မုံရွာ အောက်တိုဘာ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့်နယ် စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီး လူမူရေးရာဝန်ကြီး ဦးအေးလိူင်၊ တိုင်းဒေသကြီး တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်၊ တိုင်းဒေသကြီးအဆင့် ဌာနဆိုင်ရာအကြီးအကဲများနှင့် တာဝန်ရှိသူများ လိုက်ပါ လျှက် အောက်တိုဘာလ (၂၃)ရက်၊ နံနက်ပိုင်းတွင် မုံရွာမြို့၊ ရေကြောင်းရဲတပ်ဖွဲ့ခွဲ(မုံရွာ)ရုံးသို့ ရောက်ရှိရာ အစည်းအဝေးခန်းမတွင် တိုင်းဒေသကြီး ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ တိုင်းဒေသကြီးဦးစီးမှူး ဦးကျော်စိုးက ၂၀၂၁-ခုနှစ်၊ အောက်တိုဘာလမှ ၂၀၂၂-ခုနှစ်၊ မတ်လအထိ(၆)လ ဘဏ္ဍာနှစ်အတွင်း ဆောင်ရွက်မည့် ရေလမ်းကောင်းမွန်ရေး လုပ်ငန်းများနှင့် ကမ်းပြိုကာကွယ်ရေးလုပ်ငန်းများ ဆောင်ရွက်မည့်လုပ်ငန်းများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ရေလမ်းကောင်းမွန်ရေး လုပ်ငန်း များ၊ ကမ်းပြိုကာကွယ်ရေးလုပ်ငန်းများနှင့် တည်ဆောက်ရေးလုပ်ငန်းများ ဆောင်ရွက်ရာတွင် သက်မှတ်စံချိန်စံညွှန်း များဖြင့် ပြည့်မီကောင်းမွန်ရေး၊ လုပ်ငန်းခွင်အန္တရာယ်ကင်းရှင်းရေး အချိန်မီပြီးစီးရေး၊ လုပ်ငန်းများဆောင်ရွက်မှုအပေါ် စေတနာထားဆောင်ရွက်ရေးတို့နှင့် ပတ်သက်၍ မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ရေကြောင်းရဲတပ်ဖွဲ့ခွဲ(မုံရွာ)ရုံး အနီး၌ ဆောင်ရွက်လျက်ရှိသည့် ချင်းတွင်းမြစ် ကမ်းပြိုကာကွယ် ရေးလုပ်ငန်း ရေထိန်းတာဘောင် တည်ဆောက်နေမှုနှင့် တည်ဆောက်ရေးပစ္စည်းများ အရည်အသွေး ပြည့်မီရေးတို့အား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကျောက်စစ်ပုံ ကျေးရွာအနီးရှိ အလျား - ၅၀ ပေ၊ အနံ (၃၀)ပေ ဥစားကြက်မွေးမြူရေးဇုန် ရှင်းလင်းဆောင်ပြုပြင် နေမှုအား ကြည့်ရှု့စစ်ဆေးပြီး ဥစားကြက် မွေးမြူရေးဇုန် အဝင်လမ်း အရှည် - ၁၀၀၀ (တစ်ထောင်) ပေအား အကျယ် - ၁၆ ပေ၊ ၉ လက်မထု ကွန်ကရစ်လမ်းခင်းကျင်းနေမှုအား တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်ပြ ချက်များအပေါ်  လိုအပ်သည်များကို  တာဝန်ရှိသူများနှင့် ဖြည့်ဆည်း ပေါင်းစပ်  ဆောင်ရွက်ပေးကာ ကွန်ကရစ်လမ်း ခင်းကျင်းပြီးစီးမှုအား ကြည့်ရှု စစ်ဆေးပြီး မွေးမြူရေးလုပ်ငန်းရှင်များနှင့် ရင်းရင်းနှီးနှီးတွေ့ဆုံ နှုတ်ဆက်အားပေးကာ ဥစားကြက်များ မွေးမြူထားရှိမှုအား ကြည့်ရှုစစ်ဆေးခဲ့သည်။

အဆိုပါ ဥစားကြက်မွေးမြူရေးဇုန်တွင် လုပ်ငန်းရှင် ၇၅ ဦးမှ ဥစားကြက်ခြံ - ၉၀ ခြံတွင် ဥစားကြက်အကောင်ရေ - ၇၅၀၀၀ (ခုနှစ်သောင်းငါးထောင်) ကောင်မွေးမြူထားရှိပြီး နေ့စဉ်ကြက်ဥ အလုံးရေပျဉ်းမျှ - ၄၅၀၀၀ (လေးသောင်းငါးထောင်)လုံး ထွက်ရှိကြောင်းသိရသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာ မြို့နယ်၊ ရှားပြေးကျေးရွာအနီးရှိ ငုံးမွေးမြူရေးဇုန်သို့ရောက်ရှိရာ ငုံးဇုန်အဝင်လမ်း အရှည်-၂၁၆၀ (နှစ်ထောင်တစ်ရာ့ ခြောက်ဆယ်)ပေအား အကျယ် - ၁၆ ပေ၊ ၉ လက်မထု ကွန်ကရစ်လမ်း ခင်းကျင်းနေမှုအား တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးကာ ကွန်ကရစ်လမ်းခင်းကျင်းနေမှုအား ကြည့်ရှုစစ်ဆေးပြီး ငုံးမွေးမြူရေးလုပ်ငန်းရှင်များနှင့် ရင်းရင်းနှီးနှီး တွေ့ဆုံ နှုတ်ဆက်အားပေးခဲ့သည်။

အဆိုပါ ငုံးမွေးမြူရေးဇုန်တွင် လုပ်ငန်းရှင် ၆၇ ဦးမှ ငုံးခြံ - ၇၂ ခြံတွင် ငုံးအကောင်ရေ - ၇၀၀၀၀၀ (ခုနှစ်သိန်း) ကောင်မွေးမြူထားရှိပြီး နေ့စဉ်ငုံးဥအလုံးရေပျဉ်းမျှ-၃၂၀၀၀၀ (သုံးသိန်းနှစ်သောင်း)လုံး ထွက်ရှိကြောင်း သတင်းရရှိသည်။

မုံရွာ အောက်တိုဘာ ၂၂

စစ်ကိုင်းတိုင်းဒေသကြီး ကိုဗစ်-၁၉ရောဂါကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်း အစည်းအဝေး(၃၄/၂၀၂၁)ကို အောက်တိုဘာလ(၂၂)ရက်၊ နံနက်(၉) နာရီအချိန်တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ်ဖြိုးသန့်၊ တိုင်းဒေသကြီး အစိုးရ အဖွဲ့ဝင် ဝန်ကြီးများ၊ တိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ မုံရွာခရိုင်/မြို့နယ် စီမံ အုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော် က အမှာစကား ပြောကြားရာတွင်“ စစ်ကိုင်းတိုင်းဒေသကြီး အနေဖြင့် ကိုဗစ်-၁၉ ရောဂါ စစ်ဆေးတွေ့ရှိမှုမှာ ၇.၀၃%နှင့် ဆေးရုံတက် သေဆုံးမှုမှာ .၅% သာရှိပါကြောင်း၊ တိုင်းဒေသကြီးအတွင်း မြို့နယ်များမှာရှိတဲ့ ကိုဗစ်-၁၉ ရောဂါ ထိန်းချုပ်ရေးနှင့်အရေးပေါ်တုံ့ပြန်ရေး ကော်မတီများမှ တာဝန်ရှိသူများက ရောဂါစစ်ဆေးတွေ့ရှိမှုကို အောက်တိုဘာလအကုန်တွင် ၃%အထိ လျော့ကျအောင် အထူးအလေးထား ဆောင်ရွက်ကြရန် လိုအပ်ပါကြောင်း၊ Stay at Home (၃)မြို့နယ်ကျန်ရှိပြီး ၎င်းမြို့များအား လျော့ချနိုင်ရေးအတွက် ပိုးစစ်ဆေးမှုကို သက်မှတ်နေရာများတွင် များများစစ်ဆေးဆောင်ရွက်ကြရန် လိုအပ်ပါကြောင်း၊ တိုင်းဒေသကြီးအတွင်း အောက်ဆီဂျင်လိုအပ်မှုအနေဖြင့် ထုတ်လုပ်နိုင်မှု၏ ၃၅%သာ လိုအပ်မှု ရှိသည့်အတွက် အောက်ဆီဂျင်နှင့်ပတ်သက်၍ လုံလောက်အောင်ထုတ်လုပ်နိုင်ပြီဖြစ်ကြောင်း၊၊ တာဝန်ရှိသူများ အနေဖြင့် ကိုယ်တိုင် ကူးစက်မှုမခံရစေရေး ဂရုစိုက်ကြရန်  နှင့် လုပ်ဆောင်မှုအားလုံးကို လုံခြုံရေးအဖွဲ့များနှင့် ပူးပေါင်းပါဝင်ဆောင်ရွက်ကြရန် လိုအပ်ပါကြောင်း ” ပြောကြားခဲ့သည်။

ယင်းနောက် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ်ဖြိုးသန့်က  မိမိ တို့အနေဖြင့် ကာကွယ်ဆေးထိုးနှံရေးလုပ်ငန်းများနှင့် လုံခြုံရေးလုပ်ငန်းများနှင့် ပတ်သက်၍ တာဝန်ရှိသူများနှင့်ပေါင်းစပ်၍ ပူးပေါင်းဆောင်ရွက်ပေးသွားမည်ဖြစ်ပါကြောင်း ပြောကြားကာ အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု အခြေအနေများ၊ ဆေးရုံတက်ရောက် ကုသမှုနှင့် ဆေးရုံဆင်းမှုအခြေအနေများ၊ အောက်ဆီဂျင် ထုတ်လုပ်သုံးစွဲမှု အခြေအနေများ၊ နယ်မြေလုံခြုံရေး ဆောင်ရွက်နေမှုအခြေအနေများနှင့် အသက် ၁၂ နှစ်အထက် ကျောင်းသား၊ ကျောင်းသူများ ကာကွယ်ဆေးထိုးနှံရေး သက်ဆိုင်ရာကျောင်းများအခြေပြု၍ ဆေးထိုးနှံရေး ပြင်ဆင်ဆောင်ရွက်နေမှု လုပ်ငန်းများ၊ နေ့စဉ်ကာကွယ်ဆေးထိုးနှံမှု အခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦမြတ်ကျော်က အသီးသီးအကြံပြု ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ကြသည်။

မွန်းလွဲပိုင်းတွင် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူ များသည် မုံရွာမြို့၊ ပြည်သူ့ဆေးရုံကြီးရှိ သလ္လာရတနာခန်းမတွင် ကျင်းပသော စစ်ကိုင်းတိုင်းဒေသကြီး အစိုးရအဖွဲ့မှ မုံရွာပြည်သူ့ဆေးရုံကြီးရှိ ဆရာဝန်/သူနာပြု၊ ကျန်းမာရေးဝန်ထမ်းများနှင့် ဆေးရုံတက်လူနာ များအား စားသောက်ဖွယ်ရာ ပစ္စည်းများ  ပေးအပ်ပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားကာ တာဝန်ရှိသူများနှင့်အတူ ဒုတိယ ဆေးရုံအုပ်ကြီးနှင့် တာဝန်ရှိသူများထံ စားသောက်ဖွယ်ရာများ အသီးသီးပေးအပ်ကြပြီး မုံရွာပြည်သူ့ ဆေးရုံကြီးမှ ဒုတိယဆေးရုံအုပ်ကြီး ဒေါတ်တာမာမာအေးက ကျေးဇူးတင်စကား ပြန်လည် ပြောကြားကာ အခမ်းအနားကိုရုပ်သိမ်းခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာ ပြည်သူ့ဆေးရုံကြီးတွင် ဆေးကုသမှုခံယူနေသောလူနာများအား စားသောက်ဖွယ်ရာများ လိုက်လံ ပေးအပ်ကြပြီး အားပေးစကား ပြောကြားကာ ကုသရေး၊ သပ်ရပ်သန့်ရှင်းရေး လုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။

မုံရွာ အောက်တိုဘာ ၁၉

နိုင်ငံတော်အနေဖြင့် မြန်မာ့အားကစားအဆင့်အတန်း တိုးတက်မြင့်မားစေရေးကို အမျိုးသား ရေး တာဝန်တစ်ရပ်အဖြစ်ခံယူ၍ အထူးအားပေးချီးမြောက်လျက်ရှိရာ တိုင်းဒေသကြီးအတွင်း မြို့နယ် များရှိ ရွက်ပုန်းသီးအားကစားသမားများ ပေါ်ထွက်လာစေရန် ရည်ရွယ်၍ အားကစားပြိုင်ပွဲများကို ကျင်းပပေးလျက်ရှိရာ ၂၀၂၁-ခုနှစ်၊ စစ်ကိုင်းတိုင်း ဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ် ပေါင်းစုံအသက်(၁၈)နှစ်အောက် ပြေးခုန်ပစ်ပြိုင်ပွဲဆုချီးမြင့်ပွဲ အခမ်းအနားကို အောက်တိုဘာလ (၁၈)ရက်၊ ညနေ(၄)နာရီအချိန်တွင် မုံရွာမြို့၊ ပြည်သူ့အားကစားကွင်းအတွင်း ကျင်းပရာ အခမ်း အနားသို့ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အားကစားသမားများ၊ အားကစား ချစ်မြတ်နိုးသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက အမျိုးသား မီတာ (၁၅၀၀)ပြိုင်ပွဲနှင့် အမျိုးသား/အမျိုးသမီး မီတာ (၁၀၀)ပြိုင်ပွဲများ ယှဉ်ပြိုင်နေမှုအား ကြည့်ရှုအားပေး ကြသည်။

ယင်းနောက် ဆုချီးမြင့်ပွဲအခမ်းအနားကို ကျင်းပရာ တိုင်းဒေသကြီး တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်က အမျိုးသား/အမျိုးသမီး မီတာ(၁၀၀)ပြိုင်ပွဲများတွင် ဆုရရှိကြသော အားကစားသမားများအား ငွေသားဆုနှင့်ဆုတံဆိပ်များအားလည်းကောင်း၊ တိုင်းဒေသကြီး သယံ ဇာတရေးရာဝန်ကြီး ဦးတင်သန်းဝင်းက အမျိုးသား/အမျိုးသမီး မီတာ(၁၅၀၀)ပြိုင်ပွဲများတွင် ဆုရရှိကြသော အားကစားသမားများအား ငွေသားဆုနှင့် ဆုတံဆိပ်များအားလည်းကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ပြိုင်ပွဲများတွင် စံချိန်သစ် တင်ခဲ့ကြသော အားကစားသမားများ အား စံချိန်သစ်ဆုများအား အသီးသီးပေးအပ်ချီးမြင့်ခဲ့ကြသည်။

ဆက်လက်၍ တိုင်းဒေသကြီး လူမူရေးရာဝန်ကြီး ဦးအေးလိူင်က အမျိုးသမီး တံခွန်စိုက် ပထမ၊ ဒုတိယ၊ တတိယ ဆုများရရှိကြသော မြို့နယ်များအား ငွေသားဆုများအား လည်းကောင်း၊ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက အမျိုးသားတံခွန်စိုက် ပထမ၊ ဒုတိယ၊ တတိယ ဆုများရရှိကြသော မြို့နယ်များအား ငွေသားဆုများအား လည်းကောင်း အသီးသီး ပေးအပ်ချီးမြင့်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသား/အမျိုးသမီး စွယ်စုံတံခွန် စိုက်ရရှိကြသော တတိယဆုရ ဝက်လက်မြို့နယ်အား တံခွန်စိုက်ဆုနှင့် ငွေသားဆုများအား လည်းကောင်း၊ ဒုတိယဆုရ စစ်ကိုင်းမြို့နယ်အား တံခွန်စိုက်ဆုနှင့် ငွေသားဆုများအား လည်းကောင်း၊ ပထမဆုရ အင်းတော်မြို့နယ်အား တံခွန်စိုက်ဆုနှင့် ငွေသားဆုများအားလည်းကောင်း အသီးသီး ပေးအပ်ချီးမြင့်ခဲ့ကြပြီး ဆုရရှိသူများနှင့်အတူ မှတ်တမ်းတင်ဓါတ်ပုံရိုက်ကူးကာ ဆုချီးမြင့်ပွဲအခမ်း အနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အောက်တိုဘာလ (၁၉)ရက် နံနက်ပိုင်းတွင် အလုံမြို့၊ အမှတ်(၂)အခြေခံပညာ အထက်တန်းတွင်  အသက်(၁၂)နှစ်အထက် ကျောင်းသား/ ကျောင်းသူများအား ကျောင်းများပြန်လည်ဖွင့်လှစ်ချိန်တွင် ကိုဗစ်-၁၉ ရောဂါ ကူးစက်မှုမဖြစ်ပွားစေရေးအတွက် ကိုဗစ်-၁၉ ရောဂါကာကွယ်ဆေးများ ထိုးနှံ ပေးနေမှုနှင့် နိုင်ငံသားစီစစ်ရေးကတ်ပြားများ မပြုလုပ်ရသေးသော ကျောင်းသား/ကျောင်းသူ (၆၀)ဦး တို့အား နိုင်ငံသားစီစစ်ရေးကတ်ပြားများ ပြုလုပ်ပေးနေမှုအား လှည့်လည်ကြည့်ရှု့ အားပေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သတင်းရရှိ သည်။

မုံရွာ အောက်တိုဘာ ၁၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီး ဝင်းတင်စိုး၊ သယံဇာတရေးရာဝန်ကြီး ဦးတင်သန်းဝင်း၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော် နှင့် တာဝန်ရှိသူများလိုက်ပါလျက် အောက်တိုဘာလ(၁၇)ရက်၊ နံနက်ပိုင်းတွင် မုံရွာစီးပွားရေးတက္ကသိုလ်သို့ ရောက်ရှိရာ အစည်းအဝေးခန်းမတွင် ပါမောက္ခချုပ်၊ ပါမောက္ခ၊ ဌာနမှူးများ၊ ကထိကများက တစ်ဦးချင်း မိတ်ဆက်စကားပြောကြားကာ ပါမောက္ခချပ် ဒေါက်တာသီတာကြူနှင့် တာဝန်ရှိသူများက ကျောင်းပြန်လည်ဖွင့်လှစ် ချိန်တွင် ပညာသင်ကြားရေး အစီအစဉ်များ၊ ကျောင်းဝန်းအတွင်း အဆောက်အဦတည်ဆောက်ရေးလုပ်ငန်းများ၊ ကျောင်းပတ်ဝန်းကျင်သန့်ရှင်းရေးလုပ်ငန်းများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ပါမောက္ခချုပ်နှင့် ဆရာ/ဆရာများထံ စားသောက်ဖွယ်ရာများပေးအပ်ကာ ဆရာ/ဆရာများအား ရင်းရင်းနှီးနှီးနှုတ်ဆက် အားပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာစီးပွားရေးတက္ကသိုလ်ရှိ ကျောင်းစာကြည့်တိုက်အတွင်း လှည့်လည်ကြည့်ရှုစစ်ဆေးကာ လိုအပ်သည်များ မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာတက္ကသိုလ် သို့ရောက်ရှိရာ ပါမောက္ခချုပ် ဒေါက်တာသူရဦးက ကျောင်းပြန်လည်ဖွင့်လှစ်ရန်အတွက် သင်ကြားရေး၊ စားသောက်နေထိုင်ရေး၊ လုံခြုံရေး၊ ကျန်းမာရေးနှင့် သန့်ရှင်းသက်ရပ်ရေးဆိုင်ရာများကို ရှင်းလင်း တင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်းတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တာဝန်ရှိသူများနှင့်အတူ ပါမောက္ခချုပ်နှင့် ဆရာ/ဆရာများထံ စားသောက်ဖွယ်ရာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာပညာ ရေးကောလိပ်သို့ ရောက်ရှိရာ အစည်းအဝေးခန်းမတွင် ဆရာ/ဆရာမများ၊ ဝန်ထမ်းများနှင့် ရင်းရင်းနှီးနှီး တွေ့ဆုံရာ ဒုတိယကျောင်းအုပ်ဆရာမကြီး ဒေါ်အေးဖြူဇင်က ကျောင်းဝန်းအတွင်း တည်ဆောက်ရေးလုပ်ငန်းများ၊ ကျောင်း ပြန်လည်ဖွင့်လှစ်ချိန်တွင် သင်ကြားရေးကိစ္စရပ်များနှင့် အုပ်ချုပ်မှု ပိုင်းဆိုင်ရာ ဆောင်ရွက်ထားရှိမှုအခြေအနေများကို ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ တာဝန်ရှိသူများနှင့်အတူ ဒုတိယကျောင်းအုပ် ဆရာမကြီးနှင့် ဆရာ/ဆရာများထံ စားသောက်ဖွယ်ရာများ ပေးအပ်ခဲ့ကြပြီး ဆရာ/ဆရာမများနှင့် ဝန်ထမ်းများအား ရင်းရင်းနှီးနှီးနှုတ်ဆက်အားပေးခဲ့ကြသည်။

မုံရွာ အောက်တိုဘာ ၁၄

စစ်ကိုင်းတိုင်းဒေသကြီး ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး လုပ်ငန်းညှိနှိုင်း အစည်းအဝေး(၃၃/၂၀၂၁)ကို အောက်တိုဘာလ(၁၄)ရက်၊ နံနက်(၉) နာရီအချိန်တွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ်ဖြိုးသန့်၊ တိုင်းဒေသကြီး အစိုးရ အဖွဲ့ဝင် ဝန်ကြီးများ၊ တိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့်အရေးပေါ် တုံ့ပြန်ရေးကော်မတီအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာအကြီးအကဲများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော် က အမှာစကား ပြောကြားရာတွင် “ စစ်ကိုင်းတိုင်း ဒေသကြီးအတွင်းရှိ မြို့နယ်များတွင် ကိုဗစ်-၁၉ ရောဂါ ပိုတွေ့ရှိမှု သိသိသာသာ လျော့နည်းသွားတာလည်း တွေ့ရှိရပါကြောင်း၊  ကိုဗစ်-၁၉ ရောဂါ ကာကွယ်ထိန်းချုပ်ရေး လုပ်ငန်းများ အား အမျိုးသားရေးတာဝန်တစ်ရပ်အဖြစ် သတ်မှတ်ဆောင်ရွက်ရမည်ဖြစ်ပါကြောင်း၊ ကိုဗစ်-၁၉ ရောဂါ မဖြစ်ပွားစေရေး ဆောင်ရွက်သကဲ့သို့ စီမံခန့်ခွဲရေးတွင်တာဝန်ရှိသည့် ပုဂ္ဂိုလ်များလည်း ရောဂါ ကူးစက်မှုမခံရစေရေး ဂရုပြုဆောင်ရွက်ကြရန် လိုအပ်ပါကြောင်း၊ ကိုဗစ်-၁၉ ရောဂါဖြစ်ပွားခဲ့သည့် လူနာများအား Center များ၊ ဆေးရုံများတွင် ကျွေးမွေးထောက်ပံ့ခြင်းများ၊ အောက်ဆီဂျင်ရရှိရေးနှင့် အခြားလိုအပ်သည်များကိုလည်း ကောင်းမွန်ပြည့်စုံအောင်  ကူညီဆောင်ရွက်ဆောင်ရွက် ပေးထားပါ ကြောင်း၊ ကျောင်းဖွင့်ချိန် မတိုင်မီ အသက်-၁၂ နှစ်အထက် ကျောင်းသား၊ ကျောင်းသူများအား ကာကွယ်ဆေးများ ထိုးနှံပေးနိုင်ရေးကိုလည်း အရေးကြီးတာဝန်တစ်ရပ်အဖြစ် ခံယူကာတာဝန်ရှိသူများက မိမိကဏ္ဍအလိုက် ကျေပွန်စွာဖြင့်ပူးပေါင်းဆောင်ရွက်ပေးကြရန်နှင့် ကျောင်းများကို အခြေပြု၍ စာရင်းများကောက်ယူခြင်း၊ ကာကွယ်ဆေးထိုးနှံခြင်းများ ဆောင်ရွက်ရမည်ဖြစ်ပါကြောင်းနှင့် ဆောင် ရွက်မှုအားလုံးတွင် လုံခြုံရေးသတိဖြင့် ဆောင်ရွက်သွားကြရန် ” ပြောကြားခဲ့သည်။

ယင်းနောက် အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ်ဖြိုးသန့်က  မိမိတို့အနေဖြင့် ကာကွယ်ဆေး ထိုးနှံရေးလုပ်ငန်းများနှင့် လုံခြုံရေးလုပ်ငန်းများနှင့် ပတ်သက်၍ တာဝန်ရှိ သူများနှင့်ပေါင်းစပ်၍ ပူးပေါင်းဆောင်ရွက်ပေးသွားမည်ဖြစ်ပါကြောင်း ပြောကြားကာ အစည်းအဝေးသို့ တက်ရောက်လာကြသော တိုင်းဒေသကြီးအစိုးရအဖွဲ့ဝင် ဝန်ကြီးများ၊ တပ်မတော်အရာရှိကြီးများ နှင့် တာဝန်ရှိသူများက နေ့စဉ်ရောဂါပိုး စစ်ဆေးတွေ့ရှိမှု အခြေအနေများ၊ ဆေးရုံတက်ရောက် ကုသမှုနှင့် ဆေးရုံဆင်းမှုအခြေအနေများ၊ အောက်ဆီဂျင် ထုတ်လုပ်သုံးစွဲမှု အခြေအနေများ၊ နယ်မြေလုံခြုံ ရေး ဆောင်ရွက်နေမှုအခြေအနေများနှင့် အသက် ၁၂ နှစ်အထက် ကျောင်းသား၊ ကျောင်းသူများ ကာကွယ်ဆေးထိုးနှံရေး သက်ဆိုင်ရာကျောင်းများအခြေပြု၍ ဆေးထိုးနှံရေး ပြင်ဆင်ဆောင်ရွက်နေမှု လုပ်ငန်းများနှင့် ပတ်သက်၍ အသီးသီးအကြံပြု ဆွေးနွေးတင်ပြမှုများလိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ အစည်းအဝေးကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာန ချုပ်တိုင်းမှူး ဗိုလ်မှူးချုပ် ဖြိုးသန့်နှင့် တာဝန်ရှိသူများသည် မွန်းလွဲပိုင်းတွင် မုံရွာမြို့နယ်၊ သာစည် ကျေးရွာရှိ ဆည်တော်ပြင်ကျောင်းတိုက် ဘဒ္ဒန္တညာဏ ဆရာတော်ကြီးထံ ဝါဆိုသင်္ကန်း၊ လှူဘွယ် ပစ္စည်းများနှင့် ဆွမ်းဆန်စိမ်းများ အသီးသီး ဆက်ကပ်လှူဒါန်းခဲ့ကြပြီး ဆည်တော်ပြင်ကျောင်းတိုက် အတွင်း သာစည်ကျေးရွာနှင့် အနီးဝန်းကျင်ကျေးရွာများရှိ အသက် ၄၀ နှစ်အထက် ပြည်သူများအား ကိုဗစ်-၁၉ ရောဂါကာကွယ်ဆေးများ ထိုးနှံပေးနေမှုအား လှည့်လည်ကြည့်ရှုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အဆိုပါ ကျောင်းတိုက်ရှိ ဓမ္မာရုံတော်ကြီးတွင်ကျင်းပသော ပန်းခင်းစီမံချက် အိမ်ထောင်စုလူဦးရေစာရင်းနှင့် နိုင်ငံသားစီစစ်ရေးကတ်ပြား ပေးအပ်ပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက် တိုင်းစစ်ဌာနချုပ်တိုင်းမှူး ဗိုလ်မှူးချုပ်ဖြိုးသန့်နှင့် တာဝန်ရှိသူများက သာစည်ကျေးရွာရှိ ဒေသခံပြည်သူများအား နိုင်ငံသားစီစစ်ရေးကတ်ပြားများ အသီးသီးပေးအပ်ခဲ့ကြောင်း သတင်းရရှိသည်။   

မုံရွာ အောက်တိုဘာ ၁၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတ ရေးရာဝန်ကြီး ဦးတင်သန်းဝင်း၊ လူမူရေး ရာဝန်ကြီး ဦးအေးလိူင်၊ တိုင်းရင်းသားရေးရာ ဝန်ကြီး ဦးစိုင်းနိုင်နိုင်ကျော်၊ ဟုမ္မလင်းတပ်နယ်မှူး ဗိုလ်မှူးချုပ် မြင့်သောင်း၊ တိုင်းဒေသကြီးအဆင့် ဌာန ဆိုင်ရာအကြီးအကဲများနှင့် တာဝန်ရှိသူများ လိုက်ပါလျက် အောက်တိုဘာလ (၁၀)ရက်၊ နံနက် ပိုင်းတွင် ခန္တီးခရိုင်၊ ဟုမ္မလင်းမြို့ရှိ  ပရိယတ္တိစာသင်တိုက်၊ ဦးဉာဏိက ဆရာတော်ကြီးနှင့် သာသန ဇောတိကကျောင်းတိုက် ဦးဣန္ဒဝံသ ဆရာတော်ကြီးတို့ထံ ဝါဆိုသင်္ကန်း၊ ဆွမ်းဆန်စိမ်း၊ လှူဘွယ် ပစ္စည်းများနှင့် အလှူတော်ငွေတို့အား  အသီးသီး ဆပ်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီးဝန်ကြီးချုပ် ဦးမြတ်ကျော်က ဟုမ္မလင်းမြို့၊ ဝိဇ္ဇာသိပ္ပံ ကောလိပ် စာသင်ကျောင်းဆောင် အဆောက်အဦများနှင့် ကျောင်းဖွင့်လှစ်သင်ကြားမည့် အခြေ အနေများအား ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ ကျောင်းသူများအိပ်ဆောင် ဆောက်လုပ်နေမှုအား ကြည့်ရှုစစ်ဆေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် စိုက်ပျိုးရေးသိပ္ပံ(ဟုမ္မလင်း)သို့ ရောက်ရှိရာ ကျောင်းအုပ်ဆရာကြီး ဦးကိုးထင်းက ဟုမ္မလင်းမြို့၊ စိုက်ပျိုးရေးသိပ္ပံကျောင်း ကျောင်းဖွင့်လှစ် သင်ကြားမည့် အခြေအနေများနှင့်  ဟင်းသီးဟင်းရွက် စိုက်ခင်းများ စိုက်ပျိုးထားရှိမှု အခြေအနေများအား ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ စိုက်ပျိုးရေးသိပ္ပံ (ဟုမ္မလင်း)ကျောင်းအတွင်း စာသင်ဆောင်များ၊ အိပ်ဆောင် အဆောက်အဦများ ဆောက်လုပ်ပြီးစီးမှုတို့အား လှည့်လည်ကြည့်ရှုစစ်ဆေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ဟုမ္မလင်းမြို့၊ အမှတ်(၁၉) တပ်မတော်ဆေးရုံ ကုတင်(၁၀၀)သို့ ရောက်ရှိရာ ဆေးကုသမှု ခံယူနေကြသော ဒေသခံပြည်သူများအား စားသောက်ဖွယ်ရာများ အသီးသီး ထောက်ပံ့ပေးအပ်ကာ ဆေးကုသမှုခံယူနေသော လူနာများအား ရင်းရင်းနှီးနှီး လိုက်လံ နှုတ်ဆက်အားပေးပြီး နောင်ပကျစ်ရပ်ကွက်ရှိ အောက်ဆီဂျင်ထုတ်လုပ်ရေး စက်ထားရှိမည့် အဆောက်အဦ တည်ဆောက်နေမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သတင်းရရှိသည်။