးဆောင်ရွက်နေမှုအခြေအနေများနှင့် မြို့ရွာသန့်ရှင်းသာယာသက်ရပ်ရေး ဆောင်ရွက်နေမှု အခြေအနေများ နှင့် သဘာဝပတ်ဝန်းကျင် စိမ်းလန်းစိုပြေရေးနှင့် ထိန်းသိမ်းရေးဆိုင်ရာများအား ရှင်းလင်း ပြောကြားခဲ့သည်။

ယင်းနောက် ဟုမ္မလင်းမြို့နယ်၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးသိန်းဇော်မှ ဟုမ္မလင်းမြို့နယ် ဒေသဖွံ့ဖြိုးရေး လုပ်ငန်းများနှင့် ပတ်သက်၍လည်းကောင်း၊ ခန္တီးခရိုင်၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကိုကိုအောင်တို့မှ ခန္တီးခရိုင်အတွင်း ဒေသဖွံ့ဖြိုးရေးလုပ်ငန်းများနှင့် နယ်မြေလုံခြုံရေး ဆောင်ရွက်ထားရှိမှုများအား အသီးသီး ရှင်းလင်းတင်ပြကြရာ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများမှ မိမိတို့ဌာနများအလိုက် လုပ်ငန်းများဆောင်ရွက်နေမှုများနှင့် ပတ်သက်၍ အသီးသီး ရှင်းလင်းပြောကြားကြသည်။

ဆက်လက်၍ တိုင်းဒေသကြီး ဝန်ကြီးချုပ်က ပန်းခင်းစီမံချက်အရ ဆောင်ရွက်ထား ရှိသည့် နိုင်ငံသားစီစစ်ရေးကတ် - ၂၆၂၂ ကတ်၊ ပေးအပ်ခြင်းနှင့် တိုင်းရင်းသားများ၏စာပေနှင့် ယဉ်ကျေးမှုဆိုင်ရာ အဆောက်အဦများ ဆောက်လုပ်ရန် လိုအပ်နေသည့် ထောက်ပံ့ပေးအပ်ငွေ ကျပ်-၁၄၀၁,၅၉၆,၆၃ (တစ်ထောင့်လေးရာ တစ်သိန်းကျော်)အား ပေးအပ်ရာ တိုင်းရင်းသား ကိုယ်စားလှယ်များက လက်ခံရယူပြီး ဆက်လက်၍ ထောက်ပံ့ငွေ၊ ၄၀ လီတာဆံ့ အောက်ဆီဂျင် အိုးများ၊ Concentrator များ၊ ကိုဗစ်-၁၉ ရောဂါ ကာကွယ်ရေးပစ္စည်းများ၊ စားသောက်ဖွယ်ရာများ၊ အားကစားပစ္စည်းများနှင့် ဒေသခံတောင်သူများအတွက် ဓာတ်မြေသြဇာနှင့် ပိုးသက်ဆေးများအား တိုင်းဒေသကြီး အစိုးရအဖွဲ့ဝင်များက ပေးအပ်ရာ တာဝန်ရှိသူအသီးသီး လက်ခံရယူခဲ့ကြပြီး ဒေသခံတိုင်းရင်းသား ဦးကျော်စွာလွင်က ကျေးဇူးတင်စကားပြန်လည် ပြောကြားပြီး တိုင်းဒေသကြီးဝန်ကြီးချုပ် ဦးမြတ်ကျော်က နိဂုံးချုပ်စကား ပြောကြားကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက် အားပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဟုမ္မလင်းမြို့၊ ကုတင် ၁၀၀ ဆံ့ ပြည်သူ့ဆေးရုံကြီးသို့ ရောက်ရှိရာ ဟုမ္မလင်းမြို့၊ ပြည်သူ့ဆေးရုံကြီးတွင် တာဝန်ထမ်းဆောင်နေကြသော ဆရာဝန်များ၊ သူနာပြုများနှင့် ဝန်ထမ်းများက လှိုက်လဲ ဝမ်းသာစွာဖြင့်ကြိုဆိုနူတ်ကြပြီး ကျန်းမာရေးဝန်ထမ်းများနှင့် ဆေးရုံတက် လူနာများ စားသောက် ရန်အတွက်  ငွေကျပ် - ၅ သိန်းကျော်တန်ဘိုးရှိ စားသောက်ဖွယ်ရာများ တိုင်းဒေကြီး ဝန်ကြီးချုပ်က ထောက်ပံ့ပေးအပ်ရာ ဆေးရုံအုပ်ကြီးနှင့် သူနာပြုများက လက်ခံရယူကြပြီး ကျန်းမာရေး ဆောင်ရွက်မှုလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဟုမ္မလင်းမြို့၊ နောင်ပကျစ်ရပ်ကွက်၌ အောက်ဆီဂျင်ထုတ်လုပ်ရေးစက် ထားရှိမည့် အဆောက်အဦတည်ဆောက်နေမှုအား ကြည့်ရှုပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။    

မုံရွာ အောက်တိုဘာ ၇    

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုး၊ သယံဇာတရေးရာဝန်ကြီး ဦးတင်သန်းဝင်း၊ လူမူရေးရာဝန်ကြီး ဦးအေးလိူင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တာဝန်ရှိသူများ လိုက်ပါလျှက် အောက်တိုဘာလ(၇)ရက်၊ နံနက်ပိုင်းတွင် မုံရွာမြို့ပေါ်ရှိ ဘုန်းတော်ကြီးကျောင်းတိုက်များသို့ သွားရောက်၍ ကိုဗစ်-၁၉ ရောဂါ ကြိုတင်ကာကွယ်ရေး လုပ်ငန်းများဆောင်ရွက်နေသည့်ကာလနှင့် ဆရာ တော်၊ သံဃာတော်များ ဝါတွင်းကာလအတွင်း ဆွမ်းကိစ္စရပ်များ အဆင်ပြေစေရန် ရည်ရွယ်၍ စစ်ကိုင်းတိုင်းဒေသကြီးအစိုးရအဖွဲ့မှ ဝါဆိုသင်္ကန်း၊ ဆွမ်းဆန်တော်၊ ဆီ၊ ကြက်သွန်၊ ပဲ၊ ဆား အမယ် ငါးမျိုးနှင့် လှူဘွယ်ပစ္စည်းများ ဆက်ကပ်လှူဒါန်းခြင်း ဖြစ်ကြောင်းသိရသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ရုံးကြီးရပ်ကွက်ရှိ၊ ရတနာအောင်မြေကျောင်းတိုက် ဦးကိတ္တိဝရ ဆရာတော်ကြီးနှင့် ခါးပန်းနီကျောင်းတိုက် ဦးခေမာစန္ဒ ဆရာတော်ကြီးတို့ထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အလယ်ရပ်ကွက်၊ ရွှေကျင်ဓမ္မာရုံကျောင်းတိုက်သို့ ရောက်ရှိရာ ဦးအဂ္ဂသာရ(ရွှေကျင်) ဆရာတော်ကြီးနှင့် ဘုရားလှကျောင်းတိုက် ဦးဉာဏိသာရ(ရွှေကျင်) ဆရာတော်ကြီးတို့ထံ ဝါဆိုသင်္ကန်း၊ လှူဘွယ် ပစ္စည်းနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြပြီး ဆရာတော်၊ သဃာတော်များ ကိုဗစ်-၁၉-ရောဂါ ကာကွယ်ဆေးများထိုးနှံနိုင်ရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ချမ်းမြဝတီရပ်ကွက်ရှိ၊ ကုမာရာ ရာမကျောင်းတိုက်သို့ ရောက်ရှိရာ ဦးကုမာရ ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် စစ်ကိုင်းတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမတွင် ကျင်းပသော တိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်း အစည်းအဝေး(၃၂/၂၀၂၁)သို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားရာတွင် “စစ်ကိုင်းတိုင်းဒေသကြီး အတွင်းရှိ မြို့နယ်များတွင် ကိုဗစ်-၁၉ ရောဂါပိုးကို များများစစ်ဆေးခြင်း၊ ပိုးတွေ့ရှိမှုလျော့နည်းအောင် ပညာပေးခြင်းလုပ်ငန်းများနှင့် စစ်ဆေးကြပ်မတ်ခြင်းများ ဆောင်ရွက်လျက်ရှိပါကြောင်း၊ တိုင်းဒေသကြီးအတွင်း အောက်ဆီဂျင်ထုတ်လုပ်မှုအနေနဲ့ လိုအပ်သည်ထက် ပိုမိုထုတ်လုပ်နေနိုင်ပြီ ဖြစ်ပါကြောင်း၊ ဖောင်းပြင်မြို့နှင့် နန်းယွန်းမြို့တို့တွင်လည်း အောက်ဆီဂျင် ထုတ်လုပ်သည့်စက်များ ရောက်ရှိပြီး စမ်းသပ်လည်ပတ်မှုများ စတင်နေပြီဖြစ်ပါကြောင်း၊ ကာကွယ်ဆေးများ ထိုးနှံပြီးစီးရန်လိုအပ်ပြီး ထိုးနှံမည့်လူဦးရေ၊ သွားလာမှု၊ ဆရာဝန်/သူနာပြုနှင့် လုံခြုံရေးအပေါ်မူတည်ပြီး ဆေးများ စနစ်တကျ ဖြန့်ခွဲရန် လိုအပ်ပါကြောင်း၊ မြို့ဝင်/ထွက်ဂိတ်များ အမှန်စစ်ဆေးဆောင်ရွက်ရန်နှင့် လုံခြုံရေးသတိပြုဆောင်ရွက်ရန်လိုအပ်ပါကြောင်း၊ တိုင်းဒေသကြီးအတွင်း မြို့နယ်များရှိ စည်ပင်သာယာဈေးများတွင် အသိပညာပေးလုပ်ငန်းများအား လျော့ချ၍မရဘဲ ဆက်လက်ဆောင်ရွက်သွားရမည် ဖြစ်ပါကြောင်း၊ ယခုအစည်းအဝေးသို့ တက်ရောက်လာကြသော တာဝန်ရှိသူအားလုံးရဲ့ ဝိုင်းဝန်း ကြိုးပမ်းဆောင်ရွက်မှုနှင့် ပြည်သူများပူးပေါင်းပါဝင် ဆောင်ရွက်မှုများကြောင့် တိုင်းဒေသကြီးအတွင်း၌ ကိုဗစ်-၁၉ ရောဂါ ပိုးတွေ့ရှိမှုနှင့် သေဆုံးမှုများလျော့နည်းလာတာကို တွေ့ရှိရပါကြောင်း၊ အောက်တိုဘာ ကျောင်းပိတ်ရက်ရှည် ကာလအလွန်တွင် အခြေခံပညာကျောင်းများ ပြန်လည်ဖွင့်လှစ်ပါက အသက် ၁၂ အထက် ကျောင်းသား၊ကျောင်းသူများအား ကာကွယ်ဆေးထိုးနှံပေးရန် လုပ်ငန်းများကိုတာဝန်ရှိသူများက ကြိုတင်စီမံဆောင်ရွက်ရန် လိုအပ်ပါကြောင်း ” ပြောကြားခဲ့သည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ ဝင်ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက ကိုဗစ်-၁၉ ရောဂါ ကာကွယ်၊ ထိန်း ချုပ်၊ ကုသခြင်းဆိုင်ရာ လုပ်ငန်းများ၊  ကာကွယ်ဆေးထိုးနှံခြင်းဆိုင်ရာလုပ်ငန်းများ၊ ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီများမှ ပညာပေးလုပ်ငန်းများ ဆောင်ရွက်နေမှုနှင့် မြို့ဝင်မြို့ထွက်စစ်ဆေးရေး ဂိတ်များဆောင်ရွက် နေမှုလုပ်ငန်းများ၊ အသက် ၁၂ နှစ်အထက် အခြေခံကျောင်းသား၊ ကျောင်းသူများအား ကာကွယ်ဆေးထိုးနှံရေးတို့နှင့် ပတ်သက်၍ အသီးသီး အကြံပြု ဆွေးနွေးတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က ကိုဗစ်-၁၉ ရောဂါ၊ ကာကွယ်၊ ထိန်းချုပ်၊ ကုသခြင်း ဆိုင်ရာလုပ်ငန်းများ၊ ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီများမှ ပညာပေးလုပ်ငန်းများ ဆောင်ရွက်နေမှုလုပ်ငန်းများ၊ ကာကွယ်ဆေးထိုးနှံခြင်း ဆိုင်ရာလုပ်ငန်းများ၊ ပတ်သက်၍ ရှင်းလင်းတင်ပြချက်များ အပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။

မုံရွာ အောက်တိုဘာ ၅

စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ အစည်းအဝေးအမှတ်စဉ် (၆/၂၀၂၁) အစည်း အဝေးကို အောက်တိုဘာလ (၅)ရက် နံနက်(၁၀)နာရီအချိန်တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ဥပဒေချုပ် ဒေါ်လှလှဝင်း၊ တိုင်းဒေသကြီးအစိုးရအဖွဲ့ အတွင်းရေးမှူး ဦးခင်မောင်ဆန်းနှင့် ကော်မတီ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ တာဝန်ရှိသူများ တက်ရောက်ကြသည်။

ရှေးဦးစွာ စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော် က အမှာစကားပြောကြားရာတွင် “တိုင်းဒေသကြီးအတွင်းမှာ နယ်စပ်ကုန်သွယ်ရေးကဏ္ဍ၊ စိူက်ပျိုးရေးကဏ္ဍ၊ မွေးမြူရေးကဏ္ဍ၊ ဟိုတယ်နှင့်ခရီးသွား လုပ်ငန်းကဏ္ဍ၊ သယ်ယူပို့ဆောင်ရေးကဏ္ဍ၊ သတ္တုနှင့်စွမ်းအင် ကဏ္ဍ၊ အစရှိသည့် ကဏ္ဍအသီးသီးမှာ ရင်းနှီးမြုပ်နှံနိုင်တဲ့ အခွင့်အလမ်းများစွာ ရှိပါ၍ ကော်မတီဝင် တွေအနေနှင့် ရင်းနှီးမြုပ်နှံမှုအသစ်တွေ ဝင်ရောက်လာအောင် ကြိုးပမ်းဆောင်ရွက်ပေးကြပါ ရှိပြီးဖြစ်တဲ့ ရင်းနှီးမြုပ်နှံမှု လုပ်ငန်းများကိုလည်း ဖြစ်ထွန်းအောင်မြင်အောင် ဝိုင်းဝန်းကူညီ ဆောင်ရွက် ပေးကြစေလိုကြောင်း” ပြောကြား ခဲ့သည်။

ယင်းနောက် တိုင်းဒေသကြီး ရင်းနှီးမြုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနမှ တိုင်းဒေသကြီး ဦးစီးမှူး ဒေါ်မေမိုးဇော်က Myanmar Fresh Agro Co, Ltd နှင့် Aung Nagani Co,Ltd တို့မှ တည်ဆောက်ရေးကာလ တိုးမြင့်ခွင့်ပြုပါရန်နှင့် Than Sin Sun Moon Monywa Healthy Product Co,Ltd မှ လုပ်ငန်းယာယီရပ်ဆိုင်းခွင့်ပြုပါရန် တင်ပြလာခြင်းကိစ္စရပ်များနှင့် ပတ်သက်၍ ရှင်းလင်းတင်ပြ ရာ အစည်းအဝေးသို့ တက်ရောက်လာကြသော စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌနှင့်  ကော်မတီအဖွဲ့ဝင်များ တင်ပြလာသည့်ကိစ္စရပ်များနှင့် ပတ်သက်၍ အသီးသီးအကြံပြု ဆွေးနွေးကြသည်။

ထို့နောက် စစ်ကိုင်းတိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော် က တည်ဆောက်ရေးကာလ တိုးမွှင့်ခွင့်ပြုပါရန်နှင့် လုပ်ငန်းယာယီရပ်ဆိုင်းခွင့်ပြုပါရန် ကိစ္စ ရပ်များနှင့်ပတ်သက်၍ တင်ပြဆွေးနွေးချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းတွင် ကျင်းပသည့် စစ်ကိုင်းတိုင်းဒေသကြီးအတွင်း စားဖိုဆောင်နှင့် ဟင်းသီးဟင်းရွက်စိုက်ပျိုးမှု အထူးဇုန်များ ဖော်ထုတ်ဆောင်ရွက်ရေး လုပ်ငန်းညှိနိုင်း အစည်းအဝေးသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားရာတွင် “ စစ်ကိုင်းတိုင်းဒေသကြီးအတွင်းမှာ ဟင်းသီးဟင်းရွက်နှင့် စားဖိုဆောင်သီးနှံများကို ဒေသဖူလုံရေးအတွက်သာမကဘဲ နေရာအနှံတင်ပို့ရောင်းချနိုင်ရေး၊ စားသုံးသူပြည်သူလူထုအား ဈေးနှုန်းသက်သာပြီး  ဘေးအန္တရာယ်ကင်းရှင်းစွာ စားသုံးနိုင်ရေးအတွက် အထူးဇုန်များဖော်ထုတ်ပြီး အကာင်အထည်ဖော် ဆောင်ရွက်သွားရန် လိုအပ်ပါကြောင်း၊ မုံရွာ၊ ဘုတလင်၊ အရာတော်နှင့် ချောင်းဦး ဒေသတွေဟာ လမ်းပန်းဆက်သွယ်ရေးကောင်းမွန်ပြီး မြစ်ရေတင် စီမံကိန်းများရှိတဲ့အတွက် စပါးနှင့် အခြားသီးနှံများ စိုက်ပျိုးပြီးပါက မြေလွတ်မြေလပ်မထားဘဲ  စားဖိုဆောင်နှင့် ဟင်းသီးဟင်းရွက်များကို စိုက်ပျိုး ဆောင်ရွက်သွားစေလိုပါကြောင်း၊ ဟင်းသီးဟင်းရွက်နှင့် စားဖိုဆောင်သီးနှံ လက်ကားဈေးကွက် Whole Sale Marketများထူထောင်ပြီး တိုင်းဒေသကြီးနှင့် နီးစပ်ရာဒေသများသို့ တင်ပို့ရောင်းချခြင်း၊ အဆင့်မွှင့် ကုန်ချောများ ထုတ်လုပ်ခြင်းတို့ကို အချိန်တိုအတွင်း Quick Win ရရှိအောင် ဆောင်ရွက် သွားရမှာဖြစ်ပါကြောင်း ” ပြောကြားခဲ့သည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးနှင့် စီးပွားရေးရာဝန်ကြီး ဒေါ်ရီရီသန်းတို့က အမှာစကားပြောကြားပြီး တိုင်းဒေသကြီး စိုက်ပျိုးရေးဦးစီးဌာနမှ တိုင်းဒေသကြီးဦးစီးမှူး ဦးဝင်းလိူင်ဦးက စားဖိုဆောင်နှင့် ဟင်းသီးဟင်းရွက် စိုက်ပျိုးမှုအထူးဇုန်များ ဖော်ထုတ်ဆောင်ရွက်မည့် အစီအစဉ်များကို လည်းကောင်း၊ တိုင်းဒေသကြီး ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန၊ (ရေအရင်းအမြစ်)မှ ဒုတိယညွှန်ကြားရေးမှူး ဦးချိုလတ်က အင်တော၊ သုံးပန်လှ၊ အရာတော် မြစ်ရေတင်စီမံကိန်းမှ နွေ၊ မိုး၊ ဆောင်း ရေပေးဝေမည့် အစီအစဉ်များကို လည်းကောင်း၊ တိုင်းဒေသကြီး စည်ပင်သာယာရေးအဖွဲ့၊ ညွှန်ကြားရေးမှူး ဦးသစ်ထူးမြင့်က စားဖိုဆောင်သီးနှံနှင့် ဟင်းသီးဟင်းရွက်များ Whole Sale Market များ၊ ဒိုင်များထူထောင်ရေး အစီအစဉ်များကို လည်းကောင်း၊ မုံရွာခရိုင် စိုက်ပျိုးရေးဦးစီးဌာနမှ ခရိုင်ဦးစီးမှူးက စားဖိုဆောင်နှင့် ဟင်းသီးဟင်းရွက်စိုက်ပျိုးမှုများအား အသီးသီးရှင်းလင်း တင်ပြကြသည်။

ဆက်လက်၍ အစည်းအဝေးသို့ တက်ရောက်လာသူများမှ တိုင်းဒေသကြီးအတွင်း စားဖိုဆောင်နှင့် ဟင်းသီး ဟင်းရွက်စိုက်ပျိုးမှု အထူးဇုန်များ ဖော်ထုတ်ဆောင်ရွက်ရေးနှင့် စိုက်ပျိုးရေရရှိရေး လုပ်ငန်းများနှင့် ပတ်သက်၍ အသီးသီးအကြံပြုဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးအတွင်း စားဖိုဆောင်နှင့် ဟင်းသီးဟင်းရွက်စိုက်ပျိုးမှု အထူးဇုန်များ ဖော်ထုတ်ဆောင်ရွက်ရေး၊ စိုက်ပျိုးရေရရှိရေး လုပ်ငန်းများနှင့် ပတ်သက်၍ အသီးသီးအကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်းရရှိသည်။     

မုံရွာ အောက်တိုဘာ ၄

စစ်ကိုင်းတိုင်းဒေသကြီး အစိုးရအဖွဲ့နှင့် တိုင်းဒေသကြီးအဆင့် ဌာနဆိုင်ရာများ ဘဏ္ဍာရေးဆိုင်ရာလုပ်ငန်းညှိနှိုင်း အစည်းအဝေးကို အောက်တိုဘာလ (၄)ရက်၊ နံနက်(၁၀)နာရီအချိန်တွင် စစ်ကိုင်းတိုင်း ဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော် က အမှာစကားပြောကြားရာတွင် “ စစ်ကိုင်း တိုင်းဒေသကြီး၏ ဘက်ဂျက်တွေကို ရေးဆွဲတဲ့အခါ သက်ဆိုင်ရာဌာန၊ အဖွဲ့အစည်းများမှ တာဝန်ရှိသူများက ရရှိလာမည့် ဘက်ဂျက်ခွင့်ပြု ဘောင်အတွင်းမှာ လုပ်ငန်းစီမံကိန်းများကို ဦးစားပေးအစဉ်အစီများ အလိုက် ထည့်သွင်းရေးဆွဲရမှာ ဖြစ်ပါကြောင်း၊ အဲဒီလို ရေးဆွဲတဲ့အခါမှာ ပြည်သူလူထု၏ လိုအပ်ချက်ကို ဖြည့်ဆည်းရန်၊ တိုင်းဒေသကြီး ဖွံ့ဖြိုးတိုးတက်ရန်၊ မိမိတို့သက်ဆိုင်ရာဝန်ကြီးဌာနများ၏ ရည်မှန်းချက်များကို အကောင်အထည်ဖော်ရန် စသည်ဖြင့် ဘက်ပေါက်းစုံမှ စဉ်းစားပြီးရေးဆွဲရမှာဖြစ်ပါကြောင်း၊ ထိုသို့ ရေးဆွဲတဲ့အခါမှာလည်း မြေပြင်အနေအထားများ ဒီဇိုင်းပုံစံများ စံချိန်စံညွှန်းများနှင့် ပတ်သက်ပြီး သက်ဆိုင် ရာဌာနများက သေချာခန့်မှန်းရေးဆွဲရမှာ ဖြစ်ပါကြောင်းနှင့် နိုင်ငံတော်သမ္မတရုံး၏ အစိုးရဌာန၊ အဖွဲ့အစည်းများ၏ တည်ဆောက်ခြင်း၊ ပစ္စည်းဝယ်ယူခြင်း၊ ဝန်ဆောင်မှုရယူခြင်း၊ ဌားရမ်းခြင်းနှင့် ရောင်းချခြင်းများ ဆောင်ရွက်ရာတွင် လိုက်နာရမည့် တင်ဒါလုပ်ထုံးလုပ်နည်း ညွှန်ကြားချက်အမှတ် ၁/၂၀၀၇ ဖြင့် ထုတ်ပြန်ထားသည့် ညွှန်ကြားချက်များနှင့်အညီ တိကျစွာလိုက်နာဆောင်ရွက်ရမည်ဖြစ်ပါကြောင်း ” ပြောကြားခဲ့သည်။

ယင်းနောက် တိုင်းဒေသကြီး ရသုံးမှန်းခြေငွေစာရင်းဦးစီးဌာနမှ ညွှန်ကြားရေးမှူး ဒေါ်ခင်မိမိလိူင် က ၂၀၂၁ ခုနှစ်၊ အောက်တိုဘာလမှ ၂၀၂၂ ခုနှစ် မတ်လအထိ (၆)လအတွက် ရသုံးမှန်းခြေ ငွေစာရင်းရေးဆွဲခြင်းနှင့် ပတ်သက်၍ ရှင်းလင်းပြောကြားပြီး တိုင်းဒေသကြီးအဆင့် ဌာနဆိုင်ရာများက မိမိတို့ဌာနများအလိုက် ဘဏ္ဍာရေးဆိုင်များကို အသီးသီး ရှင်းလင်းတင်ပြကြသည်။

ဆက်လက်၍ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တာဝန်ရှိသူများက ဘဏ္ဍာရေးဆိုင်ရာ လုပ်ငန်းများနှင့် ပတ်သက်၍ ဖြည့်စွက်အကြံပြုဆွေးနွေးကာ အစည်းအဝေးသို့ တက်ရောက်လာသူများက အထွေထွေ ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၁ ခုနှစ်၊ အောက်တိုဘာလမှ ၂၀၂၂ ခုနှစ် မတ်လအထိ (၆)လအတွက် ရသုံးမှန်းခြေ ငွေစာရင်း ရေးဆွဲခြင်း၊ ဘဏ္ဍာရေးဆိုင်ရာများနှင့်ပတ်သက်၍ အသီးသီး ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေးကို ရုပ်သိမ်းခဲ့သည်။

ဆက်လက်ပြီး မွန်းလွဲပိုင်းတွင် တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများသည် စစ်ကိုင်းတိုင်းဒေသကြီးအစိုးရအဖွဲ့ရုံးရှိ ချင်းတွင်းခန်းမတွင် ကျင်းပသော မုံရွာခရိုင်အတွင်းရှိ စေတနာ့ ဝန်ထမ်းများအား ကျန်းမာရေးသုံး အကာကွယ်ပစ္စည်းများပေးအပ်ပွဲ အခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားရာတွင် “ ကိုဗစ်-၁၉ ရောဂါကို စွမ်းစွမ်း တမံကူညီဆောင်ရွက် ပေးကြတဲ့စေတနာ့ဝန်ထမ်းများ၏ စွမ်းဆောင်မှုဟာ အများကြီးလေးစားစရာ စွမ်းဆောင်မှုပဲဖြစ်ပါကြောင်း၊ နိုင်ငံအတွက် ဂုဏ်ယူစရာလည်းကောင်းသလို စစ်ကိုင်းတိုင်းဒေသကြီးအတွက် ဆောင်ရွက်ပေးကြတဲ့အတွက်လည်း ကျေးဇူးတင်ရှိပါကြောင်း၊ နိုင်ငံတော်အနေဖြင့်လည်း ကာကွယ်ဆေးထိုးနှံရေး လုပ်ငန်းများကို ဆက်လက် တိုးမြင့်ဆောင်ရွက်သွားမှာဖြစ်တဲ့အတွက် စေတနာ့ဝန်ထမ်းများအနေဖြင့်လည်း တာဝန်ရှိသူများနှင့်ပူးပေါင်း၍ ဝိုင်းဝန်းဆောင်ရွက်ပေးသွားကြရန် တိုက်တွန်းလိုပါကြောင်း ” ပြောကြားခဲ့သည်။

ယင်းနောက် တိုင်းဒေသကြီး လူမူဝန်ထမ်းဦးစီးဌာနမှ ညွှန်ကြားရေးမှူး ဒေါ်သန္တာထွေးက တိုင်းဒေသကြီးအတွင်းရှိ စေတနာ့ဝန်ထမ်းများနှင့် ပတ်သက်၍ ဆောင်ရွက်ပေးခဲ့မှုများကို ရှင်းလင်းတင်ပြသည်။

ထို့နောက် တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများက မုံရွာခရိုင်အတွင်းရှိ မုံရွာမြို့နယ်၊ ချောင်းဦးမြို့နယ်၊ ဘုတလင်မြို့နယ်၊ အရာတော်မြို့နယ်တို့မှ စေတနာ့ဝန်ထမ်းများထံ ကျန်းမာရေးသုံး ကာကွယ်ရေးပစ္စည်းများ အသီးသီးပေးအပ်ကြပြီး စေတနာ့ဝန်ထမ်းများကိုယ်စား စေတနာ့ဝန်ထမ်းတစ်ဦးက ကျေးဇူးတင်စကား ပြန်လည်ပြောကြားကာ အခမ်းအနားကိုရုပ်သိမ်းခဲ့ပြီး တိုင်းဒေသကြီး ဝန်ကြီးချုပ် ဦးမြတ်ကျော် က အခမ်းအနားသို့ တက်ရောက်လာကြသော စေတနာ့ဝန်ထမ်းများအား ရင်းရင်းနှီးနှီး လိုက်လံ နှုတ်ဆက်အားပေးခဲ့ကြောင်း သတင်းရရှိသည်။

မုံရွာ အောက်တိုဘာ ၃    

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုး၊ သယံဇာတရေးရာဝန်ကြီး ဦးတင်သန်းဝင်း၊ လူမူရေးရာဝန်ကြီး ဦးအေးလိူင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တာဝန်ရှိသူများလိုက်ပါလျက် အောက်တိုဘာလ(၃)ရက်၊ နံနက်ပိုင်းတွင် မုံရွာမြို့ပေါ်ရှိ ဘုန်းတော်ကြီး ကျောင်းတိုက်များသို့ သွားရောက်၍ ဆရာတော်၊ သံဃာတော်များ ဝါတွင်းကာလအတွင်း ဆွမ်းနှင့် စားသောက်ဖွယ်ရာများ အဆင်ပြေစေရေးအတွက် စစ်ကိုင်းတိုင်းဒေသကြီး အစိုးရအဖွဲ့မှ ဆွမ်းဆန်၊ ဆီ၊ ကြက်သွန်၊ ပဲနှင့် ဆားများအား လှူဒါန်း ခြင်းဖြစ်ကြောင်းသိရသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့နယ် အိုးဘိုတောင်ရပ်ကွက်ရှိ၊ မကုဋာရာမ ပရဟိတကျောင်းသို့ ရောက်ရှိရာ ဦးမကုဋ ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မြဝတီရပ်ကွက်၊ မဟာကံဦးကျောင်းတိုက်သို့ ရောက်ရှိရာ ဦးပဒုမ ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန်စိမ်းများ ဆက်ကပ်လှူဒါန်းခဲ့ကြပြီး ဆရာတော်၊ သဃာတော်များ ကိုဗစ်-၁၉ ရောဂါ ကာကွယ် ဆေးများထိုးနှံနိုင်ရေး တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ သာသနဟိတကာရီ ကျောင်းတိုက် ဦးသုခသာမိ(ရွှေကျင်) ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန်စိမ်းများ အသီးသီး ဆက်ကပ်လှူဒါန်းခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် နန္ဒဝန်ရပ်ကွက်ရှိ၊ မကျဉ်းအုပ်ကျောင်းတိုက်သို့ ရောက်ရှိရာ ဦးလာဘ ဆရာတော်ကြီးထံ ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန် စိမ်းများ အသီးသီးဆက်ကပ်လှူဒါန်းခဲ့ကြပြီး ရန်ကင်းရပ်ကွက်ရှိ အသောကရုံကျောင်းတိုက် ဆရာတော်ကြီး ဦးသမ္ပုဏ္ဏ (ရွှေကျင်)ထံ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ဝါဆိုသင်္ကန်း၊ လှူဘွယ်ပစ္စည်းနှင့် ဆွမ်းဆန် စိမ်းများ အသီးသီးဆက်ကပ်လှူဒါန်းခဲ့ကြသည်။