Home

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ခန္တီးမြို့ ဒေသဖွံ့ဖြိုးရေးလုပ်ငန်းများ ကြည့်ရှု့စစ်ဆေး

မုံရွာ နိုဝင်ဘာ ၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးအေးလှိုင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျှက် နိုဝင်ဘာလ (၂)ရက်နေ့ နံနက်ပိုင်းတွင် ခန္တီးမြို့၊ အခြေခံပညာအထက်တန်းကျောင်းသို့ ရောက်ရှိရာ ကိုဗစ် - ၁၉ ရောဂါဆိုင်ရာ ကျန်းမာရေးလမ်းညွှန်ချက်များနှင့်အညီ ကျောင်းသား၊ကျောင်းသူများ ပညာသင်ကြားရာတွင် ရောဂါကူးစက်မှုမရှိစေရေး၊ ကျောင်းဝန်းအတွင်း မဝင်ရောက်မီ ကိုယ်အပူချိန်တိုင်းတာခြင်း၊ နှာခေါင်းစည်း Mask များ စနစ်တကျတပ်ဆင်ခြင်းနှင့် ကျောင်းဝန်းအတွင်း လက်ဆေးဘေစင်များတွင် လက်ဆေးခြင်းများ ဆောင်ရွက်နေမှုများအား ကြည့်ရှု့အားပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် စာသင်ဆောင်များအတွင်း ကျောင်းသား၊ကျောင်းသူများ တည်ငြိမ်အေးချမ်းစွာ ပညာသင်ကြားနေမှုများအား လှည့်လည်ကြည့်ရှု့ အားပေးပြီး ဆရာ/ဆရာများနှင့် ရင်းရင်းနှီးနှီးတွေ့ဆုံ နှုတ်ဆက်အားပေးကာ စားသောက်ဖွယ်ရာများ ပေးအပ်ခဲ့ပြီး သင်ကြားရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အစိုးရ စက်မှုလက်မှုသိပ္ပံ(ခန္တီး) ကျောင်းခန်းမသို့ ရောက်ရှိရာ ကျောင်းအုပ်ဆရာမကြီးက သင်ကြားပေး လျက်ရှိသောဘာသာရပ်များနှင့် ကျောင်းသားနှင့်ဆရာအချိုး၊ ကာလတိုသင်တန်းများ ဖွင့်လှစ်နေမှု အခြေအနေများအား ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်းပြချက် များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ကျောင်းအုပ်ဆရာမကြီးနှင့် ဆရာ/ဆရာမများထံ စားသောက်ဖွယ်ရာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် အစိုးရ စက်မှုလက်မှုသိပ္ပံ(ခန္တီး) ကျောင်းဝန်အတွင်း တည်ဆောက်လျှက်ရှိသည့်် အလျား - ၇၈ ပေ၊ အနံ - ၉၄ ပေ၊ (၄)ခန်းတွဲ၊ (၂)ထပ် ဝန်ထမ်းအိမ်ရာ ဆောက်လုပ်နေမှုအား ကြည့်ရှု့စစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ခန္တီးမြို့နယ် စည်ပင်သာယာရေး ကော်မတီအဖွဲ့နှင့် မြို့မိမြို့ဖများပူးပေါင်း၍ ကမ်းနားလမ်းတာဘောင် အရှည် - ၃၅၀၀ ပေ၊ အကျယ် - ၁၂ ပေ ကွန်ကရစ်လမ်း ခင်းကျင်းပြီးစီးမှုအား ကြည့်ရှု့စစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြိးချုပ် ဦးမြတ်ကျော်နှင့် တာဝန်ရှိသူများသည် ခန္တီးမြို့ ရေပေးဝေရေးလုပ်ငန်း ရှင်းလင်းဆောင်သို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က ခန္တီးမြို့ ရေပေးဝေရေးလုပ်ငန်းများ ဆောင်ရွက်ထားရှိမှုနှင့် ဆက်လက်ဆောင်ရွက်မည့် လုပ်ငန်းများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ခန္တီးမြို့နေ ပြည်သူများအား သန့်ရှင်းသောသောက်သုံးရေကို သက်သာသောဈေးနှုန်းဖြင့် လုံလောက်စွာဖြန့်ဝေပေးရေး၊ ရေစုပ်တင်ရာတွင် ဆိုလာစနစ်ဖြင့် ဆောင်ရွက်စေရေး၊ ရေပေးဝေခအား ကောက်ခံရာတွင် ကြိုတင်ငွေ ဖြည့်စနစ်ဖြင့် ဆောင်ရွက်ရေးတို့ကို မှာကြားကာ ခန္တီးမြို့ ရေပေးဝေရေးလုပ်ငန်းများ ဆက်လက်ဆောင်ရွက်မည့် လုပ်ငန်းများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ရေသိုလှောင်ကန်နှင့် မီးစက်အဆောက်အဦတို့အား လှည့်လည်ကြည့်ရှု့ စစ်ဆေးခဲ့ကြောင်းသတင်းရရှိသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့ ဒေသ ဖွံ့ဖြိုးရေးလုပ်ငန်းများ ကြည့်ရှုစစ်ဆေး

မုံရွာ နိုဝင်ဘာ ၃
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတရေးရာ ဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးအေးလိူင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျှက် နိုဝင်ဘာလ (၁)ရက်၊ နံနက်ပိုင်းတွင် ခန္တီးခရိုင်၊ ခန္တီးမြို့နယ်၊ ခန္တီး-ဆင်သေ-လဟယ်လမ်းပေါ်ရှိ နန့်စလိမ်ချောင်း တံတား တည်ဆောက်ရေးရှင်းလင်းဆောင်သို့ ရောက်ရှိရာ တံတားအထူးအဖွဲ့(၂)မှ ညွှန်ကြားရေးမှူး (မြို့ပြ) ဦးဇေယျာစိုးက နန့်စလိမ်တံတား တည်ဆောက်ရေးလုပ်ငန်းများနှင့် ပတ်သက်၍ ရှင်းလင်း တင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က နန့်စလိမ်ချောင်းတံတား တည် ဆောက်ရေးလုပ်ငန်းများနှင့်ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့ပြီး နန့်စလိမ်ချောင်းတံတား တည်ဆောက်နေမှုအား ကြည့်ရှုစစ်ဆေးခဲ့ကြသည်။

အဆိုပါ နန့်စလိမ်ချောင်းတံတားသည် ခန္တီးမြို့-ဆင်သေ-လဟယ်မြို့လမ်းပေါ်တွင် တည် ရှိပြီး အရှည် - ၃၃၀.၄၅ ပေ၊ တံတားအကျယ် - ၃၀.၅ ပေ၊ တံတားခံနိုင်ဝန် - ၆၀ တန်၊ တံတား ကင်းလွတ်အမြင့် - ၃ ပေဖြစ်ပြီး တံတားတည်ဆောက်ရေးလုပ်ငန်းများ ၁၀၀ % ပြီးစီးပြီဖြစ်ရာ တံတား အပေါ် ကတ္တရာခင်းခြင်းလုပ်ငန်းများ ဆောင်ရွက်လျှက်ရှိကြောင်းသိရသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် လဟယ်မြို့သို့ရောက်ရှိရာ ဒေသခံတိုင်းရင်းသားများနှင့် တာဝန်ရှိသူများက ကြိုဆိုနှုတ်ဆက်ကြပြီး လဟယ်မြို့၊ ထေရဝါဒဗုဒ္ဒသာသနာပြု(ဗဟို)ကျောင်းတိုက် ဆရာတော်ကြီးထံ သင်္ကန်း၊ ဆွမ်းဆန်စိမ်း နှင့် လှူဘွယ်ပစ္စည်းများ ဆက်ကပ်လှူဒါန်းခဲ့ကြပြီး ဆွမ်းချက်ဆောင် အဆောက်အဦ တည်ဆောက် နေမှုအား ကြည့်ရှု့စစ်ဆေးပြီး လိုအပ်သည်များဖြည့်ဆည်း ဆောင်ရွက်ပေးကာ လဟယ်မြို့၊ သီလရှင် ကျောင်းတိုက် ဆွမ်းချက်ဆောင် အဆောက်အဦ တည်ဆောက်နေမှုအား ကြည့်ရှုစစ်ဆေး ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လဟယ်မြို့၊ အခြေခံ ပညာအထက်တန်းကျောင်းသို့ ရောက်ရှိရာ ကျောင်းသား၊ကျောင်းသူများ တည်ငြိမ်အေးချမ်းစွာ ပညာ သင်ကြားနေမှုအား ကြည့်ရှု့အားပေးပြီး ဆရာ/ဆရာများနှင့် ရင်းရင်းနှီးနှီးတွေ့ဆုံ နှုတ်ဆက်အားပေး ကာ စားသောက်ဖွယ်ရာများ ပေးအပ်ခဲ့ပြီး သင်ကြားရေးလုပ်ငန်းများနှင့် ပတ်သက်၍ လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ လဟယ်မြို့၊ ပြည်သူ့ဆေးရုံသို့ ရောက်ရှိရာ ဆေးရုံအုပ်ကြီးနှင့် ဆရာဝန်၊ သူနာပြုများ၊ ဝန်ထမ်းများက ကြိုဆင်နှုတ်ဆက်ကြပြီး ဝန်ထမ်းများနှင့် ဆေးကုသမှုခံယူနေသော လူနာများအတွက် စားသောက်ဖွယ်ရာများ ပေးအပ်ခဲ့ပြီး လဟယ်မြို့၊ မြို့မနှစ်ခြင်းခရစ်ယာဉ်ကျောင်းသို့ ရောက်ရှိရာ အသင်းအုပ်ဆရာထံ စားသောက်ဖွယ်ရာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် လဟယ်မြို့၊ အမျိုးသမီးအိမ်တွင်းမှု သင်တန်းကျောင်းခန်းမတွင် ကျင်းပသော မြို့နယ်အဆင့်ဌာန ဆိုင်ရာများ၊ မြို့မိမြို့ဖများ၊ ဒေသခံတိုင်းရင်းသားများနှင့် တွေ့ဆုံပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားပြီး နာဂဦးစီးအဖွဲ့ ဥက္ကဌ ဦးထွန်းထွန်းဝင်းက နှုတ်ဆက်စကားပြောကြားသည်။

ဆက်လက်၍ လဟယ်မြို့နယ် စီမံအုပ်ချုပ်ရေးအဖွဲ့ ဥက္ကဌ ဦးဇာနည်ဝင်းက မြို့နယ်ဆိုင်ရာ ဒေသဖွံ့ဖြိုးရေးလုပ်ငန်းများ ဆောင်ရွက်ထားရှိမှု၊ ပညာရေး၊ ကျန်းမာရေး၊ စိုက်ပျိုး ရေး၊ လမ်းပန်းဆက်သွယ်ရေးနှင့် ကှိုဗစ်-၁၉ ကယ်ကွယ်ရေးလုပ်ငန်းများ ဆောင်ရွက်ထားရှိမှုတို့နှင့် ပတ်သက်၍ ရှင်းလင်းတင်ပြပြီး နာဂစီမံအုပ်ချုပ်ရေးအဖွဲ့ဝင် ဒုတိယဗိုလ်မှူးကြီး ညီညီကျော်က လုပ်ငန်းများနှင့် ပတ်သက်၍ တင်ပြချက်များအပေါ် ဖြည့်စွက်တင်ပြသည်။

ယင်းနောက် တိုင်းဒေသကြီး အစိုးရအဖွဲ့ဝင် ဝန်ကြီးများနှင့် တိုင်းဒေသကြီးအဆင့် ဌာန ဆိုင်ရာများက မိမိတို့ဌာနများအလိုက် လုပ်ငန်းများဆောင်ရွက်နေမှုများနှင့် ပတ်သက်၍ အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ၄၀ လီတာ ဆံ့ အောက်ဆီဂျင်အိုး ၃၀ လုံး၊ Concentator ၁၀ လုံးနှင့် ပန်းခင်းစီမံချက်အရ နိုင်ငံသားစီစစ်ရေး ကတ်ပြားများ လုံခြုံရေးတပ်ဖွဲ့ဝင်များအတွက် ထောက်ပံ့ငွေ၊ ကိုဗစ် -၁၉ ရောဂါ ကာကွယ်ရေးသုံး ပစ္စည်းများ၊ စားသောက်ဖွယ်ရာများ၊ အားကစားပစ္စည်းများနှင့် ဒေသခံတောင်သူများအတွက် စိုက်ပျိုး ရေးသုံးပစ္စည်းများအား တာဝန်ရှိသူများထံ အသီးသီးပေးအပ်ခဲ့ကြပြီး ဒေသခံတိုင်းရင်းသားများ ကိုယ်စား ဦးပေါင်ခုက ကျေးဇူးတင်စကား ပြန်လည်ပြောကြားကာ တိုင်းဒေသကြီး ဝန်ကြီးချုပ် ဦးမြတ်ကျော်က နိဂုံးချုပ်စကားပြောကြားကာ အခမ်းအနားသို့ တက်ရောက်လာသူများအား ရင်းရင်း နှီးနှီးလိုက်လံ နူတ်ဆက်အားပေးခဲ့ကြောင်း သတင်းရရှိသည်။

စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော် ခန္တီးခရိုင်နှင့်မြို့နယ် မြို့နယ်ဌာနဆိုင်ရာများ၊ မြို့မိမြို့ဖများနှင့် ဒေသခံတိုင်းရင်းသားများ တွေ့ဆုံပွဲအခမ်းအနား တက်ရောက်

မုံရွာ နိုဝင်ဘာ ၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးလုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးအေးလိူင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျှက် အောက်တိုဘာလ (၁)ရက်၊ မွန်းလွဲပိုင်းတွင် ခန္တီးခရိုင်၊ ခန္တီးမြို့၊ ထေရဝါဒဗုဒ္ဓသာသနာပြု(ဗဟို) ကျောင်းတိုက်သို့ ရောက်ရှိရာ ဆရာတော်ကြီးထံ သင်္ကန်း၊ ဆွမ်းဆန်စိမ်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ခန္တီးခရိုင်၊ စီမံအုပ်ချုပ်ရေးအဖွဲ့ရုံး အစည်းအဝေးခန်းမတွင် ကျင်းပသော ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဒေသခံတိုင်းရင်းသားများနှင့် တွေ့ဆုံပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က နှုတ်ခွန်းဆက်စကား ပြောကြားသည်။

ဆက်လက်၍ ခန္တီးမြို့နယ် စီမံအုပ်ချုပ်ရေးအဖွဲ့ ဥက္ကဌက မြို့နယ်ဆိုင်ရာ ဒေသဖွံ့ဖြိုးရေးလုပ်ငန်းများ ဆောင်ရွက်ထားရှိမှု၊ ပညာရေး၊ ကျန်းမာရေး၊ စိုက်ပျိုးရေး၊ လမ်းပန်းဆက်သွယ်ရေးများနှင့် ကိုဗစ်-၁၉ ကယ်ကွယ်ရေး ဆောင်ရွက်ထားရှိမှု ပတ်သက်၍ ရှင်းလင်းတင်ပြပြီး ခန္တီးခရိုင် စီမံအုပ်ချုပ်ရေးအဖွဲ့ ဥက္ကဌက လုပ်ငန်းများနှင့် ပတ်သက်၍ တင်ပြချက်များအပေါ် ဖြည့်စွက် တင်ပြသည်။

ယင်းနောက် တိုင်းဒေသကြီး အစိုးရအဖွဲ့ဝင် ဝန်ကြီးများနှင့် တိုင်းဒေသကြီးအဆင့် ဌာနဆိုင်ရာများက မိမိတို့ဌာနများအလိုက် လုပ်ငန်းများဆောင်ရွက်နေမှုနှင့် ပတ်သက်၍ အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ၄၀ လီတာဆံ့ အောက်ဆီဂျင်အိုး ၃၀ လုံး၊ Concentrator ၁၀ လုံးနှင့် ပန်းခင်းစီမံချက်အရ နိုင်ငံသားစိစစ်ရေး ကတ်ပြားများ လုံခြုံရေးတပ်ဖွဲ့ဝင်များအတွက် ထောက်ပံ့ငွေ၊ ကိုဗစ် -၁၉ ရောဂါ ကာကွယ်ရေးသုံးပစ္စည်းများ၊ စားသောက်ဖွယ်ရာများ၊ အားကစားပစ္စည်းများနှင့် ဒေသခံတောင်သူများအတွက် စိုက်ပျိုးရေးသုံးပစ္စည်းများအား တာဝန်ရှိသူများထံ အသီးသီးပေးအပ်ခဲ့ကြပြီး တိုင်းဒေသကြီး ဝန်ကြီးချုပ် ဦးမြတ်ကျော်က နိဂုံးချုပ် စကားပြောကြားကာ အခမ်းအနားသို့ တက်ရောက်လာသူများအား ရင်းရင်း နှီးနှီး လိုက်လံနှုတ်ဆက် အားပေးခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ခန္တီးမြို့၊ ပြည်သူ့ဆေးရုံဆေးရုံသို့ ရောက်ရှိရာ ဆေးရုံအုပ်ကြီး၊ ဆရာဝန်များ၊ သူနာပြုများနှင့် ဝန်ထမ်းများက ရင်းရင်းနှီးနှီးကြိုဆိုနှုတ်ဆက်ကြပြီး တိုင်းဒေသကြီး ဝန်ကြီးချုပ်က ဆေးရုံအတွင်း တည်ဆောက်လျက်ရှိသော အောက်ဆီဂျင်စက်ရုံ တည်ဆောက်ပြီးစီးမှုအား ကြည့်ရှု့စစ်ဆေးပြီး ဆေးရုံဝန်ထမ်းများနှင့် ဆေးကုသမှုခံယူနေသော လူနာများအတွက် ထောက်ပံ့ငွေနှင့် စားသောက်ဖွယ်ရာများအား ဆေးရုံအုပ်ကြီးနှင့် တာဝန်ရှိသူများထံ ပေးအပ်ခဲ့ကြောင်း သတင်းရရှိပါသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် နာဂပိုယ်ပိုင်အုပ်ချုပ်ခွင့်ရဒေသ လေရှီးမြို့နယ် မြို့နယ်ဌာနဆိုင်ရာများ၊ မြို့မိမြို့ဖများနှင့် ဒေသခံတိုင်းရင်းသားများ တွေ့ဆုံပွဲအခမ်းအနား တက်ရောက်

မုံရွာ နိုဝင်ဘာ ၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စီးပွားရေးရာဝန်ကြီး ဒေါ်ရီရီသန်း၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးအေးလိူင်၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တိုင်းဒေသကြီးအဆင့် ဌာနဆိုင်ရာအကြီးအကဲများ လိုက်ပါလျှက် အောက်တိုဘာလ (၁)ရက်၊ မွန်းလွဲပိုင်းတွင် နာဂကိုယ်ပိုင်အုပ်ချုပ်ခွင့်ရ ဒေသ လေရှီးမြို့၊ မြို့နယ်စီမံအုပ်ချုပ်ရေးအဖွဲ့ရုံး အစည်းအဝေးခန်းတွင် ကျင်းပသော မြို့နယ်အဆင့်ဌာနဆိုင်ရာများ၊ မြို့မိမြို့ဖများ၊ ဒေသခံတိုင်းရင်းသားများနှင့် တွေ့ဆုံပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ် ဦးမြတ်ကျော်က အဖွင့်အမှာစကားပြောကြားပြီး နာဂဦးစီးအဖွဲ့ ဥက္ကဌ ဦးထွန်းထွန်းဝင်းက နှုတ်ခွန်းဆက်စကား ပြောကြားကြသည်။

ဆက်လက်၍ လေရှီးမြို့နယ် စီမံအုပ်ချုပ်ရေးအဖွဲ့ ဥက္ကဌ ဦးအောင်မြင်က မြို့နယ်ဆိုင်ရာ ဒေသဖွံ့ဖြိုးရေး လုပ်ငန်းများ ဆောင်ရွက်ထားရှိမှု၊ ပညာရေး၊ ကျန်းမာရေး၊ စိုက်ပျိုးရေး၊ လမ်းပန်းဆက်သွယ်ရေးများနှင့် ကိုဗစ်-၁၉ ကာကွယ်ရေး ဆောင်ရွက်ထားရှိမှုများနှင့်ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တိုင်းဒေသကြီးအဆင့် ဌာနဆိုင်ရာများက မိမိတို့ဌာနများအလိုက် လုပ်ငန်းများဆောင်ရွက်နေမှုနှင့် ပတ်သက်၍ အသီးသီး ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများက ၄၀ လီတာဆံ့ အောက်ဆီ ဂျင်အိုး ၄၀ လုံး၊ Concentrator ၅ လုံး၊ ဌာနဆိုင်ရာဝန်ထမ်းများနှင့် လုံခြုံရေးတပ်ဖွဲ့ဝင်များအတွက် ထောက်ပံ့ငွေ၊ ကိုဗစ်-၁၉ ရောဂါ ကာကွယ်ရေးသုံးပစ္စည်းများ၊ စားသောက်ဖွယ်ရာများ၊ အားကစားပစ္စည်းများနှင့် ဒေသခံ တောင်သူများအတွက် စိုက်ပျိုးရေးသုံးပစ္စည်းများအား တာဝန်ရှိသူများထံ အသီးသီးပေးအပ်ခဲ့ကြပြီး တိုင်းဒေသကြီး ဝန်ကြီးချုပ် ဦးမြတ်ကျော်က နိဂုံးချုပ် စကားပြောကြားကာ အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက် အားပေးခဲ့သည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် လေရှီးမြို့၊ ပြည်သူ့ဆေးရုံသို့ ရောက်ရှိရာ ဆေးရုံအုပ်ကြီး၊ ဆရာဝန်များ၊ သူနာပြုများနှင့် ဝန်ထမ်းများက ရင်းရင်းနှီးနှီးကြိုဆိုနှုတ်ဆက်ကြရာ တိုင်းဒေသကြီး ဝန်ကြီးချုပ်က ဆေးရုံဝန်ထမ်းများနှင့် ဆေးကုသမှုခံယူနေသော လူနာများအတွက် ထောက်ပံ့ငွေနှင့် စားသောက်ဖွယ်ရာများအား ဆေးရုံအုပ်ကြီးနှင့် တာဝန်ရှိသူများထံ ပေးအပ်ခဲ့ပြီး ဆေးကုသမှုခံယုနေသော ဒေသခံတိုင်းရင်းသားများအား ရင်းရင်းနှီးနှီးလိုက်လံနှုတ်ဆက်အားပေးပြီး လေရှီးမြို့၊ ထေရဝါဒဗုဒ္ဓသာသနာပြု ဗဟိုဌာန ဘုန်းတော်ကြီးကျောင်းတိုက်သို့ ရောက်ရှိရာ ဆရာတော်ကြီးထံ သင်္ကန်း၊ ဆွမ်းဆန်စိမ်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မြို့မ နှစ်ခြင်းခရစ်ယာန်ကျောင်းသို့ ရောက်ရှိရာ အသင်းအုပ်ဆရာ ဦးဆန်းဒေးထံ စာသောက်ဖွယ်ရာများ ပေးအပ်လှူဒါန်းခဲ့ကြောင်း သတင်းရရှိသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် ခန္တီးခရိုင်၊ ဟုမ္မလင်းမြို့နယ် ချင်းတွင်းတံတား (တမံသီ) တည်ဆောက်နေမှုလုပ်ငန်းများ များကြည့်ရှု့စစ်ဆေး

မုံရွာ အောက်တိုဘာ ၃၁

ရှေးဦးစွာ တံတားတည်ဆောက်အထူးအဖွဲ့(၂)မှ ညွှန်ကြားရေးမှူး(မြို့ပြ) ဦးအောင်သီဟ က ချင်းတွင်းတံတား(ထမံသီ) တည်ဆောက်ရေးလုပ်ငန်းများ ဆောင်ရွက်နေမှုများနှင့် ဆက်လက် ဆောင်ရွက်မည့် လုပ်ငန်းအခြေအနေများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီး ခန္တီးခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသတို့ကို ဆက်သွယ်ပေးမည့် ချင်းတွင်းမြစ်ကူး ချင်းတွင်း တံတား(ထမံသီ) တည်ဆောက်ပြီးစီးပါက လေရှီးမြို့နယ်၊ ဆွပ္မရာမြို့နှင့် အနီးပတ်ဝန်းကျင်ရှိ ကျေးရွာ များမှ ဒေသခံပြည်သူများ လူမူစီးပွားရေးနှင့် ဒေသဖွံ့ဖြိုးရေးအတွက် များစွာအကျိုးပြုမည့် တံတား ဖြစ်ပါ၍ တည်ဆောက်ရေးလုပ်ငန်းများကို အမြန်ပြီးအောင်သက်မှတ် စံချိန်စံညွှန်းများနှင့်အညီ တည် ဆောက်စေလိုပါကြောင်း၊ လုပ်ငန်းပမာဏကြီးမားပြီး အချိန်ပြည့်လုပ်ဆောင်နေကြပါ၍ လုပ်ငန်းခွင် ဘေးအန္တရာယ်ကင်းရှင်းရေးကိုလည်း သတိပြုစေလိုပါကြောင်း၊ တံတားတည် ဆောက်မှုလုပ်ငန်းများ ဆောင်ရွက်ရာတွင် ဒေသခံပြည်သူများနှင့် ရင်းနှီးစွာဆက်ဆံကာ ၎င်းတို့၏ လယ်ယာစိုက်ပျိုးရေး ဆောင်ရွက်မှုများကိုလည်း ထိခိုက်မှုမရှိအောင် ဆောင်ရွက်စေလိုပါကြောင်းတို့ကို အလေးအနက် ထားကာ အသေးစိတ်မှာကြားပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ချင်းတွင်း တံတား(ထမံသီ) တည်ဆောက်နေမှုလုပ်ငန်းများ၊ ဘိုးပိုင်တူးခြင်းနှင့် ချဉ်းကပ်လမ်းဖောက်လုပ်နေမှု တို့အား လှည့်လည်ကြည့်ရှု့ စစ်ဆေးခဲ့ကြသည်။

အဆိုပါ ချင်းတွင်းတံတား(ထမံသီ)သည် ခန္တီးခရိုင်၊ ဟုမ္မလင်းမြို့နယ်၊ ပင်းမာ-ထမံသီ-လေရှီးမြို့-ပန်ဆပ်-ဆွပ္မရာမြို့ လမ်းပေါ်တွင် ချင်းတွင်းမြစ်က်ိုဖြတ်၍ တံတားအမျိုးအစား - သံကူကွန် ကရစ်တံတားဖြစ်ပြီး တံတားအရှည် - ၈၀၁ မီတာ x ၉.၄ မီတာ ၊ တံတားအခန်းဖွင့် - ၁၂၀ မီတာ၊ သံမဏီသံဘောင် x ၄ ခန်း+မီတာ ၃၀ ကြိုတင်အားဖြည့် သံကူကွန်ကရစ် ယက်မ x ၁၀ ခန်း + မီတာ ၂၀ ကြိုတင်အားဖြည့် သံကူကွန်ကရစ် ယက်မ ၁ ခန်း၊ ရေလမ်းကင်လွတ်အမြင့် ၄၀ ပေ(HFL) အကျယ် - ၃၃၈ ပေဖြစ်ကြောင်း သတင်းရရှိသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် မုံရွာမြို့အတွင်း ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေး

မုံရွာ အောက်တိုဘာ ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ်ဖြိုးသန့်၊ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ သယံဇာတရေးရာ ဝန်ကြီး ဦးတင်သန်းဝင်း၊ တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်နှင့် တာဝန်ရှိသူများလိုက်ပါလျှက် အောက်တိုဘာလ(၁၆)ရက်၊ နံနက်ပိုင်းတွင် စစ်ကိုင်းတိုင်းဒေသကြီး စည်ပင်သာယာရေးအဖွဲ့ရုံး အစည်းအဝေးခန်းမ သို့ ရောက်ရှိရာ တိုင်းဒေသကြီးစည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က မုံရွာမြို့အတွင်း ဒေသဖွံ့ဖြိုးရေး လုပ်ငန်းများနှင့် မြို့သန့်ရှင်းသာယာလှပရေးလုပ်ငန်းများ ဆောင်ရွက်နေမှုနှင့် ဆက်လက်ဆောင်ရွက် မည့် အစီအမံများနှင့် ပတ်သက်၍ ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ရုံးကြီးရပ်ကွက်၊ ရုံးကြီးလမ်း၊ မြစန္ဒာရုပ်ရှင်ရုံမှ နာရီစင်အထိ အရှည် - ၁၆၀၀ ပေအား အကျယ် - ၂၄ ပေ၊ ၃.၅ လက်မထု နိုင်လွန်ကတ္တရာခင်းကျင်းနေမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိ သူများနှင့် ဖြည့်ဆည်း ပေါင်းစပ်ဆောင်ရွက်ပေးကာ မုံရွာမြို့၊ မြို့ဝင်မုဒ်ဦးအနီး နယ်မြေခံ တပ်မတော် သားများ၊ မီးသက်တပ်ဖွဲ့ဝင်များ၊ လူမူရေးအသင်းအဖွဲ့ဝင်များ ပူးပေါင်း၍ မုံရွာ-မန္တလေး ရထားလမ်း နှင့်ကားလမ်းဘေးဝဲ/ယာရှိ ခြုံနွယ်များ ရှင်းလင်း ဆောင်ရွက်နေမှုအား ကြည့်ရှု အားပေးခဲ့ကြသည်။

ဆက်လက်ပြီး မုံရွာမြို့၊ နို့စားနွားမွေးမြူရေးဇုန်၌ အရှည် - ၂၁၆၀ ပေကို အကျယ် - ၁၈ ပေ၊ ၉ လက်မထု ကွန်ကရစ်လမ်းခင်းကျင်း ပြိးစီးမှုအခြေအနေကို တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက ရှင်းလင်းတင်ပြရာ တိုင်းဒေသကြီး ဝန်ကြီးချုပ် ဦးမြတ်ကျော်က ရှင်းလင်း တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့နယ်၊ စည်ပင်သာယာရေး ကော်မတီမှ တာဝန်ယူဆောင်ရွက်နေသော မုံရွာမြို့၊ နန္ဒဝန်ရပ်ကွက်၊ တိုင်းဒေ သကြီးအဆင့် ဌာနဆိုင်ရာရုံးများ ဝန်းကျင်ရှိ ကွန်ကရစ်လမ်း -၂၀ လမ်း၊ ကတ္တရာလမ်း - ၂ လမ်း၊ စုစုပေါင်း - ၂၂ လမ်း အရှည် - ၃ မိုင် ခင်းကျင်းနေမှုနှင့် ကွန်ကရစ်တံတား - ၂၂ စင်း ဆောက် လုပ်နေမှုတို့အား လှည့်လည်ကြည့်ရှု့ စစ်ဆေးပြီး လမ်းတံတားများ အရည်အသွေးကောင်းမွန်စေရေး၊ စံချိန်စံ ညွှန်းမီဖြစ်စေရေးတို့အား တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီးဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မုံရွာမြို့၊ ကန်သာယာအရှေ့ဘက်ကန်ရှိ မြို့ရာပြည့်စေတီတော်ကြီး ရင်ပြင်တော် ကွန်ကရစ်ခင်းကျင်းနေမှုနှင့် ပြည်ထောင်စုကျွန်း တံတားအမှတ်(၁) အရှည် - ၄၀ ပေ၊ အကျယ်- ၃၅ ပေ၊ သံကူကွန်ကရစ်တံတား တည်ဆောက်ရေးလုပ်ငန်းခွင်သို့ ရောက်ရှိရာ ဆောက်လုပ်ရေး ဝန်ကြီးဌာန၊ တံတားအထူးအဖွဲ့(၂)မှ ဒုတိယညွှန်ကြားရေးမှူး ဦးဇေယျာစိုးက တံတား တည်ဆောက်ရေး လုပ်ငန်းများနှင့် ပတ်သက်၍ ရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ လွတ်လပ်ရေးကျွန်း တံတားအမှတ် (၂) အရှည်-၄၀ ပေ၊ အကျယ်-၃၀ ပေ၊ သံကူကွန်ကရစ်တံတား တည်ဆောက်ပြီးစီးမှုတို့အား လှည့်လည်ကြည့်ရှု စစ်ဆေးခဲ့ကြောင်းသတင်းရရှိသည်။