ကျန်းမာရေးကဏ္ဍ

သွေးလွန်တုပ်ကွေးရောဂါ ကြိုတင်ကာကွယ်ရေးလုပ်ငန်းများ မြင်းမူမြို့၌ ဆောင်ရွက်

u4

မြင်းမူ   ဇွန်(၂၃)

စစ်ကိုင်းတိုင်းဒေသကြီး၊ မြင်းမူမြို့နယ်ကျန်းမာရေးဦးစီးဌာန ဝန်ထမ်းများနှင့် မြို့နယ်အမျိုးသမီးရေးရာအဖွဲ့ ဝင်များ၊ မြို့နယ်မိခင်နှင့် ကလေးစောင့်ရှောက်ရေးအသင်းဝင်များသည် ဇွန်လ(၂၃)ရက်က အသောကရပ်ကွက် အတွင်းရှိ နေအိမ်များသို့ သွားရောက်ပြီး သွေးလွန်တုပ်ကွေး ကြိုတင်ကာကွယ်ရေးလုပ်ငန်းများကို ဆောင်ရွက်ခဲ့ကြ ကြောင်း သိရသည်။

သွေးလွန်တုပ်ကွေး ကြိုတင်ကာကွယ်ရေးလုပ်ငန်းများ ဆောင်ရွက်ရာတွင် မြို့နယ်အမျိုးသမီးရေးရာအဖွဲ့ ဥက္ကဌ ဒေါ်သင်းသင်းနိုင်နှင့် အဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေးအသင်းဝင်များနှင့် မြို့နယ်ကျန်းမာရေးဝန်ထမ်းများသည် လူနေအိမ်များရှိ ရေတွင်း၊ ရေကန်များအတွင်းသို့ အဘိတ်ဆေးမှုန့်များ ဆေးခတ်ပေး ခဲ့ကြပြီး ဘုရားပန်းအိုး၊ ရေအိုးနှင့် ရေကန်များကို ဖုံး၊ သွန်၊ လဲ၊ စစ်လုပ်ငန်းများ ကွင်းဆင်းဆောင်ရွက်ခဲ့ကြသည်။

u5

ဆက်လက်ပြီး မြို့နယ်အမျိုးသမီးရေးရာအဖွဲ့ ဥက္ကဌ ဒေါ်သင်းသင်းနိုင်နှင့် အဖွဲ့ဝင်များ၊ မြို့နယ်မိခင်နှင့် ကလေးစောင့်ရှောက်ရေးအသင်းဝင်များသည် မြို့နယ်ကျန်းမာရေးဝန်ထမ်းများနှင့်အတူ အသောကရပ်အတွင်းရှိ အသက်(၅)နှစ်အောက် ကလေးငယ်များအား ကိုယ်အလေးချိန် ပေါင်ချိန်ပေးခြင်းနှင့် ကျန်းမာရေးစောင့်ရှောက်မှုလုပ်ငန်းများကို ဆောင်ရွက်ပေးခဲ့ကြပြီး ကလေးငယ်များအား အာဟာရများ တိုက်ကျွေးခဲ့ကြကြောင်း သိရသည်။

Online Visitors

Flag Counter

စစ်ကိုင်းတိုင်းဒေသကြီးအစိုးရအဖွဲ့

စိန်ပန်းပြာလမ်းနှင့် ကမ်းနားလမ်းထောင့်၊ အိုးဘိုတောင်ရပ်ကွက်၊ မုံရွာမြို့။
ဖုန်း - ၀၇၁ - ၂၂၅၃၁
ဖက် - ၀၇၁ - ၂၂၅၃၇